1. Samuel 2:10 - O Debleskro Drom 2021 (Sinte)

¹⁰ Kolla, kai tchingrenn ap baro Debleste, wenn mulo dino. Dran o bolepen bitchrell o Dewel peskri choli pral lende. O baro Dewel dell i tseli phubjat peskri phagi. Job rodell koles win, kai baro rai well, un dell les bari soor.

O Debleskro Lab 2024 (Sinte-Manouche)

¹⁰ Kolla, kay čingrenn ap baro Debleste, venn moulo dino. Dran o bolepen bičrell o Devel peskri rholi pral lende. O baro Devel dell i tseli phoubyat peskri phagi. Yob rodell koles vin, kay baro ray vell, oun dell les bari zoor.

1. Samuel 2:10 ပူးပေါင်းရင်းမြစ်များ

2. Samuel 22:14

Un o baro Dewel mukas o bolepen bari gole te dell, awa, o Dewel pral halauter mukas pes te shunell bari goljah.

2. Samuel 7:13

Kowa krell mange i kheer. Un me krau te atchell lo hako tsiro baro rai.

2. Samuel 7:8

Doleske hunte peness tu ap miro budepaskro o David: Jaake penell o baro Dewel, ko rai pral o bolepen un i phub: Me lom tut i bakrendar krik, kai tu pre garda dal, te wess tu rai pral mire menshende Israel.

Hiob 40:9

Hi tut sawi bari soor har man? Nai rakreh tu sawi sorjah har me?

Debleskri gili 132:17

Kote well jek o Davideskre tchawendar i sorelo baro rai. Ko baro rai, koles mange wi-rodom, well i menshenge har i momeli, hoi hako tsiro chatchella.

Debleskri gili 148:14

Job das peskre menshende i soor pral i wawar menshende. Sharenn les, tumer, leskre menshe, tumer dran o Israel, kai han pash leste. Sharedo well o baro Dewel!

Debleskri gili 2:2

I bare raja ap kai phub stakrenna pre, un i pralstune beshenn khetne, un krenn win, har nai hadenn le pen pral o baro Debleste un pral koleste, kones job win rodas.

Debleskri gili 2:6

“Ap i berga Zion, kai mange hi, tchiwom me i baro rajes, koles me wi-rodom.”

Debleskri gili 2:9

Ab rai pral lende i sasterno wasteha, tu phageh len nai har tchare.”

Debleskri gili 20:6

Palle kamah mer te giwell i bachtjatar. Un sharah maro Debles un hidjrah o themeskri plachta, te sikras, kai job tut soreles kras pral kolende, kai kuran pen tuha. O baro Dewel mu dell tut lauter, hoi tu lestar mangeh!

Debleskri gili 20:7

Kanna djinau, kai well o baro Dewel ap i rig kolestar, koles job win rodas, te well lo baro rai. Dran o bolepen, kai job khere hi, shunell lo ap leste, un peskri bari sorjah well lo ap leskri rig.

Debleskri gili 21:1

I gili o rajeske pral i gipangre. O David kras kai gili.

Debleskri gili 28:8

O baro Dewel hi o sorelo ap i rig peskre menshendar. Un o baro rajeske, hoi job wi-rodas, hi lo har i baro sorelo kheer.

Debleskri gili 45:7

Miro Dewel, tiri rajeskri beshepaskri atchell hako tsireske. Tu hal i tchatcho un latcho rai pral tire menshende.

Debleskri gili 89:17

O tselo diwes hi le bachtelo pral tute. O tchatchepen, hoi tu len deh, krell len baro.

Debleskri gili 89:24

Me kamau kolen khetne te stakrell, kai ap leste djan, un kolen, kai leske tchilatchepen kamenn, dau me an i phub.

Debleskri gili 89:25

Hako tsiro rikrau pash leste, un hom leske latcho. Me krau les bareder har kolla, kai trul leste hi.

Debleskri gili 96:13

glan o baro Debleste. Job wella. Awa, job wella, un anell o tchatchepen ap i phub. Job rakrell o tchatchepen win pral i menshende an hake themma. Un hi lengro tchatchepaskro rai, kai djal pal o tchatchepen.

Debleskri gili 98:9

glan o baro Debleste! Job wella un rakrell o tchatchepen win pral i tseli phub. Job hi o tchatchepaskro rai pral i tsele themma, un dell hakeneste pal kowa, hoi lo kras.

2. Mose 15:6

Tu, mo baro Dewel, har sorelo hi tiro tchatcho wast! Tu, baro Dewel, tiro tchatcho wasteha dal tu kolen an kotja, kai kuran pen tuha.

Sikepaskro 11:9

Terno mursh, muk tiro dji te giwell an tire terne bersha! Ab bachtelo jaake rah, har terno hal. Kre, hoi tiro dji tuke penella un tire jakentsa mishto hi; un biste gar, te well i diwes, kai rakrell o Dewel o tchatchepen win pral tute un halauter, hoi kral.

Sikepaskro 12:14

O Dewel rakrell o tchatchepen win pral halauter, hoi kram, ko latcho un ko tchilatcho koowa, ninna te hi kowa kanna khatedo.

Jesaja 29:6

well o baro Dewel, o rai pral o bolepen un i phub, un lell tumen win dran lengre wasta. Job wella bari goljah un mukell i phub trissell. Un o bolepen dell gole, un i sorelo ducho phurdell pral i phub, un bari jag chal trul peste.

Jesaja 32:1

Sik well i baro rai, kai krell halauter an o tchatchepen, un i pralstune pral o them denn hakenes peskro tchatchepen.

Jesaja 45:24

un penell mandar: “Kokres an o baro Debleste hi tchatchepen un soor.” Kolla, kai tchingran ap mande, wenna wi-ladjedo glan mande tardo.

Ezekiel 29:21

An ko tsiro mukau me o kheer Israel pale soreles te well. Un tuke, Hesekijel, krau o mui pre, te rakress mire laba mank lende. Palle dikenn un haiwenn le, te hom me o baro Dewel.

Mateo 25:34

Un palle penell o baro rai ap kolende, kai ap leskri tchatchi rig tardo hi: Ap tumende well i bacht miro dadestar an o bolepen. Awenn un djiwenn mantsa khetne an miri harmenatsjona. Kowa kamas o Dewel jaake rah har o bolepen un i phub koi hi.

Mateo 28:18

Un o Jesus djas pash lende un penas ap lende: “O baro Dewel das man i soor pral o bolepen un pral i phub.

Louka 1:69

Job bitchras menge jek soreles, te lell job men dran o tchilatchepen win. Un kawa wella o Davideskre menshendar.

Louka 19:27

Un job penas dureder: Anenn kolen glan mande, kai hi chojedo ap mande, un kai kaman gar, te wap baro rai pral lende, un denn len glan mire jaka temerl!”

Bičepangre 10:38

Tumer djinenn, har das o Dewel o Jesuseste dran Nazaret peskro Ducho un peskri soor. Un job djas trujel un kras latcho koowa, un kras lauteren sasto, kai o beng pandas. O Dewel his pash leste.

Bičepangre 4:27

Tchatchepah, jon wan lauter an kau foro khetne: O Pilato, o Herodes, i Remarja, un i tsele bibolde dran bud themma. Jon hi chojemen ap tiro budepaskro Jesus, kai tutar was. Koles rodal tu win, maro Dewel, te well lo baro rai.

2. Korintarja 5:10

Ap ko diwes, kai rakrell o Jesus Kristo o tchatchepen pral mende win, hunte was mer halauter glan leste tardo. Un hakeno lell pal kowa, hoi job kras, har djiwas lo ap i phub: latcho koowa har tchilatcho koowa.

Čačepangre 5:31

Maro baro Dewel, jaake hunte merenn lauter, hoi tut gar kamenna. Kolla, kai kamenn tut o tselo djijestar, jon te wenna railo har o kham, har djal lo pre an peskri soor! Un pal kowa his an o them 40 (star-deesh) bersha kek kurepen.

1. Samuel 12:13

Kanna dikenn: “Kate hi tumaro baro rai, koles tumenge win rodan un mandar mangan. O baro Dewel tchiwas les pral tumende.

1. Samuel 12:17

Kanna hi o tsiro, kai o djob dren anlo well. Tumer djinenn, kowa hi gar o tsiro, kai dell brishin. Un me dau kanna ap o baro Debleste gole, te bitchrell job brishin un mukell o bolepen gole te dell. Palle haiwenn tumer, te his kowa, hoi kran, i baro tchilatchepen glan o baro Debleste, har mangan mandar i baro rajes pral tumende.”

1. Samuel 12:18

Un o Samuel das ap o baro Debleste gole, un o baro Dewel bitchras brishin ko diwes, un mukas o bolepen gole te dell. Koi lan i tsele menshe bari daar glan o baro Debleste un glan o Samuel.

1. Samuel 12:3

Doleske hom kanna glan tumende tardo: Stenn pre un rakrenn kate glan o baro Debleste un glan o baro rajeste, kones job win rodas: Koneskri grumni lom me? Koneskri esla? Kones chochrom me? Konestar lom i sorjah, hoi leske his? Konestar mukom man te plaissrell, te pandap mire jaka glan leskro tchilatcho koowa. Me te krom kowa, palle kamau les me pale te dell.”

1. Samuel 15:28

Koi penas o Samuel ap leste: “Jaake har lal tu sorjah ko kotar than dran miri baja win, jaake las o baro Dewel peskre menshen Israel sorjah dran tiro wast win, te wess tu buder kek rai pral lende. Un job kras i wawares rai pral lende, jekes kai hi feteder har tu.

1. Samuel 16:1

Un o baro Dewel penas ap o Samuel: “Har rah kameh tu gomme pal o Saul te rowell, koles me pale tchiwom, te well lo buder gar o rai pral o Israel? Le kanna i tushni djet tuha, un kre tut ap o drom! Me bitchrau tut pash o Isai an o foro Betlehem. Mank leskre mursh tchawende hi kowa, koles me mange win rodom, te well job baro rai.”

1. Samuel 7:10

Un har job gomme o bakres chatchras, wan i Filistarja te kurenn le pen i Israelentsa. Un o baro Dewel mukas o bolepen bari gole te dell pral lende ap ko diwes, jaake te tapras kol Filistarjen i bari daar, un jon nashan penge glan i Israelitarja.