1. Samuel 17:46 - O Debleskro Drom 2021 (Sinte)

⁴⁶ Kau diwes dell o baro Dewel tut an miro wast. Un me dau tut mulo, un dau tiro shero tutar tele. Un kau diwes dau i tsele mule lurden tumendar Filistarja i tchirklende tel o bolepen te chal un i diwje viechende ap kai phub. Palle dikenn un haiwenn le an i tsele themma, te hi i Israelitarjen i Dewel.

O Debleskro Lab 2024 (Sinte-Manouche)

⁴⁶ Kava dives dell o baro Devel tout an miro vast. Oun me dau tout moulo, oun dau tiro shero toutar tele. Oun kava dives dau i tsele moule lourden t'mendar Filistarya i čirklende tel o bolepen te rhal oun i divye firhende ap kay phoub. Palle dikenn oun hayvenn le an i tsele themma, te hi i Israelitaryen i Devel.

1. Samuel 17:46 ပူးပေါင်းရင်းမြစ်များ

1. Mose 40:19

An triin diwessa mukell tut o baro rai dran o stilepen win un bladell tut ap i kasht. Un i tchirkle chan tiro mass tutar krik.”

2. Samuel 18:28

O Ahimaaz das gole: “Lauter hi mishto!” Un job witsras pes glan o baro rajeste tele ap i phub ap peskro mui, un penas: “Sharedo well o baro Dewel, kai tiro Dewel hi, un das kolen an tiro wast, kai hadan pengro wast ap tute, miro baro rajeste.”

2. Samuel 21:10

Koi las i Rizpa, kolakro dad o Aja his, i gono un tchiwas kowa ap i baro bar, un beshas pes koi pre un atchas kote jaake rah har jon o djob tele tchinan, bis te peras o brishino dran o bolepen ap kol mulende, kai koi bladedo his. Un ap o diwes mukas li gar kol tchirklen ap lende te well, witar gar rati i wesheskre viechen.

1. Rajengro liil 8:43

palle shun tu, kai djiweh an bolepen, un kre halauter, hoi ko wi-themari tutar mangell, te nai haiwenn i menshe an i tsele themma ap kai phub, koon tu hal, un mangenn tut an, jaake har tire menshe Israel. Palle djinenn le, kai tu djiweh an kau kheer, hoi tuke krom.

1. Rajengro liil 8:60

Palle nai dikenn i menshe an i tsele wawar themma ap kai phub, kai o baro Dewel o tchatcho Dewel hi, job un kek wawar.

2. Rajengro liil 19:19

Kanna, maro baro Dewel, le men win dran o wast o baro rajestar pral o them Assur, te nai dikenn un haiwenn i menshe an i tsele themma ap kai phub, kai tu, baro Dewel, kokres o Dewel hal.”

2. Rajengro liil 5:15

Un job djas pale pash ko Debleskro mursheste lauterentsa, kai pash leste hi, djas glan leste un penas: “Kanna djinau me, kai hi kek Dewel ap i tseli phub, kokres an Israel. Kanna le tchomone mandar, te parkrap man pash tute.”

Debleskri gili 31:8

Miro dji sal un me stau i bachtjatar pral tiro latchepen. Tu dikal, har mange djungeles djas, un djinal, har pharo miro djipen his.

Debleskri gili 46:10

Ap o marepen penell lo: “Muk tele ap i tseli phub!” Kol kashta, kolentsa dan le karje, phagell lo khetne, un lengre chare dell lo paash, i kurepangre wurdja chatchrell lo pre.

2. Mose 9:16

Me mukom tut doleske djido, te dikess miri bari soor, un te rakrenn le mandar ap i tseli phub.

Jesaja 37:20

Kanna, maro baro Dewel, le men win dran o wast o baro rajestar pral o them Assur, te nai dikenn un haiwenn i menshe an i tsele themma ap kai phub, kai tu, baro Dewel, kokres o Dewel hal.”

Jesaja 52:10

Glan i jaka i menshendar an i tsele themma sikrell o baro Dewel peskri soor, kolah job peskre menshen win lell dran o pandepen. Ap i tseli phub dikenn le, har maro Dewel peskre menshen khere anell.

Jesaja 56:9

Awenn kai, tumer lurde dran wawar themma, un perenn pral mire menshende har diwje vieche un chan!

Jeremia 19:7

Hoi kol menshe an o them Juda un an Jerusalem penge glan lenn, mukau me gar te well. Me mukau kolen pral lende te well, kai kamenn len te marell, un krau, te wenn le mulo dino o chareha. Un kol mulen dau i tchirklende un i diwje viechende chapaske.

Jeremia 34:20

Un me dau len an i wasta kolendar, kai kamenn len te marell, un lenge ap o djipen djan. Un lengro mulo mass well o chapen i tchirklenge un i diwje viechenge.

Daniel 2:47

Un o baro rai penas ap o Daniel: “Tchatchepah tumaro Dewel hi o Dewel pral i tsele debla, un o rai pral i tsele bare raja ap kai phub. Job sikrell kowa, hoi khatedo his un kek djinas. Jaake nai penal tu menge, hoi koi suni kamas te penell.”

Daniel 3:29

Un jaake penau me kanna: Koon i tsele menshendar dran hako them un rakepen rakrell djungeles pral ko Debleste, koles o Shadrach un o Meshach un o Abed-Nego an-mangenn, kowa well an kotja dino. Un koleskro kheer well pash dino. Hi kek wawar dewel, kai nai lell jekes jaake dran o merepen win har job.”

Mateo 24:28

Kote, kai i mulo mass tchiddo hi, kote wenn i bare diwje tchirkle khetne te chan le.

5. Mose 28:26

Un te han mulo koi tchiddo, palle wenn i tchirkle un i diwje vieche, te chan le tumaro mass. Un kek tradell len krik.

5. Mose 7:2

Te dell tumaro baro Dewel len an tumare wasta, un tumer denn len, palle hunte marenn len halauteren. Tumer hunte krenn gar lentsa win, te wenn lengre mala, un hunte sikrenn kek latchepen ap lende.

5. Mose 7:23

Tumaro baro Dewel dell len an tire wasta un krell lenge dineles i darjatar, bis te halauter mulo dino hi.

Josua 10:8

Un o baro Dewel penas ap o Josua: “Ma traash lendar! An tiro wast dom me len. Kek mursh lendar nai atchell glan tute tardo.”

Josua 4:24

Un kowa kras lo doleske, te dikenn i tsele natsjone ap kai phub, har sorelo o baro Dewel hi. Un tumer hunte rikrenn tumenge hako tsiro tumaro baro Debles glan i jaka.’”

1. Samuel 14:6

Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”

1. Samuel 17:44

un penas ap o David: “Ab kai pash mande, te dap tiro mass te chal i tchirklende un i diwje viechende!”