1. Samuel 19:20 - O Debleskro Drom 2021 (Sinte)

²⁰ Kote bitchras o Saul lurden, te anenn le o Davides. Har dikan kolla kol tsele Debleskre rakepangren un lengro pralstunes, o Samueles, un shunan, har kolla o Debleskro rakepen win rakran, koi was o Debleskro ducho pral kol bitchepangren. Un jon rakran ninna o Debleskro rakepen win.

O Debleskro Lab 2024 (Sinte-Manouche)

²⁰ Kote bičras o Saul lourden, te anenn le o Davides. Har dikan kolla kol tsele Debleskre rakepangren oun lengro pralstounes, o Samueles, oun shounan, har kolla o Debleskro rakepen vin rakran, koy vas o Debleskro dourho pral kol bičepangren. Oun yon rakran ninna o Debleskro rakepen vin.

1. Samuel 19:20 ပူးပေါင်းရင်းမြစ်များ

4. Mose 24:2

un dikas kol Israelitarja, har lengre plachtene khera tardo hi, haki bari familja peske. Un o Debleskro ducho was ap leste.

Johanni 7:32

I Farisarja shunan, hoi kol menshe pral o Jesuseste rakran. Un i Farisarja un i bare rashaja bitchran klisten, te taprenn le o Jesuses.

1. Korintarja 14:3

Kowa, kai penell i menshenge i lab, hoi wella o Deblestar, kowa rakrell jaake ap i menshende, te well lengro patsepen soreles, un te wenn lengre djia bachteles un soreles.

1. Samuel 10:10

Har wan le pash Gibea, wan Debleskre rakepangre ap o drom pash lende. Un o Debleskro ducho was pral leste, jaake te rakras lo lentsa khetne o Debleskro rakepen win.

1. Samuel 19:11

An koi rat bitchras o Saul lurden pash o Davideskro kheer, te denn le jak, te nashell lo gar peske, un te denn le les mulo taissarlakro. Un leskri romni, i Michal, penas leske kowa un penas: “Te nasheh tu gar kai rat, palle denn le tut taissarlakro mulo.”

1. Samuel 19:14

Har wan o Sauleskre bitchepangre, te lenn le o Davides, penas i Michal: “Job hi nasselo.”

1. Samuel 19:19

Un o Sauleske was penlo: “Dik, o David hi pash o Debleskre rakepangre an Rama.”

1. Samuel 19:21

Un kowa was o Sauleske penlo. Un job bitchras wawar bitchepangren koi. Un ninna kolla rakran o Debleskro rakepen win. Un o Saul bitchras o triinto kopo wawaren koi. Un ninna kolla rakran o Debleskro rakepen win.