1. Samuel 14:6 - O Debleskro Drom 2021 (Sinte)

⁶ Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”

O Debleskro Lab 2024 (Sinte-Manouche)

⁶ Oun o Yonatan penas ap ko terno morsheste, kay leskro kourepaskro koova hidjrell: “Ab, mer djas pash kol rhalende, kay koy vergel yak denn. Nay hi, te vell o baro Devel menge ap i rig. Te krell lo kova, hi yek, kitse mer ham, boud oder gar boud.”

1. Samuel 14:6 ပူးပေါင်းရင်းမြစ်များ

2. Samuel 1:20

Penenn kowa gar an ko foro Gat, un rakrenn gar koi pral ap i dromma an Ashkelon, te wenn gar bachtelo i djuwja an Filistia, te denn le gar gole i bachtjatar, kolla tcha kolendar, kai gar tchinle hi ap pengro mass!

2. Samuel 16:12

Nai well, kai o baro Dewel dikell miri bibacht, un krell latchepen dran ko praassepen.”

2. Rajengro liil 19:4

O baro rai pral o them Assur bitchras peskro pralstunes, te praassell lo o djido Debles. Har kamoms, te shunell o baro Dewel, tiro Dewel, kol tsele laba, hoi ko mursh penas, un dell les i phagi! Mange o Deblestar kol menshenge, kai pral atchan leskre menshendar, te rikrell lo peskro wast pral lende!’”

2. Familjakro liil 14:10

Un o Asa das gole ap peskro baro Debleste un penas: “Baro Dewel, tuke hi gar phares, te wess koles ap i rig, kai kek soor an leste hi, te nai kurell lo pes koleha, kai sorleder hi har job. Ab ap mari rig, maro baro Dewel, mer rikrah men ap tute. Un an tiro lab wam mer kate khetne, te kuras men kal bud murshentsa. Baro Dewel, maro Dewel hal tu. Kek mensho nai krell tchomone, tu te kameh les gar.”

2. Familjakro liil 14:11

Un o baro Dewel das i Kusharja glan o Asa un i menshende dran Juda jaake, kai jon nashan penge an i daar.

Debleskri gili 135:6

Lauter, hoi job kamell te krell, krell lo an o bolepen un ap i phub, an o baro pani, un an o telstunepen.

Jeremia 9:23

Koon kamell pes te sharell, kowa te sharell pes, kai job prindjrell man, un te haiwell job, kai me o baro Dewel hom. Me krau miro dji pre i menshenge, un krau, hoi tchatcho un mishto hi ap i phub. Sawo koowa hi mishto glan mire jaka. Kowa penau me, o baro Dewel.

Jeremia 9:25

kol menshe an i themma Egiptia, Juda, Edom, Ammon un Moab, un lauter kolla, kai tchinenn pengre balla trujel tele, un djiwenn an o mulo tato them. Ninna te hi jon un i tsele Israelitarja tchinlo ap pengro mass, djiwenn le, har te wans le gar tchinlo.

Amos 5:15

Dikenn tchilatches ap kowa, hoi tchilatcho hi, un dikenn latches ap kowa, hoi latcho hi! Dikenn koi pre, te lell kowa peskro tchatchepen, koon an o tchatchepen hi! Palle nai well o baro Dewel latches kolenge, kai dran o kheer Josef pral atchenn. Job hi o rai pral o bolepen un i phub.

Zefanja 2:3

Tumer wawar, kai kran tumen gar bares un rikrenn o Debleskro tchatchepen, tumenge penau: Rodenn o baro Debles! Krenn, hoi glan leste tchatcho hi! Rikrenn tumen gar baro! Nai well, te rikrell lo peskro wast pral tumende, ap ko diwes, kai leskri choli pral i menshende well.

Zakarie 4:6

“Kol efta momlia hi o baro Debleskre jaka, hoi lauter dikenn, hoi ap i phub djala.”

4. Mose 10:32

Un te djah tu mentsa, krah mer tuke o latchepen, hoi o baro Dewel ap mende krella.”

4. Mose 31:4

Lenn jek sero murshen dran hakeneste kol deesh-te-dui bare familjendar, hoi wenn o Jakobeskre tchawendar, un bitchrenn len an o kurepen.” Un jaake kran le, un 12.000 (deesh-te-dui-serja) mursha wan khetne kurepaske.

Mateo 19:26

Un o Jesus dikas ap lende, un penas: “Hoi i menshe nai gar krenna, nai krell o Dewel halauter.”

Remarja 8:31

Hoi te penas mer budeder? O Dewel hi ap mari rig! Koon nai krell menge i tchilatchepen? Kek!

5. Mose 32:30

Har nai las jek lurdo i sero (1.000) Israelitarjen palla? Har nai tradan dui lurde deesh-serja (10.000) Israelitarjen jaake, te nashan le penge i darjatar? Kowa was, har o baro Dewel, lengro rikepaskro, len an kolengre wasta das.

Filiparja 3:3

Mer, kai ap o Jesus Kristeste patsah, ham tchatchepah o Debleskre menshe. Ap mende hi o Debleskro Ducho. Jaake nai krah o Debleskri budi. Mer ham bachtelo pral kowa, hoi o Jesus Kristo menge kras un hunte rikras kek koowa, hoi wella i menshendar. Mer djinah, sawo koowa nai anell men gar pash o Debleste.

Josua 14:12

Un kanna de man kol berge, kolendar o baro Dewel an ko diwes rakras! Tu shunal an ko diwes, te djiwenn kol Anakarja koi an bare sorele forja. Te hi o baro Dewel mantsa, palle nai tradap len win, har o baro Dewel kowa penas.”

Čačepangre 15:18

Un les his bari trush, un das ap o baro Debleste gole, un penas: “Tu dal man jaake bari soor, te wom o sorleder pral i Filistarende. Un kanna hunte merap i trushatar, un perau an i wasta kolendar, kai gar tchinlo hi ap pengro mass.”

1. Samuel 14:5

Ko jek his serwes tardo wergel Michmas. Un ko wawar his tchatches tardo wergel Geba.

1. Samuel 14:7

“Kre lauter, har tu les kameh”, penas ko terno mursh. “Me djau tuha. An hako koowa, hoi tu ninna kreh, me hom pashel.”

1. Samuel 17:26

Kote penas o David ap kol murshende, kai koi tardo his: “Hoi lell kowa, kai ko murshes kote marella un i ladj i Israelendar pale krik lella? Hoi patsell ko Filistari, koon job hi? Job hi gar tchinlo ap peskro mass, un patsell, te nai praassell lo i lurden ko djido Deblestar!”

1. Samuel 17:36

Lewe un bere dom mulo. Un jaake djal les ninna kau Filistareske, kai gar tchinlo hi ap peskro mass. Job praassas i lurden o djido Deblestar. Doleske hunte merell lo!”

1. Samuel 17:46

Kau diwes dell o baro Dewel tut an miro wast. Un me dau tut mulo, un dau tiro shero tutar tele. Un kau diwes dau i tsele mule lurden tumendar Filistarja i tchirklende tel o bolepen te chal un i diwje viechende ap kai phub. Palle dikenn un haiwenn le an i tsele themma, te hi i Israelitarjen i Dewel.

1. Samuel 17:47

Un ninna hakeno, kai kate hi, kowa dikell un haiwell, te hunte well o baro Debles kek charo un kek witsepaskro tchuri, te lell lo peskre menshen dran o merepen win. Job hi o sorleder un dell tumen an mare wasta.”

1. Samuel 31:4

Un job penas ap koleste, kai leskro kurepaskro koowa hidjrell: “Le tiro charo un de man mulo, jaake te wenn gar kalla pash mande, kai gar tchinle hi ap pengro mass, un denn man mulo, un krenn mantsa, hoi jon kamenn!” Un ko lurdo, kai leskro kurepaskro koowa hidjrell, kamas gar. Les his bari daar. Kote las o Saul o charo, un mukas pes an leste perell.