1. Samuel 14:47 - O Debleskro Drom 2021 (Sinte)

⁴⁷ Har was o Saul o baro rai pral o Israel, djas lo an o kurepen lauterentsa, kai djiwan trul o them Israel un kaman les tele te rikrell. Kolla his i menshe dran o them Moab, Ammon un Edom, ninna i bare raja an o them Zoba, un i Filistarja. Un kai lo ninna djas, kote was lo o sorleder.

O Debleskro Lab 2024 (Sinte-Manouche)

⁴⁷ Har vas o Saul o baro ray pral o Israel, djas lo an o kourepen lauterentsa, kay djivan troul o them Israel oun kaman les tele te rikrell. Kolla his i menshe dran o them Moab, Ammon oun Edom, ninna i bare raya an o them Soba, oun i Filistarya. Oun kay lo ninna djas, kote vas lo o zorleder.

1. Samuel 14:47 ပူးပေါင်းရင်းမြစ်များ

1. Mose 19:37

Un i phureder tchai anas i tchawes ap i phub. Koles das joi ko lab Moab. Kolestar wenna kol menshe, kai hi kau diwes i Moabarja.

1. Mose 19:38

Un i terneder tchai anas ninna i tchawes ap i phub. Koles das joi ko lab Ben-Ammi. Kolestar wenna kol menshe, kai hi kau diwes i Ammonarja.

1. Mose 36:1

Kowa hi ko liil, kai tchinlo hi pral o Esau peskre tchawentsa. Job kharell ninna Edom.

1. Mose 36:19

Kol tsele menshe un lengre raja wenna pal o Esau. Jon khetne hi i Edomarja.

1. Mose 36:8

Un o Esau, djiwas ap o pralstuno them, hoi kharella Seir. O Esau hi o Edom.

2. Samuel 1:22

Te das o Jonatan karje, djan peskre faile hako tsiro kote, kai job kamas. Te das o Saul peskro chareha, maras lo tchatche murshen. Un leskro charo his pherdo rat lendar.

2. Samuel 10:6

Har kol Ammonarja dikan, kai kran le o Davides mulo chojedo, ginan le lurden dran wawar themma: 20.000 (biish-serja) Syrarja dran o foro Bet-Rehob un dran o foro Zoba, 1.000 (jek sero) lurde o baro rajestar pral o them Maacha, 12.000 (deesh-te-dui-serja) lurde dran o them Tob.

2. Samuel 8:15

Jaake his o David baro rai pral o tselo them Israel, un kras, te lell hakeno peskro tchatchepen.

2. Samuel 8:3

O David kuras pes ninna o baro rajeha pral o them Zoba. Leskro lab his Hadad-Eser, koleskro dad his o Rehob. Har o Hadad-Eser koi djas, te lell lo o them pash ko pani Eufrat pale dren, was o David peskre lurdentsa, un das les un leskre lurden.

1. Rajengro liil 11:23

Un o Dewel tchiwas o Salomeske i wawar murshes an o drom, kai hadas pes pral leste. Kowa his o Reson, koleskro dad o Eljada his. Glan i tsiro nashas o Reson peske peskro rajestar, o Hadad-Eser, kowa his o rai pral o them Zoba.

1. Samuel 12:2

Kanna djal job glan tumende. Me wom phuro un mire balla wan parno. Un mire mursh tchawe hi pash tumende. Fun tiknes pre djom glan tumende bis ap kau diwes.

1. Samuel 13:1

Un o Saul his … bersha phuro, har was lo baro rai. Un job his … dui bersha rai pral o Israel.

1. Samuel 14:46

Un o Saul las i Filistarjen buder gar palla, un djas pale pre. Un i Filistarja djan pale an pengro them, kai le wan.

1. Samuel 14:52

Jaake rah har o Saul djiwas, his o marepen i Filistarentsa i pharo marepen. Un te dikas o Saul i sorelo tchatcho murshes, koles las lo, te well lo i lurdo leske.

1. Samuel 21:7

Koi das les o rashai kol Debleskre mare. Kek wawar maro his koi. Kol Debleskre mare his o baro Debleste dino, pale krik lino, har was newo maro koi tchiddo.