1. Samuel 17:36 - O Debleskro Drom 2021 (Sinte)

³⁶ Lewe un bere dom mulo. Un jaake djal les ninna kau Filistareske, kai gar tchinlo hi ap peskro mass. Job praassas i lurden o djido Deblestar. Doleske hunte merell lo!”

O Debleskro Lab 2024 (Sinte-Manouche)

³⁶ Leve oun bere dom moulo. Oun yaake djal les ninna kava Filistareske, kay gar činlo hi ap peskro mass. Yob praasas i lourden o djido Deblestar. Doleske hounte merell lo!”

1. Samuel 17:36 ပူးပေါင်းရင်းမြစ်များ

2. Familjakro liil 32:17

Ninna tchinas o Sanherib i liil, kai lo o baro Debles, ko Dewel pral Israel, praassas, un penas: Jaake har i debla an i wawar themma pengre menshen gar dran miro wast nai lan, jaake nai lell o Dewel fun o Hiskija peskre menshen witar gar dran miro wast.

Jesaja 10:15

O baro Dewel penell: “Nai sharell pes i tower pral koleste kai leha dell? Na-a! Witar gar hadell pes i tchinepaskri, hoi kasht tchinell, pral koleste, kai leha tchinell. Kowa wals jaake, har te dals o kasht koles, kai les pre hadas, un jaake har te hadals ko kotar kasht o murshes.”

Jesaja 36:15

Ma mukenn tumen dren te rakrell, te dikenn ap o baro Debleste! Te penell o Hiskija tumenge: ‘O baro Dewel kurell pes menge un tserdell men kote win, un kau foro well gar dino an o wast o baro rajestar pral o them Assur’, ma patsenn kowa!

Jesaja 36:18

Shunenn gar ap o Hiskija! Job chochell tumen, te penell lo ap tumende: ‘O baro Dewel lell men dran lengre wasta win.’ Nai lan i debla wawar themendar pengre menshen win dran o wast o baro rajestar pral o them Assur?

Ezekiel 28:10

Tu meress har jek, kai hi gar tchinlo ap peskro mass. Wi-themarja denn tut mulo. Kawa penau me, o baro Dewel.

Ezekiel 32:19

Pen ap o them Egiptia: Hal tu kanna shukeder har i wawar themma? Dja tele pash i mulende! Tchip tut pash kolende, kai hi gar tchinlo ap pengro mass!

Daniel 5:23

Un tu hadal tut pral leste, ko bolepaskro rajeste, un penal, te anenn le i khore dran leskro kheer glan tute. Un tumer pijan mool dran lende, tu un tire bare mursha, ninna tire romja un wawar djuwja. Un tu sharal i deblen dran rup un sonakai, dran lolo saster un wawar saster, kasht un bar, kol deblen, kai gar dikenn un gar shunenn. Ko Debles, koles tiro ducho an peskro wast hi, un pash koleste tire tsele dromma hi, koles hadal tu gar.

Zakarie 12:3

Ap ko tsiro krau, te well o foro Jerusalem har i pharo bar i menshenge an hake themma. Kolla, kai kamenn les krik te hadell, dukrenn pengre wasta. Lurde dran i tsele themma ap i phub wenna, te kurenn le pen o foreha.”

Zakarie 2:8

Un o ersto penas ap o wawareste: “Naash un pen ko terno mursheske i dorjah: ‘An o foro Jerusalem wenn jaake bud menshe un vieche, te nai wenn kek massurja trul leste.

1. Samuel 14:6

Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”

1. Samuel 17:10

Un ko Filistari penas: “Kau diwes praassom i kurepangre dran o Israel, har lenge penom: ‘Denn man jek murshes tumendar, kai pes mantsa kurella!’”

1. Samuel 17:26

Kote penas o David ap kol murshende, kai koi tardo his: “Hoi lell kowa, kai ko murshes kote marella un i ladj i Israelendar pale krik lella? Hoi patsell ko Filistari, koon job hi? Job hi gar tchinlo ap peskro mass, un patsell, te nai praassell lo i lurden ko djido Deblestar!”

1. Samuel 17:35

palle nashom me leske palla un dom an leste dren un lom leske o bakro pale dran leskro mui win. Un te hadas lo pes ap mande pre, palle taprom les pash leskri tchor un dom les mulo.

1. Samuel 17:37

Un pale penas o David: “O baro Dewel, kai las man win dran o leweskre mussja un dran o bereskre mussja, kowa lell man ninna win dran i wasta kau Filistarestar.” Un o Saul penas ap o David: “Dja koi, o baro Dewel djal tuha!”

1. Samuel 18:17

Un o Saul penas peske: “Miro wasteha kamau gar o Davides te marell. I Filistarja mu denn les mulo.” Doleske penas lo ap o David: “Me kamau tut miri phureder tchat, i Merab, te dell, te romedineress lat. Tu, ab i tchatcho mursh un kure tut mishto an o baro Debleskro kurepen.”

1. Samuel 31:4

Un job penas ap koleste, kai leskro kurepaskro koowa hidjrell: “Le tiro charo un de man mulo, jaake te wenn gar kalla pash mande, kai gar tchinle hi ap pengro mass, un denn man mulo, un krenn mantsa, hoi jon kamenn!” Un ko lurdo, kai leskro kurepaskro koowa hidjrell, kamas gar. Les his bari daar. Kote las o Saul o charo, un mukas pes an leste perell.