1. Samuel 18:17 - O Debleskro Drom 2021 (Sinte)

¹⁷ Un o Saul penas peske: “Miro wasteha kamau gar o Davides te marell. I Filistarja mu denn les mulo.” Doleske penas lo ap o David: “Me kamau tut miri phureder tchat, i Merab, te dell, te romedineress lat. Tu, ab i tchatcho mursh un kure tut mishto an o baro Debleskro kurepen.”

O Debleskro Lab 2024 (Sinte-Manouche)

¹⁷ Oun o Saul penas peske: “Miro vasteha kamau gar o Davides te marell. I Filistarya mou denn les moulo.” Doleske penas lo ap o David: “Me kamau tout miri phoureder čat, i Merab, te dell, te romedineress lat. Tou, ab i čačo morsh oun koure tout mishto an o baro Debleskro kourepen.”

1. Samuel 18:17 ပူးပေါင်းရင်းမြစ်များ

2. Samuel 11:15

O David tchinas an ko liil: “Anenn o Urijes glan, kote, kai o kurepen bareder hi. Un palle tserdenn tumen lestar pale, te well job mulo dino!”

2. Samuel 12:9

Hoske rikral tut gar ap miro lab? Hoske kral, hoi gar mishto hi glan mire jaka? O Urija, ko Hetares, dal o chareha mulo. Leskri romjat lal tu, te well joi tiri romni. Un tu tchiwal les kote an o kurepen, kai i Ammonarja les mulo dan.

2. Samuel 6:16

Un har o Debleskro mochton an o Davideskro foro anlo was, dikas i Michal, kolakro dad o Saul his, dran i wochni, un dikas o baro rajes o David, har job khelas un stas glan o Debleste, un an lakro dji dikas li tele ap leste.

Debleskri gili 12:2

Baro Dewel, ab ap miri rig! Tire menshe hi buder gar bud. Awa, kolla, kai patsle hi mank i menshende, hi gar bud.

Debleskri gili 55:21

O phukepaskro djal ap peskro maleste pre un rikrell gar peskri sowel, hoi das lo leste glan o Debleste.

Gosewe laba 26:24

I midjak mensho hi pherdo chochepen. Kowa khatrell lo pal shukar laba.

Gosewe laba 26:25

Te rakrell lo ninna jaake kamles, ma pats leske! Les hi efta bengeskro koowa an leskro dji.

Gosewe laba 26:26

Ninna te khatrell lo peskri choli ap i wawarende pal shukar laba, well ko diwes, kai dikell hakeno leskro tchilatchepen.

4. Mose 21:14

Doleske hi tchinlo an ko liil, hoi o baro Debleskre lurdendar rakrell: “Ko foro Waheb an o them Sufa un ko pani Arnon,

4. Mose 32:20

O Mose penas ap lende: “Te kamenn tumer kowa tchatchepah te krell, palle lenn tumare chare un hoi tumen hunte well kurepaske, un djan an o kurepen glan o baro Debleste!

4. Mose 32:27

Mer, tumare budepangre, lah mare chare un djah i wawar lurdentsa an o kurepen glan o baro Debleste, har tu, maro rai, penal.”

4. Mose 32:29

“Te djan i mursha dran o kheer Gad un dran o kheer Ruben tumentsa wergel o Jordan, un kurenn pen jaake rah glan o baro Debleste, bis te ko them tumenge hi, jaake denn lende ko them Gilead, te well kowa lenge.

5. Mose 17:7

Kolla, kai dikan ko djungelo koowa, wenn i glanstune, te witsrenn le barra ap lende. Un pal lende wenn kol wawar, kai glan o foro wan, un witsrenn len mulo. Jaake lenn tumer o tchilatchepen mashkral tumende krik.

1. Samuel 14:49

O Saules his triin mursh tchawe: O Jonatan, o Jishwi, un o Malkishua, un dui tcha. I phureder his i Merab, un i tikneder i Michal.

1. Samuel 17:25

Un jek penas ap o wawareste: “Dikal ko murshes, har kowa pre was? Kowa wella, te praassell lo o Israel. Koon koles marella, koles kameh maro baro rai braweles te krell. Un job kamell les peskri tchate te dell, un leskro dadeskro kheer hunte dell leste buder tchi kolestar, hoi le dren anenna.”

1. Samuel 17:36

Lewe un bere dom mulo. Un jaake djal les ninna kau Filistareske, kai gar tchinlo hi ap peskro mass. Job praassas i lurden o djido Deblestar. Doleske hunte merell lo!”

1. Samuel 17:47

Un ninna hakeno, kai kate hi, kowa dikell un haiwell, te hunte well o baro Debles kek charo un kek witsepaskro tchuri, te lell lo peskre menshen dran o merepen win. Job hi o sorleder un dell tumen an mare wasta.”

1. Samuel 18:21

Un o Saul penas: “Me kamau lat leste te dell. Palle hi man tchomone an o wast, koleha nai tradau les an i wasta i Filistarendar.” Un o Saul penas ap o Davideste: “Kau diwes wess tu o duito kopo miri tchakro rom.”

1. Samuel 18:25

Un o Saul penas: Jaake penenn ap o David: “O baro rai kamell tchi wawares, hoi hunte dess leskro tchake, har o murshkano mass sheel mule Filistarendar. Job kamell lenge o tchilatchepen pale te dell, hoi le ap leste kran.” Tchatchepah kamas o Saul te perell o David an o wast i Filistarendar, un jon te denn les mulo.

1. Samuel 18:27

koi kras lo pes ap o drom un djas peskre lurdentsa an o kurepen, un das dui-sheel Filistarjen mulo. Un o David las kol tsele dui sheel mulendar lengro murshkano mass tele, un anas les o baro rajeske, te well lo leskri tchakro rom. Un o Saul das les peskri tchat Michal, te well li leskri romni.

1. Samuel 25:28

Biste mange, te hadom me man un rakrom ap tute! Me djinau, o baro Dewel dell tut i kheer, hoi atchella. Tu hal kowa, kai djal o baro Debleske an o kurepen. Kek tchilatchepen mu well hatslo ap tute, jaake rah har tu djiweh!

1. Samuel 30:26

Un har o David pale an o foro Ziklag was, bitchras lo tchomone dran ko randedo koowa ap i phurende an o them Juda, kai leskre mala his. Un mukas lenge te penell: “Dikenn, kawa hi tumenge dran ko koowa, hoi mer kolendar randam, kai o baro Debles gar kamenna.”