1. Samuel 18:14 - O Debleskro Drom 2021 (Sinte)

¹⁴ Un leske djas halauter mishto, un o baro Dewel his ap leskri rig.

O Debleskro Lab 2024 (Sinte-Manouche)

¹⁴ Oun leske djas halauter mishto, oun o baro Devel his ap leskri rig.

1. Samuel 18:14 ပူးပေါင်းရင်းမြစ်များ

1. Mose 39:23

Jaake rah, har lauter an o Josefeskro wast his, hunte kras o pralstuno pral o stilepen tchi. O baro Dewel his pash o Josefeste un das les bacht an halauter, hoi job kras.

2. Samuel 5:10

Un o David was bareder un sorleder. Un o baro Dewel, ko rai pral o bolepen un i phub his leha.

2. Rajengro liil 18:7

O baro Dewel his leha, un halauter hoi lo peske glan las, djas leske mishto. Un job peras tele o baro rajestar pral o them Assur, un mukas koles buder gar peskro rai te well.

1. Familjakro liil 18:13

Un o David tchiwas moskre dren an hako foro an o them Edom. Un o Davides his penepaske pral o tselo them Edom. O baro Dewel his ap o Davideskri rig, kai job ninna djas.

1. Familjakro liil 18:6

Un job tchiwas moskre dren an lengro them. Un o Davides was penepaske pral i Syrarja, un jon hunte plaissran ap leste, hoi lo lendar kamas. Jaake his o baro Dewel o Davideske ap i rig, kai lo ninna djas.

2. Familjakro liil 17:3

Un o Josafat djas ap o Debleskro drom har glan leste leskro phuro dad, o David. Un nashas gar i mule deblenge palla, hoi kharenn ‘Baal’. Doleske his o baro Dewel pash leste.

Debleskri gili 101:2

Me dau jak, te djap o tchatcho drom. Kamau te wess pash mande. I djudjo djijeha djiwau khetne lauterentsa an miro kheer.

Mateo 1:23

I terni tchai, kai gomme kek murshestar an tapedo was, lella i ternepen. Un jon denn les o lab Emmanuel. Kowa kharella: O Dewel hi mentsa.”

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Bičepangre 18:10

Me hom pash tute un kek nai dukrell tut. An kau foro hi bud menshe, kai kamenna ap mande te patsell.”

Josua 6:27

Un o baro Dewel his o mursheha Josua. Un job was an-diklo an o tselo them.

Čačepangre 1:19

O baro Dewel his i murshentsa dran Juda. Doleske las o Juda o pralstuno them dren. Kolla, kai an o telstuno them djiwan, len his sasterne wurdja o kurepaske. Doleske nai tradan le len gar win.

1. Samuel 10:7

Kanna, te well kowa lauter, palle kre kowa, hoi glan tire wasta hi. O Dewel hi pash tute.

1. Samuel 16:18

Un jek kol terne murshendar penas: “Shun, o Isai dran Betlehem, les hi i tchawo, ko haiwell i harfa latches te bashrell. Ninna hi lo i tchatcho mursh, kai haiwell pes mishto te marell. Un job hatsella hako tsiro i laba, hoi penlo hunte wenn. Un job hi i shukar mursh. Un o baro Dewel hi leha.”

1. Samuel 18:15

Un har o Saul kowa dikas, daras lo gomme budeder lestar.

1. Samuel 19:8

Un pale was i baro kurepen, un o David djas win te marell lo pes i Filistarentsa. Un job das len jaake soreles, te hunte nashan le.

1. Samuel 3:19

Un o Samuel was bareder, un o baro Dewel his pash leste, un kras te was lauter tchatcho, hoi o Samuel i menshenge penas.