1. Samuel 13:6 - O Debleskro Drom 2021 (Sinte)

⁶ Har i Israelitarja dikan, har sorelo i Filistarja hi, tapras len i daar, un jon khatran pen an i phub, pal subjengre burra, mank bare barra, an grufte un panjengre chebja.

O Debleskro Lab 2024 (Sinte-Manouche)

⁶ Har i Israelitarya dikan, har zorelo i Filistarya hi, tapras len i daar, oun yon khatran pen an i phoub, pal soubyengre bourra, mank bare barra, an grufte oun panyengre rhebya.

1. Samuel 13:6 ပူးပေါင်းရင်းမြစ်များ

2. Samuel 24:14

Un o David penas ap o Gad: “Man hi bari traash. Muk men an o baro Debleskro wast te perell! Leskro kamlepen hi baro. Me kamau gar an i menshengro wast perell.”

Jesaja 42:22

Hoi was dran leskre menshende? Lengro them hi wi-tchoredo un wi-randedo. Jon halauter hi tapedo, un pandlo an o stilepen. Randedo hi le, un kek hi koi, kai lell len win dran o pandepen. Tchoredo hi le, un kek hi koi, kai penell: De pale kai!

Jeremia 41:9

Koi brunna, kai witsras o Jishmael kol mule murshen, kai lo maras, ninna o Gedaljes, koi brunna hi koja, kai o baro rai Asa mukas te krell, har his lo an o kurepen o baro rajeha pral o them Israel, leskro lab his Baasha. Koi brunna kras o Jishmael pherdo kol murshendar, kai maras lo.

Ezekiel 33:27

Jaake peness tu lenge: Kawa penell o baro Dewel, maro rai: Pash miro djipen dau man sowel, halauter, kai an kol tele phagede forja djiwenn, wenn maredo o chareha. Un kolla, kai win ap o them djiwenn, wenn khetne dandedo i diwje viechendar. Un kolla, kai khatrenn pen an sorele barrengre khera un an i phub, kolla merenn ap i djungelo nasslepen.

Filiparja 1:23

Awa, me djinau gar, hoi feteder hi. Ap jek rig kamaus te merap un te wap pash o Jesus Kristeste. Kowa wals mange feteder.

Hebrearja 11:38

Jon nashan an o mulo them trujel, ninna an i berge un djinan gar, kai te djan le. Mashkral i bare barra khatran le pen, ninna tel i phub. Kolla lauter his latche menshe. I wawar menshe ap kai phub his gar moldo, te djiwan kol latche menshe mashkral lende.

Josua 8:20

Un i mursha dran o foro Ai rissran pen trujel un dikan, har o jagakro ducho pre djas an o bolepen. Un jon nai nashan buder gar krik, – gar kate un gar kote. Un i Israelitarja, kai ap o drom an o mulo tato them glan lende nashan, rissran pen trujel un djan ap lende.

Čačepangre 10:9

Un i Ammonarja djan pral o Jordan, te marenn le pen i menshentsa dran Juda, Benjamin un Efrajim. Un jaake was i bari daar pral o Israel.

Čačepangre 20:41

Un i mursha dran Israel nashan buder gar lendar krik un rissran pen. Koi tapras i Benjaminarja i bari daar. Un jon haiwan, te was i bibacht pral lende.

Čačepangre 6:2

Un kolengro wast was jaake soreles pral o Israel, te khatran pen i Israelitarja an i berge un djiwan an i grotte mank i bare barra un an sorele khera, hoi kran pen le an i berge.

1. Samuel 13:15

Un o Samuel djas dureder un mukas Gilgal pal peste. Kol wawar menshe djan pal o Sauleste, har djas job pash peskre lurdende ap o drom dran Gilgal pre an o foro Gibea an o them Benjamin. Un o Saul dikas peske kol lurden an, kai pash leste hi. Kolla his jaake shob-sheel (600) mursha.

1. Samuel 14:11

Un kol dui sikran pen kol Filistarengre lurdenge, kai koi jak dan. Un kolla penan ap pende: “Ake, i Hebrearja wenn dran pengre chebja win, an kolende jon pen khatran!”

1. Samuel 14:22

Un i tsele mursha dran Israel, kai khatran pen an i berge Efrajim, shunan, te nashenn i Filistarja penge. Un jon wan win un lan len palla un dan len.

1. Samuel 23:19

Un mursha dran o foro Sif djan pash o Saul an o foro Gibea, un penan ap leste: “O David hi pash mende khatedo ap i berga pash Horesha, ap koi tikni berga Hachila, hoi wergel Jeshimon hi.

1. Samuel 24:3

Un o Saul las peske 3.000 (triin-serja) win rodede murshen dran o tselo them Israel, un djas lentsa koi, te rodell lo les. Un o David un leskre mursha his wergel kol bare barra, hoi kharenn busjengre barra.

1. Samuel 31:7

Har shunan kol Israelitarja, kai djiwan wergel i tala Jesreel un wergel o pani Jordan, te nashan penge i Israelengre lurde, un kai meras o Saul un leskre tchawe, kote nashan jon dran pengre forja un nashan penge ninna. Un i Filistarja wan koi un djiwan an kol forja.

1. Samuel 7:7

Har i Filistarja shunan, te wan i Israelitarja khetne an Mizpa, djan lengre raja pengre lurdentsa win, te kurenn le pen i Israelentsa. Har i Israelitarja kowa shunan, tapras len i bari daar.