1. Samuel 17:34 - O Debleskro Drom 2021 (Sinte)

³⁴ “Miro rai”, penas o David, “me dom jak ap i bakre miro dadestar. Un te was i lewo oder i bero un hidjras i bakres krik,

O Debleskro Lab 2024 (Sinte-Manouche)

³⁴ “Miro ray”, penas o David, “me dom yak ap i bakre miro dadestar. Oun te vas i levo oder i bero oun hidjras i bakres krik,

1. Samuel 17:34 ပူးပေါင်းရင်းမြစ်များ

1. Mose 31:39

Kol bakren, hoi kol diwje vieche maran, anom me gar pash tute. Me hunte plaissrom tuke kolen un dom tut mire bakrendar. Kowa kamal tu jaake. Tuke his jek, te his diwes, te his rati, kai wan kol vieche tchoredo.

2. Samuel 17:8

Tu prindjreh tiro dades un leskre lurden, kai hi sorele kurepangre un chojedo har i diwjo dajengro viecho an o weesh, koleske jek i ternen krik las. Ninna hi tiro dad i lurdo, kai prindjrell o kurepen. Job sowell gar pash i wawar lurdende.

2. Samuel 23:20

O Benaja, koleskro dad o Jojada his, dran o gab Kabzeel, his i wawar kurepaskro mursh, kai baro koowa kras. Kowa das kol dui sorele murshen mulo, kai wan kharedo ‘lewe dran Moab’. Ap i diwes, kai gib das, djas lo an i brunna, un das koi i lewes mulo.

1. Familjakro liil 11:22

O Benaja, koleskro dad o Jojada his, dran o gab Kabzeel, his i wawar kurepaskro mursh, kai baro koowa kras. Kowa das kol dui sorele murshen mulo, kai wan kharedo ‘lewe dran Moab’. Ap i diwes, kai gib das, djas lo an i brunna, un das koi i lewes mulo.

Debleskri gili 143:5

Mange djal kowa an o shero, hoi tu lauter kral glan i rah tsiro. Pral kowa, hoi tire wasta kran, rakrau miro djijeha.

Ezekiel 34:12

Jaake har i bakrengro, kai pash peskre bakre hi, kolen rodell, kai nashran pen, jaake rodau me mire bakren, un lau len pale dran haki platsa, kai le tradedo wan ap ko djungelo kalo diwes.

Amos 3:12

Kowa penell o baro Dewel: I bakro, kai an o leweskro mui hi, kolestar nai tserdell o bakrengro gar budeder win har dui herja oder i kotar kand. Jaake djal i Israelenge, kai hi kanna beshdo an Samaria ap shukar beshepangre un ap pernitse dran phar. Lendar atchell gar bud pral.

Zakarie 11:16

Tchatchepah, me bitchrau i bakrengro an o them, kai dikell gar pal i bakre, kai hi nashedo. Witar gar rodell lo kolen, kai nashran pen. Kolenge, kai dukran pen, well lo gar ap i rig. Un leske hi jek, te well i sasten doha te chal un te pijell. I thulle bakren marell lo peske, un tserdell lenge ninna i pire win.

Zakarie 9:7

Lendar tserdau ko ratlo mass dran lengro mui win, un ko pale-tchiddo mass mank lengre danda krik.” Palle wenn kol Filistarja, kai pral atchenn, maro Debleskre menshe. Jon wenn har i familja dran o kheer Juda. Un i menshe dran Ekron djiwenn jaake mank lende har i Jebusarja an Jerusalem.

Louka 2:8

Glan o foro Betlehem dan i bakrengre jak ap pengre bakre an koi rat.

Johanni 10:11

Me hom o latcho bakrengro. O latcho bakrengro mukell peskro djipen i bakrenge.

Remarja 5:4

Te dikah ap o Debleste, jaake atchah ap leskro drom, un jaake well maro patsepen sorleder.

Hebrearja 11:33

Kol tsele mursha patsan, hoi o Dewel lenge penas. Mashkral lende his ninna kolla, hoi kuran pen kol bare rajentsa un kol rajengre lurdentsa. Un jon his sorleder har kol bare raja un lengre lurde. Wawar kran o tchatchepen un dikan pengre jakentsa, har kowa tchatcho was, hoi o Dewel lenge penas. Wawar wan glan bare un diwje margodje witsedo, un kolla dandran len gar.

Debleskro tsiro 13:2

Un ko viecho, hoi me dikom, his har i bari diwji margodja. Leskre herja his baro un sorelo. Un an leskro mui his bare danda. Un ko baro lolo sap das les peskri soor un peskro beshepaskro, te was ko viecho i baro rai, koles bud penepaske hi.

Čačepangre 14:6

Un o baro Debleskro ducho was pral o Simsoneste. Un peskre wastentsa phagas lo o lewes an kotja, har te wals kowa i busni. Peskro dadeske un peskri dake penas lo tchi kolestar.

1. Samuel 17:15

djas o David pale te pale i tikno tsiro o Saulestar krik, te dell lo jak ap peskro dadeskre bakre an Betlehem.

1. Samuel 17:33

O Saul penas ap o David: “Tu nai djah gar pash ko Filistari, te kuress tut leha. Tu hal i terno mursh, job hi i kurepaskro fun tiknes pre.”

1. Samuel 17:35

palle nashom me leske palla un dom an leste dren un lom leske o bakro pale dran leskro mui win. Un te hadas lo pes ap mande pre, palle taprom les pash leskri tchor un dom les mulo.