1. Samuel 14:36 - O Debleskro Drom 2021 (Sinte)

³⁶ Un o Saul penas: “Mer lah gomme kai rat i Filistarjen palla un randah len win, bis te well o newo diwes. Mukenn kekes lendar djido!” “Mishto”, penan le. “Mer krah, hoi an tire jaka tchatcho hi.” O rashai penas: “Putchas o Deblestar, hoi te kras!”

O Debleskro Lab 2024 (Sinte-Manouche)

³⁶ Oun o Saul penas: “Mer lah gomme kay rat i Filistaryen palla oun randah len vin, bis te vell o nevo dives. Moukenn kekes lendar djido!” “Mishto”, penan le. “Mer krah, hoy an tire yaka čačo hi.” O rashay penas: “Poučas o Deblestar, hoy te kras!”

1. Samuel 14:36 ပူးပေါင်းရင်းမြစ်များ

Debleskri gili 73:28

Mange hi mishto, te rikrap man ap miro Debleste. Te wap pash tute, miro rai, baro Dewel, kowa hi miri bacht, te rakrap halauterestar, hoi tu kral.

Jesaja 58:2

Jon wenn hako diwes, har te rodans le man, un penenn, te kamans le mire dromma te djinell, har te wans le menshe, kai o tchatchepen krenn, un pengro Debles gar mukan. Un jon kamenn, te krap me o tchatchepen lenge win, un te wap pash lende.

Jeremia 6:5

Palle djas ap i rati, un kras lengre raile khera paash.

Maleachi 2:7

Kowa hi i rashajengri budi: Jon hunte penenn o Debleskro lab an o tchatchepen, te nai djan i menshe pash lende, te kamenn le te djinell, hoi o baro Dewel lendar kamella. I rashaja hi i bitchepangre o baro Deblestar, ko rajestar pral o bolepen un i phub.

4. Mose 27:21

Un an tsirja, kai djinell lo gar, hoi te krell, hunte well lo glan o rashajeste Eleasar. Kowa hunte putchell mandar un hunte witsrell kol Debleskre barra, te hatsell lo win, hoi me, o baro Dewel, an kau koowa kamau. Jaake te sikrell o Eleasar o Josueske un i tsele Israelenge, hoi te krenn le.”

Jakobo 4:8

Awenn pash o Debleste! Jaake well job ninna pash tumende. Ap tumende, kai kran tchilatcho koowa, penau me: Krenn tumare wasta djudjo! Ap tumende, kai djan ap dui dromma, penau me: Mukenn ko tchilatcho drom, un djan ap o Debleskro drom!

Josua 10:19

Tumer wawar, atchenn gar tardo! Lenn i Amorarjen palla, kai gomme ap o naashepen hi, taprenn len, un mukenn len gar an pengre forja te well! O baro Dewel hi tumaro Dewel un das len an tumaro wast.”

Josua 11:14

Un o kutch koowa, hoi an kol forja his, ninna i tsele vieche tchoran penge i Israelitarja. I tsele menshe dan le o chareha mulo un mukan kekes lendar djido.

1. Samuel 1:23

Un lakro rom Elkana penas ap late: “Kre jaake har tu kameh, atch kai, bis te job phuro doha hi. Mu rikrell o baro Dewel lauter, hoi job pral kau tchaweste penas!” Jaake atchas koi romni khere un das o tchawes o betch, jaake rah bis te job phuro doha his.

1. Samuel 11:11

Sik taissarlakro mukas o Saul peskre lurden jaake khetne tardo te well, te his hako kopo i triinto kotar khetne tardo. Jaake djan le triin rigjendar ap i platsa, kai i Ammonarja hi. Kowa his gomme glan o tsiro, kai o kham pre djas. Un jon maran i Ammonarja bis mashkral o diwes. Un kolla, kai djides atchan, nashan penge, jaake te atchan gar dui lendar khetne.

1. Samuel 14:3

An ko tsiro his o Achija o rashai un riwas koi damdira, hoi riwenn i rashaja. Koleskro dad his o Ahitub, koleskro phraal his o Ikabod. Lengro dad his o Pinhas, leskro dad his o Eli, kai his o baro Debleskro rashai an o foro Shilo. I lurde djinan gar, te djas peske o Jonatan.