1. Samuel 19:7 - O Debleskro Drom 2021 (Sinte)

⁷ Kote das o Jonatan o Davides gole, un penas leske lauter, un anas les pash o Saul. Un job budras leske pale, har glan ko tsiro.

O Debleskro Lab 2024 (Sinte-Manouche)

⁷ Kote das o Yonatan o Davides gole, oun penas leske lauter, oun anas les pash o Saul. Oun yob boudras leske pale, har glan ko tsiro.

1. Samuel 19:7 ပူးပေါင်းရင်းမြစ်များ

1. Mose 31:2

Un o Jakob haiwas, kai o Laban buder gar latcho ap leste his, har glan kau tsiro.

1. Familjakro liil 11:2

Glan i rah tsiro har o Saul baro rai his, anal tu o Israel an o kurepen un pale khere. Un tiro baro Dewel penas tuke ninna: ‘Tu dess jak ap mire menshende Israel, un tu wess o rai pral o Israel.’”

2. Mose 4:10

Un o Mose penas ap o baro Debleste: “Miro Rai, me haiwau gar mishto te rakrell, ninna kanna kai rakreh mantsa, hi mange phares te rakrap.”

Jesaja 30:33

I rah tsiro hi i chatchepaskri platsa kerdo, dur tele djal li un buchles hi li. Ninna o baro rajeske hi li kerdo. Jag hi koi un bud kashta chatchepaske. Un o ducho o baro Deblestar phurdell soreles koi pre, un krell i jag, hoi lauter pre chatchrella.

1. Samuel 16:21

Jaake was o David pash o Sauleste, te budrell job leske. Un o Saul kamas o Davides o djijestar. Un job was leskro hidjepaskro, kai hidjras leskro charo un wawar kurepaskro koowa.

1. Samuel 18:10

O wawar diwes mukas o Dewel o tchilatcho duches pral o Sauleste te well. Un job was diwjes an peskro kheer. I harfa an o wast bashras o David o Sauleske, jaake har job hako diwes kras. Un o Saules his i witsepaskro tchuri an o wast.

1. Samuel 18:13

Un bitchras les krik pestar, un tchiwas les pral jek sero lurdende, te well lo lengro pralstuno. Un o David djas glan kol lurdende an o kurepen.

1. Samuel 18:2

Un o Saul las les ap ko diwes an peskro kheer, un mukas les buder gar pale an peskro dadeskro kheer te djal.

1. Samuel 19:6

Un o Saul shunas ap o Jonatan un das pes sowel un penas: “Me dau man sowel pash o djido Debleste, o David hunte merell gar!”

1. Samuel 19:8

Un pale was i baro kurepen, un o David djas win te marell lo pes i Filistarentsa. Un job das len jaake soreles, te hunte nashan le.