1. Samuel 14:15 - O Debleskro Drom 2021 (Sinte)

¹⁵ Un i bari daar peras ap kol Filistarja, – ap lengri platsa un ninna win ap o them – ap kol tsele lurdende, ninna ap kolende, kai jak denn un ap kolende, kai win djan, te randenn le. Un i phub trissas. Jaake bitchras o Dewel i bari daar ap i tsele Filistarja.

O Debleskro Lab 2024 (Sinte-Manouche)

¹⁵ Oun i bari daar peras ap kol Filistarya, – ap lengri platsa oun ninna vin ap o them – ap kol tsele lourdende, ninna ap kolende, kay yak denn oun ap kolende, kay vin djan, te randenn le. Oun i phoub trissas. Yaake bičras o Devel i bari daar ap i tsele Filistarya.

1. Samuel 14:15 ပူးပေါင်းရင်းမြစ်များ

1. Mose 35:5

Un jon kran pen ap o drom. Un o Dewel tchiwas i daar ap kol menshende, kai djiwan an i forja trul lende. Un kolla lan len gar palla.

2. Samuel 5:24

Tu te shuneh i gole, har te djal jek pral an i ruka, am sik! Palle djal o baro Dewel glan tute, te dell job i Filistarengre lurden.”

Hiob 18:11

Trul leste trujel well haki rigjatar bari traash, un lell les palla, kai job ninna stakrell.

Debleskri gili 14:5

Sik well ko tsiro, kai perenn le an i daar. O Dewel rikrell pash kolende, kai an o tchatchepen tardo hi.

2. Mose 19:18

Un trul koi tseli berga Sinai his jagakro ducho, har was o baro Dewel an i jag tele ap i berga. Un i jagakro ducho djas pre dran i berga jaake har dran i baro bob. Un koi tseli berga trissas soreles.

Daniel 5:6

Koi was o baro rajeskro mui parno. Un job trashas jaake, te nashras lo haki soor, un leskre herja trissan.

Mateo 24:6

Baro kurepen wella an kol themma, kai hi dur tumendar un ninna an kolla themma, kai hi gar dur tumendar. Te shunenn tumer kowa, ma trashenn! Ko hunte well jaake. Ko tsiro, kai o Dewel o rai hi pral halauterende, well gar jaake sik.

Josua 2:9

un penas ap lende: “Me haiwom, te das o baro Dewel tumen kau them. I bari traash glan tumende peras ap mende. Un hakeno, kai kate djiwell, hi har bango darjatar glan tumende.

Čačepangre 7:21

Un jon atchan kote tardo, kai le his, trul koi tseli platsa trujel. Un kol tsele Midiantikre lurde nashan har diwjes ap koi platsa trujel, dan bari gole un kaman te nashenn penge.

1. Samuel 13:17

Kotar djan i Filistarja ap triin rigja win, te randenn le un denn o them paash. Ap jek rig djan le ap o drom, hoi djal an Ofra an o them Shual.

1. Samuel 13:18

Ap i wawar rig djan le ap o drom, hoi djal pash Bet-Horon, un pale ap i wawar rig djan le ap o drom an o them pal i tala Zebojim, kai o mulo tato them well.

1. Samuel 13:23

Un i Filistarja bitchran pengre murshen win, te denn le jak, te djal kek ap ko tikno drom, hoi djal ap i berga pash Michmas.

1. Samuel 14:14

Jaake maran an kau ersto marepen o Jonatan un ko terno mursh jaake biish (20) murshen ap i tikno kotar phub.

1. Samuel 14:16

Un kol mursha, kai jak denn pash o Saul an o foro Gibea an o them Benjamin, kal mursha dikan, har i Filistarja nashan jek rigjatar ap i wawar.

1. Samuel 7:10

Un har job gomme o bakres chatchras, wan i Filistarja te kurenn le pen i Israelentsa. Un o baro Dewel mukas o bolepen bari gole te dell pral lende ap ko diwes, jaake te tapras kol Filistarjen i bari daar, un jon nashan penge glan i Israelitarja.