1. Samuel 19:23 - O Debleskro Drom 2021 (Sinte)

²³ Un job djas koi. Ap peskro drom was ninna pral leste o Debleskro ducho. Un job djas un rakras o Debleskro rakepen win, bis te was job pash kol khera, kai o Debleskre rakepangre djiwenn an o foro Rama.

O Debleskro Lab 2024 (Sinte-Manouche)

²³ Oun yob djas koy. Ap peskro drom vas ninna pral leste o Debleskro dourho. Oun yob djas oun rakras o Debleskro rakepen vin, bis te vas yob pash kol khera, kay o Debleskre rakepangre djivenn an o foro Rama.

1. Samuel 19:23 ပူးပေါင်းရင်းမြစ်များ

Gosewe laba 16:9

O mensheskro dji lell peske tchomone glan, o baro Dewel hi kowa, kai anell leskre herja ap ko drom, har job kamell.

Gosewe laba 21:1

O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.

4. Mose 23:5

O baro Dewel tchiwas o Bileameske o lab an o mui un penas: “Dja pale pale pash o Balak un pen jaake!”

4. Mose 24:2

un dikas kol Israelitarja, har lengre plachtene khera tardo hi, haki bari familja peske. Un o Debleskro ducho was ap leste.

Mateo 7:22

Well ko diwes, kai o Dewel o tchatchepen pral i tsele menshende wi-rakrella. Ap ko diwes penenna bud ap mande: Rai, rai, an tiri soor penam mer i menshenge, hoi o Dewel menge penas. An tiri soor tradam i bengen win, un kram bud baro sorelo koowa.

Johanni 11:51

O Kajafas penas kowa gar dran peste. An ko bersh his lo o baro rashai, un job penas glan-wi, kai o Jesus hunte merell i biboldenge,

1. Korintarja 13:2

Te wals man gar o Debleskro kamlepen an o dji, palle molals ninna kowa tchi, te penoms me i menshenge, hoi o Dewel mande sikras. Te wals man gar o Debleskro kamlepen an o dji, palle molals ninna kowa tchi, te djinoms halauter, hoi i wawar gar djinenna un te haiwoms ko tselo Debleskro drom. Te wals man gar o Debleskro kamlepen an o dji, palle molals ninna kowa tchi, te wals man jek sorelo patsepen, te penoms ap i berge: ‘Hadenn tumen’, un jon hadenna pen.

1. Samuel 10:10

Har wan le pash Gibea, wan Debleskre rakepangre ap o drom pash lende. Un o Debleskro ducho was pral leste, jaake te rakras lo lentsa khetne o Debleskro rakepen win.

1. Samuel 10:12

Un jek, kai koi pashel tardo his, penas: “Koon hi kolengro pralstuno?” Doleske was penlo: Was o Saul ninna o Debleskro rakepaskro?

1. Samuel 10:6

Un o baro Debleskro ducho well pral tute, un tu rakreh lentsa khetne o Debleskro rakepen win. Un kote weh tu i wawar mensho.

1. Samuel 18:10

O wawar diwes mukas o Dewel o tchilatcho duches pral o Sauleste te well. Un job was diwjes an peskro kheer. I harfa an o wast bashras o David o Sauleske, jaake har job hako diwes kras. Un o Saules his i witsepaskro tchuri an o wast.

1. Samuel 19:18

O David nashte nashas peske, un djas pash o Samuel an o foro Rama un penas leske halauter, hoi o Saul leha kras. Un o David djas khetne o Samueleha pash i khera, kai o Debleskre rakepangre djiwan, un jon atchan koi.

1. Samuel 19:20

Kote bitchras o Saul lurden, te anenn le o Davides. Har dikan kolla kol tsele Debleskre rakepangren un lengro pralstunes, o Samueles, un shunan, har kolla o Debleskro rakepen win rakran, koi was o Debleskro ducho pral kol bitchepangren. Un jon rakran ninna o Debleskro rakepen win.

1. Samuel 19:22

Kote kras job pes ap o drom an o foro Rama. Har was lo pash koi bari brunna, hoi pash i djobeskri platsa Seku hi, putchas lo: “Kai hi o Samuel un o David?” Un jon penan leske: “Pash kol khera, kai o Debleskre rakepangre djiwenn an o foro Rama.”