1. Samuel 16:5 - O Debleskro Drom 2021 (Sinte)

⁵ “Awa”, penas lo. “Me hom kai, te anap o baro Debleske i vieches. Krenn kowa, hoi glan tchinlo hi, te wenn djudjo o Debleske! Un awenn mantsa, te chas mer o vieches, hoi anom o Debleske.” Un job kras ap o Isai un leskre tchawende kowa, hoi glan tchinlo hi, te wenn le djudjo o Debleske, un penas: “Awenn mantsa, te chas mer o vieches, hoi dau o Debleske.”

O Debleskro Lab 2024 (Sinte-Manouche)

⁵ “Ava”, penas lo. “Me hom kay, te anap o baro Debleske i firhes. Krenn kova, hoy glan činlo hi, te venn djoudjo o Debleske! Oun avenn mantsa, te rhas mer o firhes, hoy anom o Debleske.” Oun yob kras ap o Isay oun leskre čavende kova, hoy glan činlo hi, te venn le djoudjo o Debleske, oun penas: “Avenn mantsa, te rhas mer o firhes, hoy dau o Debleske.”

1. Samuel 16:5 ပူးပေါင်းရင်းမြစ်များ

1. Mose 35:2

Koi penas o Jakob ap peskri familja un ap lauterende, kai pash leste his: “Tchiwenn tumendar krik kol deblen dran barra un kashta, hoi tumer an-mangenna! Thowenn tumen un riwenn tumen djudje ripja an!

1. Rajengro liil 2:13

Un o Adonija, koleskri dai i Haggit hi, was pash i Batsheba, o Salomeskri dai. Un joi penas: “Weh tu pash mande an o latchepen?” Un job penas: “Awa.

1. Familjakro liil 12:18

Un o David djas pash lende win, un penas ap lende: “Wan tumer an o kamlepen pash mande, te rikrenn pash mande, palle hi miro dji tumentsa jek! Te wan te phukrenn ap mande pash kolende, kai kamenn man te marell, palle mu dikell o Dewel mare dadendar koi pal, un mu dell tumen i phagi. Job djinell, kai krom kek tchilatcho koowa.”

Hiob 1:5

Un har kol diwessa trujel his, kai le chan un pijan, palle bitchras o Hiob pash lende, te wenn le pash leste. Un job stas sik taissarlakro pre, un maras hakeneske lendar i viecho, un chatchras les o Debleske, te well lengri doosh krik lino. Job penas peske: Nai djals, te lan mire mursh tchawe doosh ap pende, un rakran djungeles pral o Debleste an pengre djia. Un jaake kras o Hiob pal hako baro chapen, hoi leskre mursh tchawe kran.

2. Mose 19:10

Un o baro Dewel penas ap o Mose: “Dja pash lende un pen lenge, te krenn le pen djudjo mange kau diwes un taissar, te thowenn le pengre koola.

Joel 2:16

Kharenn i menshen khetne, un thowenn tumen jaake har glan tchinlo hi, te wenn djudjo glan o Debleste. Awenn halauter khetne, tumer phure, tchawe un ternepen! O bijabeskro te djal dran peskri isema, un leskri pirni dran kolakri.

Zefanja 1:7

Ma rakrenn tchi, te wenn glan o baro Debleste, maro rajeste! Ko diwes well sik, kai well o baro Debleskri choli pral i menshende. Kau diwes hi har i marepaskro diwes, kai viechen maredo wenn o Debleske un i chapen kerdo well. O baro Dewel kras ko chapen un das menshen khetne gole, te wenn le pash o chapen.

4. Mose 11:8

Un kol menshe nashan kate te kote, un lan kowa khetne, un kran jarro dran leste, un keran kowa an pirja, un kran merklia kolestar. Ko manna his an o mui har maro, kai djet dren hi.

1. Korintarja 11:28

Doleske hunte dikell hakeno ap peste, har hi lo an o patsepen tardo. Un palle chal job o maro un pijell dran ko khoro.

Josua 3:5

Un o Josua penas ap i menshende: “Krenn tumen djudjo o Debleske! Taissar krell o baro Dewel i baro koowa mashkral tumende.”

Josua 7:13

Ste pre, un kre, te wenn i menshe pale erligo glan mande! Pen lenge: Krenn tumen djudjo, te nai wenn glan o Debleste taissarlake! Me, o baro Dewel, hom o Israeleskro Dewel un penau tumenge: Mank tumende, tumer Israelitarja, hi tchomone, hoi miro hi. Doleske nai wenn tumer buder gar sorelo pral kolende, kai kurenn pen tumentsa, jaake rah, har anan tumer ko koowa gar dran tumende krik.

1. Samuel 20:26

O Saul penas ap ko diwes tchi. An peskro shero penas lo peske: Nai was leske tchomone, hoi kras les pale-tchiddo jek diweske. Doleske hi lo gar kai.