1. Samuel 2:15 - O Debleskro Drom 2021 (Sinte)

¹⁵ Ninna glan ko tsiro, kai jek o thulepen ap o Debleskri chatchepaskri chatchras, was o rashajeskro budepaskro un penas ap ko mursheste, kai i vieches anas: “De man mass o rashajeske, te pekap les. Job kamell jalo mass tutar te lell un kek keredo mass.”

O Debleskro Lab 2024 (Sinte-Manouche)

¹⁵ Ninna glan ko tsiro, kay yek o thulepen ap o Debleskri rhačepaskri rhačras, vas o rashayeskro boudepaskro oun penas ap ko morsheste, kay i firhes anas: “De man mass o rashayeske, te pekap les. Yob kamell yalo mass toutar te lell oun kek keredo mass.”

1. Samuel 2:15 ပူးပေါင်းရင်းမြစ်များ

2. Mose 12:9

Ma chan ko mass jales, witar gar keredo an o pani! Pral i jag well o tselo bakro peklo, o shero, i herja, ninna i buke.

3. Mose 3:16

Un o rashai chatchrell kowa lauter ap o Debleskri chatchepaskri. Kolla hi kol kotja o viechestar, hoi o baro Debleske hi. Un o sungepen, hoi well win, sungell leske mishto. O tselo thulepen hi o baro Debleske.

Remarja 16:18

Sawe menshe budrenn gar maro rajeske, o Jesus Kristeske. Na-a, jon krenn, hoi lenge kokres mishto hi. Shukar labentsa un baro rakepen anenn le kolen o Debleskro dromestar tele, kai denn gar jak.

Filiparja 3:19

Jon djan ap i drom, kai djan le nashedo. Lengro per hi lengro Dewel. Jon sharenn ko djungelo koowa, hoi kran le, un hunte ladjans pen pral kowa. Kowa, hoi an lengro shero trujel djala, hi phubjakro koowa.

Judas 1:12

Kol menshenge hunte ladjenn tumen. Te wenn tumer khetne, te pijenn un te chan, palle chan jon pen thulles pash tumende un ladjenn pen gar. Jon dikenn ap pende kokres, te djal lenge kokres mishto. Jon krenn bare laba, hoi tchi moldo hi. Jon hi har ruka, ap kolende tchi baro wella, witar kek patria, un kai hi tseles mulo un wenn tele dino.

1. Samuel 2:14

Un lauter, hoi ap i forshetta pre atchas, las job o rashajeske peha. Un jaake kran le pash hako Israelitari, kai an Shilo was.

1. Samuel 2:16

Te penas ko mursh palle: “Mishto, muk man o thulepen o Debleske te chatchrell, palle le tuke, hoi tu kameh”, palle penas o rashajeskro budepaskro: “Na-a, kanna dess les, un te deh les gar, lau les sorjah tutar.”