1. Samuel 18:4 - O Debleskro Drom 2021 (Sinte)

⁴ un riwas peskri baja win un das lat o Davideste, ninna peskre kurepaskre koola, peskro charo, peskro bogo un peskri pereskri dori.

O Debleskro Lab 2024 (Sinte-Manouche)

⁴ oun rivas peskri baya vin oun das lat o Davideste, ninna peskre kourepaskre koola, peskro rharo, peskro bogo oun peskri pereskri dori.

1. Samuel 18:4 ပူးပေါင်းရင်းမြစ်များ

1. Mose 41:42

Un o baro rai las peskri gustri peskro wastestar un tchiwas les ap o Josefeskro wast. Un das les ripja dran shukar laintikro than. Ninna tchiwas lo i sonakaskri werkli trul leskri meen.

2. Samuel 1:22

Te das o Jonatan karje, djan peskre faile hako tsiro kote, kai job kamas. Te das o Saul peskro chareha, maras lo tchatche murshen. Un leskro charo his pherdo rat lendar.

Jesaja 61:10

Me hom bachtelo pral o baro Debleste, un miro dji giwell miro Debleske. Job hi trul mende har i ripen, te well kek tchilatchepen ap mende, un tchiwas tchatchepen ap mende har i plaashka, jaake har hidjrell i bijabeskro i shukar stadi, un leskri pirni shukar werklia un gustria.

Ezekiel 23:15

Len his i kutch pandepen trul pengro per, un shukar stadja dorjentsa ap pengro shero. Lauter his sorele kurepangre. Jaake dikan i tchatche Babilonarja win, kolengro them o them Kaldea hi.

Louka 15:22

Koi penas o dad ap peskre budepangre: Anenn sik o feteder ripen, un riwenn kowa leske an! Denn les i gustri un denn les kircha!

2. Korintarja 5:21

O Dewel tchiwas mari tseli doosh ap maro rajeste, o Jesus Kristeste, kai job kek tchilatchepen kras, te was mer tchatcho un erligo glan o Debleskre jaka.

1. Samuel 17:38

Un o Saul riwas o Davideske peskre kurepaskre koola an, tchiwas leske peskri sasterni stadi pre, ninna peskro gad dran sasterne dorja riwas lo leske an.

1. Samuel 18:5

Un o David djas o Sauleske an o marepen, un lauter, hoi job an o wast las, djas leske mishto. Un o Saul hadas les pral i lurden, te well lo lengro pralstuno. Un i tsele Israelitarja kaman les. Un ninna bare mursha an o Sauleskro kheer kaman les.