1. Samuel 2:1 - O Debleskro Drom 2021 (Sinte)

¹ Un i Hanna parkras pes pash o Debleste un penas: Miro dji hi bachtelo an o baro Debleste. Job hadas man pre un kras man soreles. Kanna nai sau pral kolende, kai man tiknes kran. Tu, miro Dewel, wal ap miri rig. Doleske hom bachtelo.

O Debleskro Lab 2024 (Sinte-Manouche)

¹ Oun i Hanna parkras pes pash o Debleste oun penas: Miro dji hi barhtelo an o baro Debleste. Yob hadas man pre oun kras man zoreles. Kanna nay sau pral kolende, kay man tiknes kran. Tou, miro Devel, val ap miri rig. Doleske hom barhtelo.

1. Samuel 2:1 ပူးပေါင်းရင်းမြစ်များ

2. Familjakro liil 20:27

Jaake djan i mursha dran o them Juda un dran o foro Jerusalem pale pale an o foro Jerusalem. Un o Josafat djas glan lende. Lengre djia his bachtelo. O baro Dewel das len koi bari bacht an o dji, te das lo len gar an i wasta kolendar, kai wan, te kurenn le pen lentsa.

Nehemia 11:17

o Mattanja, koleskro dad o Micha his, koleskro dad o Sabdi his, koleskro dad o Asaf his; job his kowa, kai glan giwas an i sharepaskre gilja, hoi giwan le o Debleske; o Bakbukja, jek leskre phralendar; job his o duito glan-gipaskro; o Abda, koleskro dad o Shamua his, koleskro dad o Galal his, koleskro dad o Jedutun his.

Hiob 16:15

Me siwom mange i gono trul mande, un hom tchiddo kek sorjah an i tchik.

Debleskri gili 118:14

Lestar well miri soor. Leske giwau miri gili. Job was un las man win dran i tchilatche wasta.

Debleskri gili 13:5

Kowa, kai kamell mange tchilatchepen, nai sharals pes un penals, te wals lo sorleder har me. Kolla, kai hadenn pen ap mande, wans bachtelo pral miro perepen.

Debleskri gili 148:14

Job das peskre menshende i soor pral i wawar menshende. Sharenn les, tumer, leskre menshe, tumer dran o Israel, kai han pash leste. Sharedo well o baro Dewel!

Debleskri gili 18:2

Un job penas: Baro Dewel, miro tselo djijestar kamau tut. Tu kreh man soreles.

Debleskri gili 20:5

Mu dell lo tut lauter, hoi tiro dji kamella, un krell, te djal tuke lauter mishto, hoi tu tuke glan lal!

Debleskri gili 21:2

Baro Dewel, har bachtelo hi o baro rai pral tiri soor! Tu hal ap leskri rig. Doleske bashrell leskro dji.

Debleskri gili 35:9

Miro dji mu giwell un bashrell, te las man o baro Dewel dran lengre wasta win.

Debleskri gili 51:15

Kolen, kai shunenn gar ap tute, kamau me tiro drom te sikrell, te mukenn le pengro tchilatcho drom, un wenn pale pash tute.

Debleskri gili 71:8

O tselo diwes kamau te sharap tut un giwap tuke gilja.

Debleskri gili 75:10

Me kamau o Deblestar te rakrell hako tsiro. Un leske, ko Jakobeskro Debleske, giwau un bashrau.

Debleskri gili 89:17

O tselo diwes hi le bachtelo pral tute. O tchatchepen, hoi tu len deh, krell len baro.

Debleskri gili 89:18

Tu kokres hal lengro railepen un lengri soor, un dran tiro latchepen nai hadah mare sherja.

Debleskri gili 89:24

Me kamau kolen khetne te stakrell, kai ap leste djan, un kolen, kai leske tchilatchepen kamenn, dau me an i phub.

Debleskri gili 9:14

Ab latches ap mande, baro Dewel! Dik o tchilatchepen, hoi kolla mantsa krenna, kai hi mulo chojedo ap mande! Un tserde tu man win dran o merepaskro wast!

Debleskri gili 92:10

Mer djinah, lauter, kai tut tchilatchepen kamenn, hunte merenn. Un lauter, kai tchilatcho koowa krenna, wenn krik tradedo.

2. Mose 15:1

An kowa tsiro giwas o Mose un i Israelitarja kaja gili, un jon penan: Me kamau te giwap i gili o baro Debleske. Baro un sorelo hi lo! Graja un mursha witsras lo an o baro pani.

2. Mose 15:21

Un i Mirjam giwas lenge glan: Me kamau te giwap i gili o baro Debleske. Baro un sorelo hi lo! Graja un mursha witsras lo an o baro pani.

Habakuk 3:1

Kawa hi ko mangepen, hoi o Debleskro rakepaskro, o Habakuk, o Deblestar mangas.

Habakuk 3:18

Miro dji hi bachtelo pral o baro Debleste, Miro dji giwell un djinell: Miro Dewel lell man win dran o merepen.

Louka 1:69

Job bitchras menge jek soreles, te lell job men dran o tchilatchepen win. Un kawa wella o Davideskre menshendar.

Remarja 5:11

Un kowa hi gar lauter. Mer ham jaake bachtelo, te was o Dewel maro Dewel. Maro rai, o Jesus Kristo, anas men leha khetne.

5. Mose 33:17

Leskri soor hi jaake baro har i gurumeskri soor. Kolla, kai lestar wenna hi har shinga i diwje gurmendar. Kolentsa tradenn le i menshen dran wawar themma bis an i dureder themma ap i phub. Kowa krenn i menshe, kai wenna o Josefeskre dui tchawendar: kol 10.000 (deesh-serja) dran o kheer Efrajim, un kol serja dran o kheer Manasse.

Filiparja 3:3

Mer, kai ap o Jesus Kristeste patsah, ham tchatchepah o Debleskre menshe. Ap mende hi o Debleskro Ducho. Jaake nai krah o Debleskri budi. Mer ham bachtelo pral kowa, hoi o Jesus Kristo menge kras un hunte rikras kek koowa, hoi wella i menshendar. Mer djinah, sawo koowa nai anell men gar pash o Debleste.

Filiparja 4:4

Awenn bachtelo hako tsiro! Tumari bacht well o Jesusestar, maro rajestar. Awa, awenn bachtelo!

Filiparja 4:6

Ma darenn tchi! Hako tsiro mangenn o Deblestar, hoi tumen hunte well, un penenn leske lauter, hoi ap tumaro dji hi! Un parkrenn tumen pash leste!

1. Petro 1:8

Koles kamenn tumer o djijestar, ninna te dikan les gar. Ap leste patsenn tumer, ninna te dikenn les kanna nai gar. Tumaro patsepen anell tumen pash o Debleste an o bolepen. Kote hi tumari bacht jaake baro, hoi i labentsa nai gar penenna.

Debleskro tsiro 18:20

Awenn bachtelo, tumer, kai djiwenn an o bolepen! O baro foro hi paash! Awenn bachtelo, tumer Debleskre menshe! Awenn bachtelo tumer, kai han o Jesuseskre bitchepangre, ninna tumer, kai han o Debleskre rakepangre! Kowa, hoi o foro tchilatches kras ap tumende, das o Dewel ko fores pale.

1. Samuel 1:6

Un i Peninna, koi wawar romni, rodas, har te dukrell li lat, un kras lat i labentsa tele, doleske, kai nashte lell li kek tchawe.

1. Samuel 1:7

Un jaake djas kowa hako bersh: Te djan le pre pash o baro Debleskro kheer, dukras i Peninna lat jaake. Palle rowas i Hanna un chas tchi.