1. Samuel 14:50 - O Debleskro Drom 2021 (Sinte)

⁵⁰ Un o lab o Sauleskri romjatar his Ahinoam. Kolakro dad his o Ahimaaz. Un o Saul tchiwas o Abner, koleskro dad o Ner hi, pral peskre lurdende, te well lo lengro pralstuno. O Ner his o Sauleskro kak.

O Debleskro Lab 2024 (Sinte-Manouche)

⁵⁰ Oun o lab o Sauleskri romyatar his Ahinoam. Kolakro dad his o Ahimaaz. Oun o Saul čivas o Abner, koleskro dad o Ner hi, pral peskre lourdende, te vell lo lengro pralstouno. O Ner his o Sauleskro kak.

1. Samuel 14:50 ပူးပေါင်းရင်းမြစ်များ

2. Samuel 2:8

O Sauleskro pralstuno lurdo, o Abner, koleskro dad o Ner hi, kowa las o Sauleskro tchawes Ish-Boshet, un anas les an o foro Mahanajim,

2. Samuel 3:27

Har o Abner pale an o foro Hebron was, las o Joab les ap i rig pash o baro wudar, te rakrell job tchorchanes leha. Koi das o Joab les an o per tchurje, jaake te meras lo. Kowa kras lo doleske, kai o Abner leskro phrales, o Asahel, maras.

2. Samuel 3:38

Un o baro rai penas ap peskre murshende: “Djinenn tumer gar, kai kau diwes i baro mursh un pralstuno meras an Israel?

2. Samuel 3:6

Jaake rah har ko kurepen his mashkral o Sauleskri familja un o Davideskri familja, his o Abner ap koi rig o Sauleskri familjatar un kras lat soreles.

1. Familjakro liil 26:28

O Shelomit un leskre phrala his i pralstune pral halauter, hoi o Debleske dino was, ninna pral kowa, hoi glan ko tsiro o dikepaskro o Samuel o Debleske anas, un o Saul, koleskro dad o Kish his, un o Abner, koleskro dad o Ner his, un o Joab, koleskri dai i Zeruja his.

1. Familjakro liil 27:21

pral i paash familja Manasse an o them Gilead: o Jiddo, koleskro dad o Secharja his; pral i familja Benjamin: o Jaasijel, koleskro dad o Abner his;

1. Samuel 10:14

Un o Sauleskro kak dikas les un leskro budepaskres un putchas: “Kai hans tumer?” Un o Saul penas: “Mer rodam i eslen, un har dikam, te hi le gar koi, djam pash o Samuel.”

1. Samuel 17:55

O Saul dikas, har djas o David an o kurepen ko Filistareha, un putchas peskro pralstuno lurdestar, o Abner: “Koneskro tchawo hi kowa?” Un o Abner penas: “Tchatchepah, miro rai, me djinau gar!”

1. Samuel 26:5

Un o David kras pes ap o drom, un was kote, kai o Saul peskre lurdentsa hi. Un o David dikas koi platsa, kai o Saul pes tele tchiwas, te sowell lo. Un pash o Saul his o pralstuno pral i lurdende tchiddo. Leskro lab hi Abner, koleskro dad hi o Ner. Kol dui his mashkral ap i platsa tchiddo, un i tsele lurde his trul lende tchidde.