1. Samuel 2:16 - O Debleskro Drom 2021 (Sinte)

¹⁶ Te penas ko mursh palle: “Mishto, muk man o thulepen o Debleske te chatchrell, palle le tuke, hoi tu kameh”, palle penas o rashajeskro budepaskro: “Na-a, kanna dess les, un te deh les gar, lau les sorjah tutar.”

O Debleskro Lab 2024 (Sinte-Manouche)

¹⁶ Te penas ko morsh palle: “Mishto, mouk man o thulepen o Debleske te rhačrell, palle le touke, hoy tou kameh”, palle penas o rashayeskro boudepaskro: “Na-a, kanna dess les, oun te deh les gar, lau les zoryah toutar.”

1. Samuel 2:16 ပူးပေါင်းရင်းမြစ်များ

Nehemia 5:15

Kol wawar themeskre raja glan mande tchiwan pharo koowa ap i menshende. Hako diwes lan le lendar maro un mool un kote pashel gomme 40 (star-deesh) rupene beme. Un kolengre budepangre kran pen ninna rai pral i menshende, jaake har le kaman! Me krom kowa gar jaake, djinom, o Dewel dikell man!

3. Mose 3:16

Un o rashai chatchrell kowa lauter ap o Debleskri chatchepaskri. Kolla hi kol kotja o viechestar, hoi o baro Debleske hi. Un o sungepen, hoi well win, sungell leske mishto. O tselo thulepen hi o baro Debleske.

Micha 3:5

Kawa penell o baro Dewel ap i rakepangre, kai penenn, te well len i lab o baro Deblestar, un kowa hi gar jaake. Jon chochenn i menshen un penenn kolenge, kai denn len chapaske: Halauter well mishto tumentsa! Kolenge, kai denn len tchi te chal, penenn le: I tchilatcho tsiro well pral tumende.

Čačepangre 18:25

I Danarja penan ap leste: “Muk, atch! Mer kamah tchi buder te shunell. Tuke nai djal, te perenn chojede mursha pral tute un tiro kheer, un denn tumen mulo!”

1. Samuel 2:15

Ninna glan ko tsiro, kai jek o thulepen ap o Debleskri chatchepaskri chatchras, was o rashajeskro budepaskro un penas ap ko mursheste, kai i vieches anas: “De man mass o rashajeske, te pekap les. Job kamell jalo mass tutar te lell un kek keredo mass.”

1. Samuel 2:17

Un koi doosh, hoi kol terne mursha ap pende anan, his baro glan o baro Debleste. Lenge his kowa tchi moldo, hoi o baro Debleske anlo was.