1. Samuel 18:12 - O Debleskro Drom 2021 (Sinte)

¹² O baro Dewel his o Davideha un buder gar o Sauleha. Doleske daras o Saul o Davidestar.

O Debleskro Lab 2024 (Sinte-Manouche)

¹² O baro Devel his o Davideha oun bouder gar o Sauleha. Doleske daras o Saul o Davidestar.

1. Samuel 18:12 ပူးပေါင်းရင်းမြစ်များ

2. Samuel 5:10

Un o David was bareder un sorleder. Un o baro Dewel, ko rai pral o bolepen un i phub his leha.

2. Familjakro liil 17:3

Un o Josafat djas ap o Debleskro drom har glan leste leskro phuro dad, o David. Un nashas gar i mule deblenge palla, hoi kharenn ‘Baal’. Doleske his o baro Dewel pash leste.

Debleskri gili 51:11

Ma dik ap miri doosh, un le o tchilatcho koowa, hoi krom, mandar krik!

Debleskri gili 53:5

“Kolla, kai o tchilatcho koowa krenna, haiwenn tchi”, penell o Dewel, – “kolla, kai mire menshen chana har i kotar maro. Man denn le gar an-gole.”

Hosea 9:12

Ninna te tserdenn le pengre tchawen bares, lau len lendar pale krik. Kek lendar atchell djido. Hawi bibacht well pral lende, me te tserdau man lendar krik!

Mateo 25:41

Un palle penell job kolenge, kai ap leskri serwi rig tardo hi: Tumer han tel o Debleskro praassepen tardo! Djan tumenge! Djan an koi jag, hoi chatchella hako tsiro, un hoi hi o bengeske un leskre kurepangre kerdo!

Markus 6:20

O Herodes trashas o Johannestar. Job djinas, kai o Johanni i Debleskro mursh hi, kai djas o tchatcho drom. Doleske das lo garda ap leste un rikras les an o stilepen. Job kamas o Johanneskro rakepen. Hako kopo, kai job les shunas, djinas lo buder gar, hoi te krell lo un te penell lo.

Louka 8:37

Un i bari daar was ap lende. Un kol bud menshe dran o them Gerasa penan ap o Jesuseste: “Mer mangah tut: Dja tuke mendar!” Un job djas an o bero, un uleras pale.

Bičepangre 24:25

Un o Paulo penas lenge, te hunte rikrenn le pen ap o Debleskro tchatchepen, te krenn le kek wi-ladjedo koowa, un te well ko tsiro, kai hakeno glan o Debleste tardo hunte well. Un o Felix las traash, un penas ap o Pauleste: “Kau kopo nai djah tu. Un te hi man tsiro, mukau tut pale gole te dell.”

Bičepangre 7:9

Mare phure dada silweran ap o Josefeste, un bikran les an o them Egiptia. Un o Dewel his pash leste,

Čačepangre 1:19

O baro Dewel his i murshentsa dran Juda. Doleske las o Juda o pralstuno them dren. Kolla, kai an o telstuno them djiwan, len his sasterne wurdja o kurepaske. Doleske nai tradan le len gar win.

Čačepangre 16:20

Un joi penas ap leste: “Filistarja hi pral tute Simson!” Kote stas lo dran peskro sopen pre. Un penas peske: “Me wau krik har hako wawar kopo ninna. Me nai tserdau kol dorja mandar krik.” Job djinas gar, te djas peske o baro Dewel lestar.

1. Samuel 16:18

Un jek kol terne murshendar penas: “Shun, o Isai dran Betlehem, les hi i tchawo, ko haiwell i harfa latches te bashrell. Ninna hi lo i tchatcho mursh, kai haiwell pes mishto te marell. Un job hatsella hako tsiro i laba, hoi penlo hunte wenn. Un job hi i shukar mursh. Un o baro Dewel hi leha.”

1. Samuel 16:4

Un o Samuel kras, hoi o baro Dewel leske penas, un djas an o foro Betlehem. Kote wan i phureder dran o foro pash leste, un putchan lestar darenes: “Hoske wal kai? Kharella kawa menge latchepen?”

1. Samuel 18:15

Un har o Saul kowa dikas, daras lo gomme budeder lestar.

1. Samuel 18:20

I Michal, i wawar tchai o Saulestar, kamas o Davides. Har shunas o Saul kowa, his leske kowa mishto jaake.

1. Samuel 18:29

Koi daras o Saul o Davidestar gomme budeder, un peskro tselo djipen kamas lo leske tchilatchepen te krell.

1. Samuel 20:13

Te kamals miro dad tuke tchilatchepen te krell, un me penoms tuke kowa gar, palle nai dell man o baro Dewel mulo. Palle mukau me tut te djal, jaake te nai djah tu an o latchepen. Un o baro Dewel mu well jaake ap tiri rig, har job ap miro dadeskri rig his.

1. Samuel 22:13

Un o Saul penas: “Hoske tchiwan tumen khatar mande khetne, tu un o Isajeskro tchawo, jaake te dal tu les maro un i charo, un putchal o Debles leske, hoi lo hunte krell? Doleske nai hadell lo pes kanna ap mande un lell man palla, jaake har kau diwes hi.”

1. Samuel 28:15

Un o Samuel putchas o Saulestar: “Hoske lal tu man dran miro sopen win, un mukal man pre te well?” Un o Saul penas: “Me hom an bari daar! I Filistarja djan an o kurepen te marenn le pen mantsa. Un o baro Dewel djas peske mandar, un rakrell gar buder ap mande. Leskre rakepangren hi kek lab mange, witar gar rakrell lo mantsa an sunja. Kote mukom me tut pale gole te dell, te peness mange, hoi me hunte krap!”

1. Samuel 3:19

Un o Samuel was bareder, un o baro Dewel his pash leste, un kras te was lauter tchatcho, hoi o Samuel i menshenge penas.