1. Samuel 2:17 - O Debleskro Drom 2021 (Sinte)

¹⁷ Un koi doosh, hoi kol terne mursha ap pende anan, his baro glan o baro Debleste. Lenge his kowa tchi moldo, hoi o baro Debleske anlo was.

O Debleskro Lab 2024 (Sinte-Manouche)

¹⁷ Oun koy doosh, hoy kol terne morsha ap pende anan, his baro glan o baro Debleste. Lenge his kova či moldo, hoy o baro Debleske anlo vas.

1. Samuel 2:17 ပူးပေါင်းရင်းမြစ်များ

1. Mose 10:9

Un job his i baro jegari glan o baro Debleste. Doleske well penlo: ‘Kowa hi i baro jegari glan o baro Debleste har o Nimrod.’

1. Mose 13:13

Kol menshe an Sodom his tchilatcho un djiwan an baro tchilatchepen glan o baro Debleste.

1. Mose 6:11

Un i phub his buder gar latcho glan o Debleskre jaka. I menshe kran, kai his i phub pherdo tchilatchepen un midjak koowa. Har o Dewel ap i phub dikas, dikas lo, te djan i tsele menshe ap i tchilatcho drom.

2. Rajengro liil 21:6

Un job mukas peskro tchawes an i jag te djal un shunas ap tchirklengre golja un wawar sikepen, un rikras peske drawepangre un sawe menshen, kai i mulen putchan. Jaake kras lo bud koowa, hoi tchilatcho hi glan o baro Debleskre jaka, te choirell lo les.

Debleskri gili 51:4

Thob miri doosh mandar tele, un le ko tselo tchilatchepen mandar krik, te wap pale djudjo!

Jesaja 3:8

O foro Jerusalem peras, un o them Juda hi koi tchiddo. Hoske? Jon dukran o baro Debles pengre labentsa, un ninna koleha, hoi le kran. Kowa, hoi o sorelo Dewel lenge penas, kaman le gar te krell.

Maleachi 2:13

Koi hi gomme i wawar koowa, hoi tumer kran: Te wenn tumer glan o baro Debleste, un o baro Dewel dikell gar latches ap kowa, hoi leske anenna, un kamell tchi dran tumare wasta te lell, palle rowenn tumer un denn gole, un tumare swa tchakrenn leskri chatchepaskri.

Mateo 18:7

I bibacht hi kowa, kai della ap kai phub bud koowa, hoi anell i menshen ap o tchilatcho drom. Hawo bibacht well ap koleste, kai anell i wawaren ap o tchilatcho drom!

1. Samuel 2:16

Te penas ko mursh palle: “Mishto, muk man o thulepen o Debleske te chatchrell, palle le tuke, hoi tu kameh”, palle penas o rashajeskro budepaskro: “Na-a, kanna dess les, un te deh les gar, lau les sorjah tutar.”

1. Samuel 3:13

Job djinas, har peskre tchawe sawo koowa kran, hoi ladj ap mande anas. Un job mukas len kowa te krell. Doleske dau me leskro kheer peskri phagi, hoi atchella hako tsiro ap leste. Kowa penom leske glan i tsiro.