1. Samuel 15:15 - O Debleskro Drom 2021 (Sinte)

¹⁵ Un o Saul penas: “Kalen anan le dran o them Amalek. I mursha mukan i feteder bakren un grumjen djides, te denn le len tiro baro Debleske. I tsele wawar viechen maran le.”

O Debleskro Lab 2024 (Sinte-Manouche)

¹⁵ Oun o Saul penas: “Kalen anan le dran o them Amalek. I morsha moukan i feteder bakren oun groumyen djides, te denn le len tiro baro Debleske. I tsele vavar firhen maran le.”

1. Samuel 15:15 ပူးပေါင်းရင်းမြစ်များ

Hiob 31:33

An kek tsiro kamom miri doosh te khatrell, har wawar menshe krenn.

Gosewe laba 28:13

Kowa, kai peskri doosh khatrell, kowa well gar dur an peskro djipen. Kowa, kai penell, hoi lo kras, un mukell peskri doosh, hatsell o Debleskro kamlepen.

Mateo 2:8

Un job penas lenge: Djan an o foro Betlehem un rodenn ko ternepen! Un te hatsan les, penenn les mange, te nai wap me ninna, te mangap les an.

Louka 10:29

Un ko mursheske his kowa, hoi o Jesus leske penas, gar doha, un job putchas pale: “Koon hi kol wawar, te wap latches ap lende?”

1. Samuel 15:16

“Atch, rike tiro mui!” penas o Samuel. “Me penau tuke, hoi o baro Dewel mange kai rat penas.” “Rake”, penas o Saul.

1. Samuel 15:21

I mursha mukan i feteder bakren un grumjen te djiwell, te denn le len kate an Gilgal tiro baro Debleske.”

1. Samuel 15:9

O Agages un i feteder bakren un grumjen mukas o Saul un leskre mursha te djiwell, ninna i feteder viechen un i tikne bakren un lauter, hoi bud moldo hi. Kowa lauter kaman le gar te marell. Kokres kowa, hoi nasselo un gar bud moldo his, kowa maran le.