1. Samuel 19:18 - O Debleskro Drom 2021 (Sinte)

¹⁸ O David nashte nashas peske, un djas pash o Samuel an o foro Rama un penas leske halauter, hoi o Saul leha kras. Un o David djas khetne o Samueleha pash i khera, kai o Debleskre rakepangre djiwan, un jon atchan koi.

O Debleskro Lab 2024 (Sinte-Manouche)

¹⁸ O David nashte nashas peske, oun djas pash o Samuel an o foro Rama oun penas leske halauter, hoy o Saul leha kras. Oun o David djas khetne o Samueleha pash i khera, kay o Debleskre rakepangre djivan, oun yon ačan koy.

1. Samuel 19:18 ပူးပေါင်းရင်းမြစ်များ

Debleskri gili 116:11

Homs jaake phagedo, te penom: “I tsele menshe hi chochene.”

Jakobo 5:16

Doleske penenn tumenge tumari doosh, un mangenn o Debles jek o wawareske, te wenn tumer sasto. I mensho, kai djiwell jaake, har o Dewel kamella, job te mangell i tselo djijeha tchomone o Deblestar, nai krell o Dewel bud leske.

1. Samuel 1:19

Un sik o wawar diwes stan le pre. Un har sharan le o baro Debles, djan le khere an Rama. Un o Elkana djas rati pash i Hannate dren. Un o baro Dewel bistras i Hannat gar un kras,

1. Samuel 15:34

Pal kowa djas o Samuel an o foro Rama. Un o Saul djas pale an peskro kheer an o foro Gibea.

1. Samuel 19:19

Un o Sauleske was penlo: “Dik, o David hi pash o Debleskre rakepangre an Rama.”

1. Samuel 19:22

Kote kras job pes ap o drom an o foro Rama. Har was lo pash koi bari brunna, hoi pash i djobeskri platsa Seku hi, putchas lo: “Kai hi o Samuel un o David?” Un jon penan leske: “Pash kol khera, kai o Debleskre rakepangre djiwenn an o foro Rama.”

1. Samuel 19:23

Un job djas koi. Ap peskro drom was ninna pral leste o Debleskro ducho. Un job djas un rakras o Debleskro rakepen win, bis te was job pash kol khera, kai o Debleskre rakepangre djiwenn an o foro Rama.

1. Samuel 20:1

Un o David nashas krik kol kherendar, kai o Debleskre rakepangre djiwenn an o foro Rama, un djas pash o Jonatan, un putchas lestar: “Hoi krom me? Hawi doosh anom me ap mande? Hoi krom me tiro dadeske, te rodell lo man, te dell lo man mulo?”

1. Samuel 21:11

Un ap ko diwes djas o David dureder, un nashas peske o Saulestar. Un djas pash o Achish, ko rai pral o foro Gat.

1. Samuel 28:3

Un o Samuel meras. Un i tsele Israelitarja wan khetne un rowan pral leste. Un palle paskran le les an peskro foro Rama. Glan kau tsiro tradas o Saul i drawepangren un kolen, kai putchenn i mulen, dran o them win.

1. Samuel 7:17

Palle djas lo pale an Rama, kai lo khere hi, un rakras kote o tchatchepen win pral i Israelitarja. Ninna kote kras lo i chatchepaskri, kai tchomone chatchedo well o baro Debleske.