1. Samuel 14:12 - O Debleskro Drom 2021 (Sinte)

¹² Un jon dan gole ap kol dujende un penan: “Awenn kate pash mende pre, palle sikras les mer tumende!” Kote penas o Jonatan ap ko terno mursheste: “Dja pal mande! O baro Dewel das len an o Israelengre wasta.”

O Debleskro Lab 2024 (Sinte-Manouche)

¹² Oun yon dan gole ap kol douyende oun penan: “Avenn kate pash mende pre, palle sikras les mer t'mende!” Kote penas o Yonatan ap ko terno morsheste: “Dja pal mande! O baro Devel das len an o Israelengre vasta.”

1. Samuel 14:12 ပူးပေါင်းရင်းမြစ်များ

1. Mose 24:42

Jaake wom kau diwes pash kau pani un penom: Baro Dewel, o Dewel miro rajestar Abraham, te deh tu tchatchepah bacht ap ko drom, kai me djau, sike les mande!

1. Mose 24:48

Koi pal witsrom man tele glan o baro Debleste un parkrom man pash leste. Un sharom les, o Debles miro rajestar Abraham. Job anas man ap o tchatcho drom, te anap miro rajeskro tchaweske i tchai leskro phraleskro tchawestar.

2. Samuel 5:24

Tu te shuneh i gole, har te djal jek pral an i ruka, am sik! Palle djal o baro Dewel glan tute, te dell job i Filistarengre lurden.”

2. Rajengro liil 14:8

Un o Amazja bitchras bitchepangre pash o Joash, ko baro rajeste pral o them Israel. Koleskro dad his o Joahas, un leskro papo his o Jehu. Un mukas leske te penell: “Ab pash mande, mer kamah te dikell, koon o sorleder mendar hi!”

Čačepangre 4:14

Un i Debora penas ap o Barak: “Dja! Kawa hi ko diwes, kai o baro Dewel o Siseres an tiro wast das. O baro Dewel djas win glan tute.” Un o Barak djas koi berga Tabor tele, un deesh-serja mursha leske palla.

Čačepangre 7:14

Un leskro maal penas: “Kawa hi tchi wawar har o charo o Gideonestar, koleskro dad o Israelitari Joash hi. Koles das o Dewel i tsele Midianarja pengre tsele lurdentsa an leskro wast.”

Čačepangre 7:15

Un har shunas o Gideon koi suni un kowa, hoi kamas kai suni te penell, kote tchiwas lo pes ap i tchanga glan o Debleste un sharas les. Un djas pale pash i platsa, kai i Israelengre lurde hi, un penas: “Hadenn tumen! O baro Dewel das i Midianarja un lauter, kai pash lende hi, an tumaro wast.”

Čačepangre 9:54

Koi das lo sik gole ap peskro budepaskro, kai leske o charo hidjrell, un penas ap leste: “Le tiro charo, un de man temerl, te penell kek mandar: ‘I djuwel das les temerl.’” Un leskro budepaskro das les tele tchurje, jaake te meras lo.

1. Samuel 14:10

Te penenn le: ‘Awenn pre’, palle djah pash lende pre; kowa well o sikepen, te das len o baro Dewel an maro wast.”

1. Samuel 14:13

Un o Jonatan djas ap i wasta un herja pre. Un ko terno mursh djas pal leste. Un o Jonatan djas ap i lurdende pre. Un jon peran glan leste ap i phub. Un ko terno mursh pal leste das len mulo.