1. Samuel 17:50 - O Debleskro Drom 2021 (Sinte)

⁵⁰ Jaake his o David o sorleder. Un les his kokres i witsepaskri un i bar. Un leskro bar tapras o Goliates un das les mulo. O Davides his kek charo an peskro wast.

O Debleskro Lab 2024 (Sinte-Manouche)

⁵⁰ Yaake his o David o zorleder. Oun les his kokres i vitsepaskri oun i bar. Oun leskro bar tapras o Goliates oun das les moulo. O Davides his kek rharo an peskro vast.

1. Samuel 17:50 ပူးပေါင်းရင်းမြစ်များ

Čačepangre 15:15

Un job hatsas i mujeskro kokalo i muli eslatar, las les an o wast un das leha 1.000 (jek sero) murshen mulo.

Čačepangre 3:31

Un pal leste was o Shamgar o tchatchepaskro mursh. Koleskro dad his o Anat. Un o Shamgar das 600 (shob-sheel) Filistarjen mulo sawo kashteha, koleha jek i grumjen tradell. Un ninna job las i Israelitarjen win dran o wast kolendar, kai lenge o djipen phares kran.

1. Samuel 13:22

Har was o diwes, kai hunte djan le an o kurepen, his kek charo un kek witsepaskro tchuri an i wasta kol Israelengre lurdendar. Kokres o Saules un peskro tchawes Jonatan his pengre chare un marepaskre koola.

1. Samuel 17:39

Un o David tchiwas o Sauleskro charo trul peste un kamas te nashell un nashte nashas gar sau koweha. Job djinas gar har te krell lo kowa, un penas ap o Saul: “Me nai nashau gar kaleha. Kek sikras les mande.” Un job riwas lauter pale win,

1. Samuel 17:49

tapras an peskri possita, las i bar win, un tchiwas les an peskri witsepaskri un witsras les. Un ko bar djas o Goliateske an o shero, mashkral leskre jaka. Un job peras ap peskro mui ap i phub.

1. Samuel 17:51

Un job nashas pash o Goliat, las leskro charo dran koleskri possita win, un das leske ko chareha o shero tele. Har i Filistarja dikan, te hi lengro sorleder mursh mulo, nashan le penge.

1. Samuel 19:5

Job dikas gar ap peskro djipen, har djas lo koi un kuras pes o Filistareha un das les mulo. Jaake te las o baro Dewel o tselo Israel dran i wasta i Filistarendar. Un tu dikal kowa un hals bachtelo. Hoske kameh tu doosh ap tute te anell un i rat jekestar, koles kek doosh ap peste hi? Hoske kameh tu o Davides mulo te dell tchitcheske?”

1. Samuel 21:9

Un o David putchas o Ahimelech: “Hi tut kek witsepaskro tchuri, witar kek charo kai pash tute? Me lom miro charo un wawar kurepaskro koowa gar mantsa. Man his kek tsiro koleske. O rajeskro koowa hunte djas sik.”

1. Samuel 23:21

Un o Saul penas: “O baro Dewel mu dell tumen bacht, kai kran tumare djia mange pre.