1. Samuel 14:24 - O Debleskro Drom 2021 (Sinte)

²⁴ O Saul das i Israelitarjen trad un penas: “Bibacht pral koleste, kai chal kau diwes, jaake rah o kham gomme gar tele djas, un me gar kolen lauteren pale dom, kai kaman man te marell.” Doleske his i murshen dran Israel buder kek soor i bokatar, un o marepen was lenge phares.

O Debleskro Lab 2024 (Sinte-Manouche)

²⁴ O Saul das i Israelitaryen trad oun penas: “Bibarht pral koleste, kay rhal kava dives, yaake rah o kham gomme gar tele djas, oun me gar kolen lauteren pale dom, kay kaman man te marell.” Doleske his i morshen dran Israel bouder kek zoor i bokatar, oun o marepen vas lenge phares.

1. Samuel 14:24 ပူးပေါင်းရင်းမြစ်များ

Debleskri gili 18:47

O baro Dewel djiwella! Les sharau: har i baro sorelo bar hi lo mange. Miro Debles hadau: job das ap mande jak,

Gosewe laba 11:9

Jek, kai kamell tchi o Deblestar te djinell, anell peskro rakepah i wawaren o Debleskro dromestar tele. Kolla, kai an o tchatchepen tardo hi, lenn pengro gosewo rakepah wawaren dran o merepen win.

3. Mose 27:29

Te hi kowa i mensho, nai well lo gar win ginlo. Job hunte well maredo.

3. Mose 5:4

Te dell jek pes sowel, jaake te rakrell leskro mui sik, un job haiwell pal i tsiro, hoi lo kras, – hi jek, te hi kowa, hoi lo penas, latcho oder tchilatcho leske – palle anas lo i doosh ap peste.

4. Mose 21:2

Koi das pes o Israel sowel glan o baro Debleste, un jon penan: “Te deh tu kal menshen an mare wasta, kamah mer lengre forja paash te krell.”

4. Mose 5:21

palle anell o baro Dewel i bibacht ap tute, jaake te wenn tire rigja tikneder un tiro per pesseder. Palle penell jek, kai kamell i bibacht pral i wawareste te anell: Mu djal tuke har kai djuwjake!” Kol labentsa hunte dell o rashai kol djuwjat trad, un palle penell lo ap late:

Remarja 10:2

Me djinau tchatchepah, jon krenn bud koowa o tselo djijeha o Debleske. Ninna te krenn le kowa, djinenn le tchatchepah gar, hoi o Dewel kamella.

1. Korintarja 16:22

Koon o Jesuses, maro rajes, gar kamella, ap koleste well i bibacht! Maranatha!

Josua 6:26

Ap ko tsiro das pes o Josua sowel: “Mu dell o baro Dewel bibacht ap ko mursheste, koon kau foro pale pre tchiwell. Te tchiwell lo i telstune barra pre, hunte merell leskro phureder tchawo. Te tchiwell lo i bare wudja dren, merell leskro terneder tchawo.”

Čačepangre 1:28

Un har i Israelitarja soreles wan, kran le, te wan i Kanaanitarja lengre budepangre, kai lenge phares hunte budran, – win tradan le len gar.

Čačepangre 5:2

Sharas o baro Debles! Tchatche mursha anan o Israel an o kurepen. Pendar win djan i kurepangre lentsa.

1. Samuel 14:25

Har wan le an o weesh, his kote bud diwjo gwin. Un kek lendar las kolestar un chas, fothe daran le i sowel, hoi das o Saul.

1. Samuel 14:39

Ninna te wals kowa miro tchawo Jonatan, hunte merals lo. Kowa dau me man sowel pash o djido Debleste, kai ap o Israeleskri rig hi.” Un kek i tsele lurdendar penas tchomone.

1. Samuel 18:25

Un o Saul penas: Jaake penenn ap o David: “O baro rai kamell tchi wawares, hoi hunte dess leskro tchake, har o murshkano mass sheel mule Filistarendar. Job kamell lenge o tchilatchepen pale te dell, hoi le ap leste kran.” Tchatchepah kamas o Saul te perell o David an o wast i Filistarendar, un jon te denn les mulo.