1. Samuel 17:53 - O Debleskro Drom 2021 (Sinte)

⁵³ Un i Israelitarja wan pale pale, un lan len gar dureder palla, un randan un lan penge kolestar, hoi i Filistarja ap pengri platsa pale mukan.

O Debleskro Lab 2024 (Sinte-Manouche)

⁵³ Oun i Israelitarya van pale pale, oun lan len gar doureder palla, oun randan oun lan penge kolestar, hoy i Filistarya ap pengri platsa pale moukan.

1. Samuel 17:53 ပူးပေါင်းရင်းမြစ်များ

2. Samuel 23:10

O Eleasar rikras win, un maras kol Filistarjen, bis te leskro wast khino was, un anas o wast gar buder pre, kai rikras lo o charo. Un o baro Dewel das bari bacht ap ko diwes, jaake te djan kol lurde pale pal o Eleasar, te tchorenn le, hoi tchiddo atchas.

Jeremia 30:16

Tu hunte djiness, kolla lauter, kai chan tut, wenn ninna chalo. Un lauter, kai kran tut daar, wenn pandles krik anlo. Un kolla, kai tchoran tiro koowa, wenn ninna win tchoredo. Un kolla, kai randan tut, wenn ninna randedo.

Jeremia 4:20

Jek foro pal i wawar well dino. O tselo them denn le paash. Ap jek kopo hi mire un plachtene khera khetne dino.

1. Samuel 17:52

Un i tsele lurde dran Israel un dran Juda djan glan, dan i bari kurepaskri gole, un lan kol Filistarja palla jaake dur, bis te wan le pash o foro Gat un glan i bare wudja o forestar Ekron. Un i mule Filistarja his tchiddo ap o drom mank Shaarajim un Gat un Ekron.

1. Samuel 17:54

O David las ko shero o Goliatestar un anas les an Jerusalem. Leskre marepaskre koola tchiwas lo an peskro plachteno kheer.

1. Samuel 19:5

Job dikas gar ap peskro djipen, har djas lo koi un kuras pes o Filistareha un das les mulo. Jaake te las o baro Dewel o tselo Israel dran i wasta i Filistarendar. Un tu dikal kowa un hals bachtelo. Hoske kameh tu doosh ap tute te anell un i rat jekestar, koles kek doosh ap peste hi? Hoske kameh tu o Davides mulo te dell tchitcheske?”