1. Samuel 15:3 - O Debleskro Drom 2021 (Sinte)

³ Doleske dja kanna an o kurepen un kure tut i Amalekarja, un de len halauter mulo: mursha un djuwja, tchawe un ternepen, grumja un bakre, khamele un burike.’”

O Debleskro Lab 2024 (Sinte-Manouche)

³ Doleske dja kanna an o kourepen oun koure tout i Amalekarya, oun de len halauter moulo: morsha oun djouvya, čave oun ternepen, groumya oun bakre, khamele oun bourike.”

1. Samuel 15:3 ပူးပေါင်းရင်းမြစ်များ

1. Mose 36:12

O Elifas, les his i duiti romni. Lakro lab hi Timna. Joi anas o Amalek ap i phub. Kolendar lauterendar hi o Esaeskri romni Ada i mami.

2. Samuel 1:8

Un job putchas mandar: ‘Koon hal tu?’ Me penom ap leste: ‘Me hom i Amalekari.’

2. Mose 17:14

Palle penas o baro Dewel ap o Moseste: “Tchin kawa pre, te bistrenn le kowa gar! Un rake les o Josua an o dji, te bistrell lo kau kurepen gar. Un pen leske ninna, te kamau me te marap i tsele Amalekarja jaake, te wenn le hakenestar bistedo ap kai phub.”

2. Mose 20:5

Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

4. Mose 24:20

Un har o Bileam kol Amalekarja dikas, penas lo kal laba: “Amalek hi ko pralstuno mashkral kol natsjone. Ninna job well maredo an ko tsiro, hoi wella.”

4. Mose 31:17

Kanna, denn mulo kol tsele mursh tchawen, un kol tsele djuwjen, kolen i rom his.

Josua 10:39

un lan o foro dren, ninna kol forja, hoi trul o foro Debir his. Un jon dan lengro baro rajes un i tsele menshen o chareha mulo, un mukan kekes te nashell. Jaake har lo kowa o foreha Hebron un o foreha Libna un leskro baro rajeha kras, kras lo ninna o foreha Debir un leskro baro rajeha.

1. Samuel 14:48

Job his i tchatcho mursh un maras i Amalekarja, un las o Israel dran kolengre wasta win, kai lendar randan.

1. Samuel 15:18

Un o baro Dewel bitchras tut pash i tchilatche Amalekarja un penas tuke: ‘Mare len un de lauter paash, hoi len hi! Kure tut lentsa, bis te lauter mulo hi.’

1. Samuel 15:9

O Agages un i feteder bakren un grumjen mukas o Saul un leskre mursha te djiwell, ninna i feteder viechen un i tikne bakren un lauter, hoi bud moldo hi. Kowa lauter kaman le gar te marell. Kokres kowa, hoi nasselo un gar bud moldo his, kowa maran le.

1. Samuel 22:19

Ninna an o foro Nob, kai i rashaja djiwan, mukas o Saul lauteren te marell o chareha, murshen un djuwjen, tchawen un ternepen. Ninna i grumjen un i burike un i bakre das lo o chareha mulo.

1. Samuel 27:9

Un kai o David an kau them dren peras, kote mukas lo kek murshes un kek djuwjat djides, un las i tsele bakre un grumja, burike un khamele, un kol tsele ripja peha, un djas pale pale pash o Achish.

1. Samuel 30:17

Un o David peras pral lende o wawar diwes taissarlakro un maras len o tselo diwes bis ap i rat. Un kek lendar nai nashas peske, kokres 400 (star-sheel) terne mursha beshan ap khamele, un nashan.