1. Samuel 15:22 - O Debleskro Drom 2021 (Sinte)

²² O Samuel penas: “Hoi patseh, hi shukar o baro Debleske: Vieche, hoi leske maredo wenn, sawe hoi leske tseles chatchedo wenn un sawe, kolengre feteder kotja mass leske chatchedo wenn? Kamell lo gar budeder, te shunell jek ap kowa, hoi lo penell? Djin, te shuneh tu ap o baro Debleste, hi kowa leske feteder, har te deh les viechen. Te shuneh tu mishto ap leste, hi kowa feteder, har te deh les thulle kotja i bakrestar.

O Debleskro Lab 2024 (Sinte-Manouche)

²² O Samuel penas: “Hoy patseh, hi shoukar o baro Debleske: Fiche, hoy leske maredo venn, save hoy leske tseles rhačedo venn oun save, kolengre feteder kotya mass leske rhačedo venn? Kamell lo gar boudeder, te shounell yek ap kova, hoy lo penell? Djin, te shouneh tou ap o baro Debleste, hi kova leske feteder, har te deh les firhen. Te shouneh tou mishto ap leste, hi kova feteder, har te deh les thoulle kotya i bakrestar.

1. Samuel 15:22 ပူးပေါင်းရင်းမြစ်များ

1. Mose 4:4

Un o Abel las tikne bakren, kai i phureder tchawe pengre dajendar hi, maras len un chatchras lengre feteder kotja o Debleske. Un o baro Dewel dikas latches ap o Abel un ap kowa, hoi job chatchras leske.

2. Mose 19:5

Kanna shunenn: Te rikrenn tumer lauter, hoi me tumenge penau, un shunenn ap mire tsele laba, palle han tumer mange kutcheder har i tsele wawar menshe ap kai phub. Ninna te hi i tseli phub miro, han tumer kokres mire menshe,

Gosewe laba 21:3

Te djah o tchatcho drom un djiweh pal o Debleskro tchatchepen, hi kowa o baro Debleske budeder moldo har te anals leske viechen.

Sikepaskro 5:1

Ma kre tiro mui sik pre, te rakreh glan o Debleste. O Dewel hi an o bolepen, un tu hal ap i phub. Doleske kre gar bud laba, te rakreh.

Jeremia 11:4

Har me tumare phuren dran o them Egiptia lom, har dran i sasterno jagakro bob, krom me lentsa win, te shunenn le ap mande, un krenn har lenge penom, palle hi jon mire menshe, un me hom lengro Dewel.

Jeremia 11:7

Me dom tumare phuren trad ap ko diwes, har anom len dran Egiptia win, bis ap kau diwes, un penom lenge pale te pale: Shunenn ap miro rakepen!

Jeremia 26:13

Kanna mukenn tumaro tchilatcho drom un o tchilatcho koowa, hoi krenna. Un shunenn ap tumaro baro Debleste! Palle rikrell lo pes pale un anell gar koi bibacht pral tumende, kolatar job rakras.

Hosea 6:6

Dikenn, hoi kamau: Kamau, te rikrenn tumer i latcho djijeha ap mande, un kamau gar, te anenn mange viechen. Kamau te prindjrenn man tchatchepah, un kamau gar, te chatchrenn mange viechen.

Hosea 8:13

Jon anenn mange viechen, un chan pen tchalo ap ko mass. Me, o baro Dewel, dikau gar latches koi pre. Lengri doosh bistrau me gar, un lengro tchilatchepen well pral lende: Jon hunte djan pale an o them Egiptia pale.

Mateo 12:7

Tumer haiwan kol laba gar, hoi o Dewel penas: Me kamau, te han tumer latcho ap i wawarende. Me kamau gar, te marenn tumer mange viechen. Te haiwans tumer, hoi kowa kharella, palle anans tumer kek doosh ap mire malende. Jon anan kek doosh ap pende.

Mateo 23:23

Tumer tchatchepangre un Farisarja! Kowa, hoi tumer krenna, ko hi gar mishto! Tumaro patsepen hi chochepen. Tumer denna o Debleste o deshto kotar dran hako senlepen an tumari baar. Un tumer bistrenn ko bareder koowa, hoi o Dewel tumendar kamella: O tchatchepen, un o kamlepen, un o patsepen. Kawa hunte krenn, un ko wawar gar mukenn!

Mateo 5:24

palle muk kowa tchiddo, hoi tu kamal o Debles te dell! Dja pash tiro phraleste, un dik, te wenn tumer pale mishto khetne! Un palle de kowa, hoi tu anal, o Debleste!

Mateo 9:13

Kowa hunte djinenn tumer: O Dewel penas: Me kamau gar, te marenn mange viechen. Na-a! Me kamau, te hi tumen i baro dji i wawarenge. Me wom gar, te dap kolen pash mande gole, kai djan ap o tchatcho drom. Na-a! Me wom, te dap kolen pash mande gole, kai hi ap o tchilatcho drom.”

Markus 12:33

Te kamah mer les o tselo djijeha, an lauter hoi krah un djinah, un te ham jaake latcho ap koleste, kai pash mende hi, har ham latcho ap mende kokres, palle hi kowa feteder, har i tsele bakre un grumja, hoi mer marah un chatchrah o Debleske.”

1. Samuel 13:12

Kote patsom, te wenn i Filistarja tele pash mande kai an Gilgal, un me anom o baro Debleske gomme gar i vieches, te well lo ap miri rig. Doleske lom man khetne, un chatchrom leske i vieches.”

1. Samuel 13:13

O Samuel penas ap o Saul: “Tu kral dinelo koowa, un kral gar pal ko lab, hoi penal tuke o baro Dewel, kai tiro Dewel hi. Te krals tu pal ko lab, tchiwals lo tut hako tsireske pral o Israel, te atchals lengro baro rai.