1. Samuel 18:1 - O Debleskro Drom 2021 (Sinte)

¹ Un pal kol laba, hoi o David o Sauleha rakras, las o Jonatan i kamlepen o Davideske an o dji, un job kamas les peskro tselo djijeha har peskro djipen.

O Debleskro Lab 2024 (Sinte-Manouche)

¹ Oun pal kol laba, hoy o David o Sauleha rakras, las o Yonatan i kamlepen o Davideske an o dji, oun yob kamas les peskro tselo djiyeha har peskro djipen.

1. Samuel 18:1 ပူးပေါင်းရင်းမြစ်များ

1. Mose 44:30

Un kanna, miro rai, te wau me pale pash miro dadeste, un job dikell, kai o tchawo gar pash mande hi, merell job i dukatar.

2. Samuel 1:26

Miro phraal Jonatan, miro kamlo maal, me rowau pral tute. Man his bari bacht pral tute. Tiro malengro kamlepen his mange feteder har i djuwjengro kamlepen.

1. Familjakro liil 12:17

Ninna mursha dran kol khera Benjamin un Juda wan pash o Davideskro sorelo kheer ap i berga.

Debleskri gili 86:11

Baro Dewel, sike man tiro drom, te djap an tiro tchatchepen. Rike miro dji pash tute, te krap, hoi tu kameh!

Gosewe laba 18:24

Dell mala, kai anenn tut an i bibacht. I tchatcho maal rikrell budeder ap tute har i phraal.

5. Mose 13:6

Un ko rakepaskro, ninna kowa, koles kol sunja hi, job hunte well maredo. Job kamas tumen tumaro baro Deblestar krik te anell, kolestar, kai anas tumen win dran o them Egiptia un las tumen win dran o pandepen. Ko mensho kamas te djan tumer tele o dromestar, hoi tumaro baro Dewel penas, te hunte djan ap leste. Un tumer hunte witsrenn win o tchilatchepen, hoi mashkral tumende hi.

Kolossarja 2:2

Kowa krau, te wenn tumer soreles an tumaro dji, un rikrenn khetne an o kamlepen. Ninna kamau, te haiwenn tumer mishto o Debleskro drom, hoi i menshe i rah tsiro gar djinan. Ko drom hi o Jesus Kristo.

Čačepangre 20:11

Un i tsele murshenge dran Israel his mishto, te djan le khetne pash ko foro, te kurenn le pen kol menshentsa koi.

1. Samuel 14:45

I Israeleskre mursha penan ap o Saul: “Hunte merell o Jonatan, kai ko baro koowa kras un las o Israel win? Kowa krah mer gar! Pash o djido Debleste dah men sowel: Kek bal te perell tele leskro sherestar! O Dewel his ap leskri rig, doleske nai kras job kau diwes sau baro kowa.” Jaake lan i mursha o Jonatanes win dran o merepen. Un job was gar maredo.

1. Samuel 18:3

Un o Jonatan un o David dan pen sowel, te hi le mala. O Jonatan kamas les budeder har peskro djipen,

1. Samuel 19:1

Un o Saul rakras peskro tchaweha un peskre budepangrentsa, te kamell lo o Davides te marell. O Jonatan, kai kamas o Davides o djijestar,

1. Samuel 19:2

penas kowa o Davideske un penas: “Miro dad kamell tut te marell. Jaake khate tut taissarlakro un rike tut khatemen.

1. Samuel 20:17

Un o Jonatan mangas o Davides: “De tut kate sowel, te atchess miro maal.” O Jonatan kamas o Davides har peskro djipen.

1. Samuel 20:8

Jaake mangau tut: Ab latches ap mande, tiro budepaskro, un rike tiro lab, hoi mer dui men glan o baro Debleste sowel dam, te ham mala. Me te anom doosh ap mande, palle de tu man mulo! Ma an man pash tiro dadeste!”

1. Samuel 22:8

Hoske tchiwan tumen palle lauter khetne khatar mande? Un kek tumendar penas mange, te das pes miro tchawo un o Isajeskro tchawo sowel, te rikrenn le khetne. Kek tumendar penas mange kolestar tchomone, te hi miro tchawo kowa, kai miro budepaskres, o Davides, ap mande pre anas, jaake te lell kowa man kanna palla, har kowa kau diwes hi!”

1. Samuel 23:18

Un jon dui dan pen sowel glan o baro Debleste, te atchenn le mala. Un o David atchas an Horesha, un o Jonatan djas pale khere.