1. Samuel 16:14 - O Debleskro Drom 2021 (Sinte)

¹⁴ Un o baro Debleskro ducho djas peske o Saulestar. Un o baro Dewel bitchras leske i tchilatcho ducho, hoi kras leske daar.

O Debleskro Lab 2024 (Sinte-Manouche)

¹⁴ Oun o baro Debleskro dourho djas peske o Saulestar. Oun o baro Devel bičras leske i čilačo dourho, hoy kras leske daar.

1. Samuel 16:14 ပူးပေါင်းရင်းမြစ်များ

2. Samuel 7:15

Miro latchepen lau gar lestar krik, har me miro latchepen o Saulestar krik lom, koles krik lom, te wess tu baro rai.

1. Rajengro liil 22:19

O Micha penas: “Shun, hoi o baro Dewel penell! Me dikom o baro Debles, har job beshdo his ap peskri beshepaskri. Un i tsele bolepangre his pash leste tardo ap leskri tchatchi rig un ap leskri serwi rig.

1. Rajengro liil 22:22

Un job penas: ‘Me mukau i chochepaskro ducho te well, hoi rakrell dran i muja leskre tsele dikepangren!’ Koi penas o baro Dewel: ‘Tu hunte kress kowa. Tuke djal kowa mishto. Dja win, un kre les jaake!’”

Debleskri gili 51:11

Ma dik ap miri doosh, un le o tchilatcho koowa, hoi krom, mandar krik!

Hosea 9:12

Ninna te tserdenn le pengre tchawen bares, lau len lendar pale krik. Kek lendar atchell djido. Hawi bibacht well pral lende, me te tserdau man lendar krik!

Čačepangre 16:20

Un joi penas ap leste: “Filistarja hi pral tute Simson!” Kote stas lo dran peskro sopen pre. Un penas peske: “Me wau krik har hako wawar kopo ninna. Me nai tserdau kol dorja mandar krik.” Job djinas gar, te djas peske o baro Dewel lestar.

Čačepangre 16:29

Palle tapras o Simson ap kol pre-tchidde barra, mashkral lende job tardo hi, kolla, hoi o tselo kheer hidjrenn. Un tchiwas peskro tchatcho wast ap kol tchatche barra un peskro serwo wast ap kol serwe barra.

Čačepangre 9:23

Un palle bitchras o Dewel i tchilatcho ducho mashkral o Abimelech un i menshende an o foro Sichem. Un kolla rissran pen lestar tele, un rikran buder gar pash leste.

1. Samuel 11:6

Un har o Saul kol laba shunas, was o Debleskro ducho pral leste, un i choli chatchras an leste pre.

1. Samuel 16:15

Un i pralstune budepangre o Saulestar penan leske: “Maro rai, tu djineh, i tchilatcho ducho, bitchedo o Deblestar, krell tuke daar. Kanna bitche men, tire budepangren, te rodas mer i murshes, kai haiwell latches te bashrell ap i harfa, te bashrell lo ap ko tsiro, kai bitchrell o baro Dewel ko tchilatcho ducho pral tute. Palle djal tuke feteder.”

1. Samuel 16:23

Un hako kopo, kai bitchras o Dewel ko tchilatcho ducho pral o Sauleste, las o David peskri harfa an o wast un bashras. Un o Sauleske his buder gar jaake phares, un ko tchilatcho ducho djas peske lestar.

1. Samuel 18:10

O wawar diwes mukas o Dewel o tchilatcho duches pral o Sauleste te well. Un job was diwjes an peskro kheer. I harfa an o wast bashras o David o Sauleske, jaake har job hako diwes kras. Un o Saules his i witsepaskro tchuri an o wast.

1. Samuel 18:12

O baro Dewel his o Davideha un buder gar o Sauleha. Doleske daras o Saul o Davidestar.

1. Samuel 28:15

Un o Samuel putchas o Saulestar: “Hoske lal tu man dran miro sopen win, un mukal man pre te well?” Un o Saul penas: “Me hom an bari daar! I Filistarja djan an o kurepen te marenn le pen mantsa. Un o baro Dewel djas peske mandar, un rakrell gar buder ap mande. Leskre rakepangren hi kek lab mange, witar gar rakrell lo mantsa an sunja. Kote mukom me tut pale gole te dell, te peness mange, hoi me hunte krap!”