1. Samuel 19:24 - O Debleskro Drom 2021 (Sinte)

²⁴ Kote riwas job ninna peskre koola win, un rakras glan o Samuel o Debleskro rakepen win, un peras ap i phub un his nanges koi tchiddo o tselo diwes un i tseli rat. Doleske well penlo: “Hi o Saul ninna mank o Debleskre rakepangre?”

O Debleskro Lab 2024 (Sinte-Manouche)

²⁴ Kote rivas yob ninna peskre koola vin, oun rakras glan o Samuel o Debleskro rakepen vin, oun peras ap i phoub oun his nanges koy čiddo o tselo dives oun i tseli rat. Doleske vell penlo: “Hi o Saul ninna mank o Debleskre rakepangre?”

1. Samuel 19:24 ပူးပေါင်းရင်းမြစ်များ

2. Samuel 6:14

O David khelas peskri tseli sorjah glan o baro Debleste. Un trul leste his les i rashajeskri laintikri damdira.

2. Samuel 6:20

Un o David was khere, te penell lo peskre menshenge ‘latcho diwes’ un te putchell lo lendar, har lenge djala. Un i Michal, o Sauleskri tchai, djas win pash leste, un penas: “Hawo railepen his ko baro rajes pral Israel kai diwes, har riwas job pes win glan kol djuwjende, kai leskre pralstunenge budrenn, jaake har pen kol wi-ladjede menshe wi-riwenna!”

Jesaja 20:2

rakras o baro Dewel ap o Jesaja, koleskro dad o Amoz his, un penas: “Rib tiri goneskri damdira un tire kircha win!” Kowa kras o Jesaja. Job riwas peskre koola win, ninna peskre kircha, un djas jaake trujel triin bersha rah.

Micha 1:8

Pral kowa halauter hunte dap i bari gole un hunte rowap, me nashau pirkenes un nanges, te sikrap har miro dji rowella. Har i diwjo djuklo dau gole, un rowau har ko tchirklo, hoi kharell straussa.

4. Mose 24:4

Kowa penella, kai shunell o Debleskro rakepen. Me dikau, hoi o sorelo Dewel mande sikrella. Mire jaka wenn pre kerdo, te djau ap i tchanga.

Bičepangre 9:21

Lauter kolla, kai shunan kowa, atchas o rakepen krik, un jon penan: “Hi kowa gar ko mursh, kai las an o foro Jerusalem i tsele patslen palla, un kamas len te marell, kolen, kai denn o Jesuseskro lab an-gole? Was job gar kate, te anell job i patslen pandlo glan kol bare rashajende an o foro Jerusalem?”

1. Samuel 10:6

Un o baro Debleskro ducho well pral tute, un tu rakreh lentsa khetne o Debleskro rakepen win. Un kote weh tu i wawar mensho.

1. Samuel 15:35

Un o Samuel dikas o Saules buder gar jaake rah har djiwas lo. Un leskro dji rowas pral o Saul. O baro Debles khaitas, te rodas lo les win, te well lo o rai pral o Israel.

1. Samuel 18:10

O wawar diwes mukas o Dewel o tchilatcho duches pral o Sauleste te well. Un job was diwjes an peskro kheer. I harfa an o wast bashras o David o Sauleske, jaake har job hako diwes kras. Un o Saules his i witsepaskro tchuri an o wast.