1. Samuel 15:11 - O Debleskro Drom 2021 (Sinte)

¹¹ “Man dukella, te tchiwom me o Saules pral o Israel, te well lo lengro baro rai. Job sikras mange o dumo, un kras gar, hoi me leske penom.” Kowa dukas o Samueles an o dji, un job das i tseli rat ap o baro Debleste gole.

O Debleskro Lab 2024 (Sinte-Manouche)

¹¹ “Man doukella, te čivom me o Saules pral o Israel, te vell lo lengro baro ray. Yob sikras mange o doumo, oun kras gar, hoy me leske penom.” Kova doukas o Samueles an o dji, oun yob das i tseli rat ap o baro Debleste gole.

1. Samuel 15:11 ပူးပေါင်းရင်းမြစ်များ

1. Mose 6:6

Kowa dukas les an leskro dji. Un o baro Debles khaitas, kai kras job i menshen ap i phub.

1. Mose 6:7

Doleske penas o baro Dewel: “Me lau i tsele menshen, kai me krom, pale krik i phubjatar, ninna i viechen, i baren un i tiknen, un i tchirkle. Khaitell man, kai krom len.”

2. Samuel 24:16

Har sikras ko bolepaskro peskro wasteha ap o foro Jerusalem, te well ko nasslepen koi, khaitas o baro Debles koi bibacht. Un job penas ap ko bolepaskro, kai anas o merepen pral i menshende: “Kanna hi doha! Le tiro wast lendar krik!” O Debleskro bolepaskro his tardo ap koi djobeskri platsa o murshestar Arauna. Kowa his i Jebusari.

1. Rajengro liil 11:9

Jaake kras o Salomo gar, hoi o baro Dewel lestar kamella, kowa, kai o Israeleskro Dewel hi, un mukas pes leske dui kope te dikell, un penas leske, te mangell lo gar wawar deblen an. Ap kowa rikras pes o Salomo gar. Un o baro Dewel was chojedo ap leste,

1. Familjakro liil 10:13

O Saul meras doleske, kai job gar kras, hoi o baro Dewel leske penas, un kai job pash koi djuwjate djas, kai i mulentsa rakras, un lat putchas.

1. Familjakro liil 21:15

Un o Dewel bitchras ko bolepaskres an o foro Jerusalem, te marell lo len an o foro. Har was ko nasslepen koi, khaitas o baro Debles koi bibacht. Un job penas ap ko bolepaskro, kai anas o merepen pral i menshende: “Kanna hi doha! Le tiro wast lendar krik!” O Debleskro bolepaskro his tardo ap koi djobeskri platsa o murshestar Arauna. Kowa his i Jebusari.

Hiob 34:27

Kowa krell lo doleske, kai djan jon leskro dromestar tele, un dan gar jak ap kowa, hoi job lendar kamas.

Debleskri gili 109:4

Jon kamenn mange tchilatchepen, ninna te hom kamlo ap lende. Me mangau tutar latchepen lenge.

Debleskri gili 110:4

O baro Dewel das pes sowel, un job las lat gar pale. Job penas: “Tu hal rashai hako tsireske, sawo har o Melchisedek his.”

Debleskri gili 119:136

Rowau bud swa pral kolende, kai mukenn tiro drom.

Debleskri gili 125:5

Kolen, kai tiro drom mukenn un djan ap bange dromma, deh tu, baro Dewel, i phagi khetne kolentsa, kai i wawarenge tchilatchepen krenna. Bacht te well pral o Israel!

Debleskri gili 36:3

An peskre jaka hi kowa jaake shukar, hoi lo krella, te haiwell lo gar, kai kowa i doosh hi, kai hunte rikrals pes lo latar pale.

Debleskri gili 78:41

Pale te pale kaman le te dikell, hoi job haiwella. Jaake dan le leske an o dji, koleske, kai kokres o tchatcho Dewel hi, o Dewel pral o Israel.

Debleskri gili 78:57

Jon peran lestar tele. Un jaake har lengre phure menshe kran, kran jon ninna, un kaman o Deblestar buder tchi te djinell. Tchi-moldo his le har i bogo, koleskri dori buder gar sorelo hi.

2. Mose 32:11

O Mose mangas o baro Debles, kai leskro Dewel his, un penas: “Baro Dewel, tiro sorelo wasteha anal tu tire menshen dran o them Egiptia win, un sikral tiri tseli soor. Hoske kameh tu len kanna an tiri choli temerl te dell?

2. Mose 32:14

Koi rikras pes o baro Dewel pale un mukas gar koi bari bibacht pral peskre menshende te well.

Jeremia 11:10

Jon krenn sawo tchilatcho koowa har lengre phure kran, kai glan lende his, un kaman ap mire laba witar gar te shunell, un nashan kol wawar deblen palla un mangan len an. Jaake rikran kol menshe dran o kheer Israel un dran o kheer Juda kol laba gar dren, hoi krom lengre phurentsa win.

Jeremia 13:17

Te kamenn tumer kowa gar te shunell, hunte rowap tchorchanes pral tumare pre-phurde djia. O Debleskre menshe wenna pandles krik anlo. Un mire swa herenn gar pre te nashell.

Jeremia 34:16

Un kanna rikran gar, hoi tumen sowel dan, un kran, har te wals miro lab tchi moldo! Hakeno tumendar kamell kol murshen un djuwjen pale, kai leskre budepangre his, un kolen job mukas te djal, te nai djan le penge kote, kai le kaman. Kanna lell lo len sorjah pale pale, te wenn le pale leskre pandle budepangre.

Jeremia 9:1

Te wals man an o mulo tato them i kheer, kai nai atchau, mukoms me mire menshen, un djoms mange. Jon lauter hi har romma, kai mukan pengre romjen beshdo. Jaake mukan kal phukepangre o baro Debles.

Jeremia 9:18

Shunenn, o ropen well shunlo an o foro Zion: Ach, har djan jon sorjah ap mende! I ladj was ap mende! Mer hunte djas dran kau them. Mare khera chatchran jon tele.

Ezekiel 18:24

I latcho mursh, te mukell job peskro latcho drom, un krell kanna o tchilatchepen, un ko tselo djungelo koowa, hoi ko tchilatcho kras, atchell lo djido? Na-a! Ko tselo latcho un tchatcho koowa, hoi lo kras, well bistedo. Job mukas o Debleskro drom un anas doosh ap peste. Doleske hunte merell lo.

Amos 7:3

Koi khaitas kowa o baro Debles, un job penas: “Mishto, kowa well gar jaake!”

Jona 3:10

Har o Dewel dikas, hoi jon kran, har mukan le pengre tchilatche dromma, kote khaitas o Debles koi bibacht, hoi kamas lo pral lende te anell, un job kras les gar.

Jona 4:2

Kote rakras lo ap o baro Debleste un penas: “Ach, baro Dewel, kowa hi, hoi penom an ko tsiro, har khere homs. Doleske kamom sik an o them Tarsis krik te nashell. Me djinom, kai tu i latcho Dewel hal, un tut i baro dji hi. Tu weh gar sik chojedo. Un tiro latchepen hi baro. Un koi bibacht, kolah i menshen trad deh, khaitell tut pal kowa.

Zefanja 1:6

Marau ninna kolen, kai perenn mandar tele, un kolen, kai putchenn gar pal mande, un kamenn tchi mandar te djinell.

Mateo 24:13

Kowa, kai atchell soreles tardo an o patsepen, jaake rah, har job djiwella, kowa lell o Debleskro djipen.

Mateo 5:44

Me penau tumenge: Awenn latches kolenge, kai hi tchilatcho ap tumende! Mangenn o Debles kolenge, kai lenn tumen palla!

Louka 6:12

His i diwes, kai djas o Jesus ap i berga, te rakrell lo o Debleha. Un job atchas i tseli rat un rakras leha.

Josua 22:16

O baro Debleskre tsele menshe mukenn tumenge te penell: “Hawo tchilatcho koowa kran tumer ap o Israeleskro Debleste! Hoske mukan o baro Debles, un kran tumenge i altaro? Koleha perenn o baro Deblestar tele!

1. Samuel 12:23

Un me ninna, kamau gar i doosh ap mande te anell glan o baro Debleste, te mangap les gar tumenge. Me kamau te sikrap tumende o latcho un tchatcho drom.

1. Samuel 13:13

O Samuel penas ap o Saul: “Tu kral dinelo koowa, un kral gar pal ko lab, hoi penal tuke o baro Dewel, kai tiro Dewel hi. Te krals tu pal ko lab, tchiwals lo tut hako tsireske pral o Israel, te atchals lengro baro rai.

1. Samuel 15:10

Kote penas o baro Dewel ap o Samuel:

1. Samuel 15:3

Doleske dja kanna an o kurepen un kure tut i Amalekarja, un de len halauter mulo: mursha un djuwja, tchawe un ternepen, grumja un bakre, khamele un burike.’”

1. Samuel 15:35

Un o Samuel dikas o Saules buder gar jaake rah har djiwas lo. Un leskro dji rowas pral o Saul. O baro Debles khaitas, te rodas lo les win, te well lo o rai pral o Israel.

1. Samuel 15:9

O Agages un i feteder bakren un grumjen mukas o Saul un leskre mursha te djiwell, ninna i feteder viechen un i tikne bakren un lauter, hoi bud moldo hi. Kowa lauter kaman le gar te marell. Kokres kowa, hoi nasselo un gar bud moldo his, kowa maran le.

1. Samuel 16:1

Un o baro Dewel penas ap o Samuel: “Har rah kameh tu gomme pal o Saul te rowell, koles me pale tchiwom, te well lo buder gar o rai pral o Israel? Le kanna i tushni djet tuha, un kre tut ap o drom! Me bitchrau tut pash o Isai an o foro Betlehem. Mank leskre mursh tchawende hi kowa, koles me mange win rodom, te well job baro rai.”

1. Samuel 8:6

Kolla his djungele laba glan o Samueleste, te penan le: ‘De men i baro rai, kai o tchatchepen pral mende win rakrella.’ Un o Samuel rakras o baro Debleha koi pral.