1. Samuel 17:43 - O Debleskro Drom 2021 (Sinte)

⁴³ Un job penas ap o David: “Hom me i djuklo, te weh tu i kashteha ap mande?” Un rakras bibacht pral leste an o lab peskro deblestar,

O Debleskro Lab 2024 (Sinte-Manouche)

⁴³ Oun yob penas ap o David: “Hom me i djouklo, te veh tou i kashteha ap mande?” Oun rakras bibarht pral leste an o lab peskro deblestar,

1. Samuel 17:43 ပူးပေါင်းရင်းမြစ်များ

1. Mose 27:29

Menshe dran wawar themma hunte budrenn tuke un witsrenn pen tele glan tute. Wess rai pral tire phralende. Un tiri dakre tchawe hunte witsrenn pen tele glan tute. Kolla kai penenna, te well tut bibacht, ap kolende well bibacht. Un kolla, kai penenna, te well tut bacht, ap kolende well bacht.

2. Samuel 16:5

Un o baro rai David was an o foro Bahurim. Koi was i mursh dran ko foro win. Kowa his o Sauleskre menshendar. Job kharas Shimi. Leskro dad his o Gera. O Shimi was pash o Davideste un praassas les,

2. Samuel 16:9

O Abishai, koleskri dai i Zeruja his, penas ap o baro rajeste: “Miro rai, nai praassell kau mulo djuklo tut, o baro rajes? Me kamau pash leste te djal, te dap leskro shero tele.”

2. Samuel 3:8

Koi tapras o Abner i bari choli pral kol laba, hoi o Ish-Boshet penas. Un o Abner das gole: “Hom me i djuklo dran o them Juda? Bis kau diwes krau lauter, hoi nai krau o Sauleskro khereske, leskri tseli familjake un leskre tsele malenge; me rikrom mire wasta pral tute, te peral gar, an o Davideskre wasta. Un tu kameh i doosh ap mande te anell kal djuwjake?

2. Samuel 9:8

Koi mukas o Mefi-Boshet pes ap i phub te perell glan leste, un penas: “Miro rai, koon hom me? Hom gar feteder har i mulo djuklo, un tu hal jaake latches ap mande!”

1. Rajengro liil 20:10

Kote bitchras len o Ben-Hadad pale pash o Ahab, un mukas leske te penell: “I debla nai denn man mulo, te dau me gar o foro Samaria paash. Kau forestar atchell gar jaake bud pral, te nai lell hakeno mire lurdendar jek wast pherdo tchik peha.”

2. Rajengro liil 8:13

O Hasael penas: “Me hom i tchorwelo djuklo. Har nai krau me sawo koowa?” Koi penas o Elisa: “O baro Dewel sikras mande, kai weh tu baro rai pral Syria.”

Gosewe laba 26:2

Har i tchirklo, hoi hadell pes an o bolepen, un well gar tele pash i mensheste, jaake hi o praassepen, hoi was win rakedo pral jekeste, kai kek doosh ap peste anas. Ko praassepen taprell les gar.

4. Mose 22:6

Un jon hi sorleder har mer. Am kanna ap miri rig! Rake i bibacht win pral kal menshende! Nai well jaake, kai marau len, un tradau len dran kau them win. Me djinau: Pral koneste tu rakreh i bacht win, ap koleste hi i bacht tchiddo. Un pral koneste tu rakreh i bibacht win, ap koleste hi i bibacht tchiddo.”

Čačepangre 9:27

Un jon djan win an i drakengre themma un anan i drake dren, un anan len koi, kai le mool lendar krenn. Palle wan le bachteles khetne un djan an pengro debleskro kheer un chan un pijan, un praassan o Abimeleches.

1. Samuel 14:12

Un jon dan gole ap kol dujende un penan: “Awenn kate pash mende pre, palle sikras les mer tumende!” Kote penas o Jonatan ap ko terno mursheste: “Dja pal mande! O baro Dewel das len an o Israelengre wasta.”

1. Samuel 24:14

Tu prindjreh, har mare phure penan: ‘Dran i tchilatchende well o tchilatchepen.’ Me taprau tut gar an.

1. Samuel 24:15

Kones leh tu, o baro rai pral o Israel, palla? Koneske tradeh tu palla? Man, kai hom har i mulo djuklo, tchi wawar har jek pushum!