1. Samuel 19:5 - O Debleskro Drom 2021 (Sinte)

⁵ Job dikas gar ap peskro djipen, har djas lo koi un kuras pes o Filistareha un das les mulo. Jaake te las o baro Dewel o tselo Israel dran i wasta i Filistarendar. Un tu dikal kowa un hals bachtelo. Hoske kameh tu doosh ap tute te anell un i rat jekestar, koles kek doosh ap peste hi? Hoske kameh tu o Davides mulo te dell tchitcheske?”

O Debleskro Lab 2024 (Sinte-Manouche)

⁵ Yob dikas gar ap peskro djipen, har djas lo koy oun kouras pes o Filistareha oun das les moulo. Yaake te las o baro Devel o tselo Israel dran i vasta i Filistarendar. Oun tou dikal kova oun hals barhtelo. Hoske kameh tou doosh ap toute te anell oun i rat yekestar, koles kek doosh ap peste hi? Hoske kameh tou o Davides moulo te dell čičeske?”

1. Samuel 19:5 ပူးပေါင်းရင်းမြစ်များ

2. Samuel 23:10

O Eleasar rikras win, un maras kol Filistarjen, bis te leskro wast khino was, un anas o wast gar buder pre, kai rikras lo o charo. Un o baro Dewel das bari bacht ap ko diwes, jaake te djan kol lurde pale pal o Eleasar, te tchorenn le, hoi tchiddo atchas.

1. Familjakro liil 11:14

Un job djas mashkral ap ko kotar phub, tserdas pes gar pale, un maras kol Filistarjen. Un o baro Dewel das bari bacht.

1. Familjakro liil 11:18

Koi tchoran pen kol triin dren ap i platsa, kai kol Filistarja his, un lan pani dran koi brunna pash ko foreskro wudar an Betlehem, un anan kowa pash o Davideste. Job kamas gar te pijell, un tchoras ko pani win o baro Debleske,

Debleskri gili 109:5

Har homs lenge latcho, dan le man tchilatchepen pale. Har sikrom len miro kamlepen, dikan le tchilatche jakentsa ap mande.

Debleskri gili 119:109

Miro djipen hi hako tsiro gar dur o merepastar. Tiro drom bistrau me gar.

Debleskri gili 25:3

Kek, kai pes ap tute rikrell, hunte ladjell pes. Kolla, kai phukrenn ap tute tchitcheske, hunte ladjenn pen.

Debleskri gili 69:4

Me dom gole, bis te man kek soor buder an mande his, un miri meen dukas. Mire jaka wan khino, jaake rah dikau pal miro Debleste.

Debleskri gili 94:21

Jon tchiwenn pen khetne, te anenn le doosh ap koleste pre, kai an o tchatchepen tardo hi, un denn koles i phagi, koles kek doosh hi, te well lo maredo.

2. Mose 14:13

O Mose penas ap i tsele menshende: “Ma darenn! Atchenn soreles! Dikenn har o baro Dewel tumen kau diwes win lell dran i wasta kol Egiptarendar! Kal Egiptarjen, kai tumer kau diwes dikenna, kolen dikenn tumer buder gar, witar gar an ko tsiro, hoi wella.

Jeremia 26:15

Djinenn! Te marenn man, marenn tumer jekes, kai kek doosh ap leste hi, un anenn miro rat ap tumende un ap kau foro un kolende, kai dren djiwenn. Tchatchepah, o baro Dewel bitchras man pash tumende, te penap kawa lauter glan tumare kanda.”

Mateo 27:24

Har o Pilato dikas, te nai krell lo tchi, un te wenn le diwjeder, las lo pani, thowas peskre wasta glan i tsele menshende, un penas: “Me anau kek doosh ap mande, te well lo maredo. Koi doosh well ap tumende.”

Mateo 27:4

Un job penas ap lende: “Me anom doosh ap mande. Me phukrom ap koleste, kai kek doosh ap peste anas.” Penan le: “Kowa hi gar maro koowa. Kowa hi tiro koowa.”

Johanni 15:25

Jaake was kowa tchatcho, hoi an o Debleskro lab tchinlo hi: Jon hi tchilatcho ap mande, ninna te krom kek tchilatchepen ap lende.

Bičepangre 20:24

Me dau tchi buder ap miro djipen. Jek koowa kamau me an miro djipen te krell: Me kamau koi budi te krell, hoi das man maro rai Jesus: Job penas mange, te penap i menshenge, har latcho o Dewel lenge hi, un har kras job i drom, te nai wenn le pash leste.

Filiparja 2:30

Har tumer wan nai gar pash mande, his job mange koi, un leskro djipen his leske gar bud moldo. Leskri budi o Jesus Kristeske anas les pash o merepen.

Hebrearja 2:3

Mer te djah gar ap o newo drom, kai lah o djipen, hoi gar pre-herella, palle wella o Debleskri choli pral mende. Kau newo drom sikras men maro rai Jesus. Un leskre laba hi o tchatchepen. Kolla, kai les shunan, penan les menge.

Čačepangre 12:3

Un har dikom, te wenn tumer gar, kote hunte dom kokres ap mande jak un djom koi, te kurap man lentsa. Un o baro Dewel das len an miro wast. Un hoske djan tumer kau diwes pash mande pre, te marenn tumen mantsa?”

Čačepangre 9:17

Miro dad djas tumenge an o kurepen, kai nai wals lo maredo, un las tumen win dran i wasta kolendar dran Midian.

1. Samuel 11:13

O Saul penas: “Kau diwes well kek mulo dino. Kau diwes las o baro Dewel peskre menshen Israel win dran i wasta kolendar, kai lenge tchilatchepen kaman.”

1. Samuel 14:45

I Israeleskre mursha penan ap o Saul: “Hunte merell o Jonatan, kai ko baro koowa kras un las o Israel win? Kowa krah mer gar! Pash o djido Debleste dah men sowel: Kek bal te perell tele leskro sherestar! O Dewel his ap leskri rig, doleske nai kras job kau diwes sau baro kowa.” Jaake lan i mursha o Jonatanes win dran o merepen. Un job was gar maredo.

1. Samuel 19:6

Un o Saul shunas ap o Jonatan un das pes sowel un penas: “Me dau man sowel pash o djido Debleste, o David hunte merell gar!”

1. Samuel 20:32

Un o Jonatan putchas peskro dadestar, o Saulestar: “Hoske hunte merell lo? Hoi kras lo?”

1. Samuel 22:14

O Ahimelech penas ap o baro rajeste: “Koon mank tire tsele budepangre hi jaake ap tiri rig har o David? Ninna hi lo tiri tchakro rom un o pralstuno pral tire feteder lurdende. Un job hi an-diklo an tiro tselo kheer.

1. Samuel 28:21

Un koi djuwel djas pash o Saul, un har joi dikas, har djungeles leske djala, penas li ap leste: “Dik, me, tiri budepaskretsa, shunom ap tute, un dom miro djipen an tire wasta, har shunom, hoi mandar kamal.