1. Samuel 13:5 - O Debleskro Drom 2021 (Sinte)

⁵ Ninna i Filistarja wan khetne, te djan le an o kurepen i Israelentsa: 3.000 (trijanda-serja) wurdja, un 6.000 (shob-serja) murshentsa koi pre, ninna bud lurde, kai nashenn, jaake bud har i santa pash o baro pani hi. Kolentsa djan le pre un tchiwan pen pash o foro Michmas tardo ap koi rig o forestar Bet-Awen, kai o kham pre djal!

O Debleskro Lab 2024 (Sinte-Manouche)

⁵ Ninna i Filistarya van khetne, te djan le an o kourepen i Israelentsa: 3.000 (triyanda-zerya) vourdya, oun 6.000 (shob-zerya) morshentsa koy pre, ninna boud lourde, kay nashenn, yaake boud har i santa pash o baro pani hi. Kolentsa djan le pre oun čivan pen pash o foro Mikmas tardo ap koy rig o forestar Bet-Aven, kay o kham pre djal!

1. Samuel 13:5 ပူးပေါင်းရင်းမြစ်များ

2. Samuel 17:11

Doleske penau tuke: Le tuke kol tsele murshen dran Israel khetne mank Dan un Beersheba. Kolla hi jaake bud har i santa pash o baro pani. Kolentsa djas tu tuke an o kurepen.

1. Rajengro liil 20:27

Un i Israelengre lurde wan khetne kharedo, un lenge was peha dino, hoi len hunte well o kurepaske. Un jon djan win un mukan pen tele ap dui platse wergel kol Syrarja. I Israelitarja his gar bud. Jon dikan win har dui tikne busjengre herde. I Syrarja his jaake bud, te his o them lendar pherdo.

2. Familjakro liil 1:9

Baro Dewel, miro rai, muk tiro lab tchatches te well, hoi tu penal miro dadeske, o Davideske; tu tchiwal man dren, te wom rai pral kal menshende, kai jaake bud hi, har i stauba ap kai phub hi.

Jesaja 10:28

un wenn pash o foro Aja, un djan wergel o foro Migron; an o foro Michmas mukenn le pengro koowa pale,

Jesaja 48:19

Tire tchawe, kai pal tute wenn, wans jaake bud har i santa pash o baro pani. Un lengre laba merans gar win. Un kek nai tradans len krik glan mande.

Jeremia 15:8

Koi hi budeder djuwja, kolengre romma meran, har barra pash o baro pani. I daja shunan, kai meran lengre tchawe mashkral o diwes. Koi was i bari traash un daar pral lende.

Hosea 10:5

I menshe an o foro Samaria darenn, te well ko sonakaskro terno gurum krik lino, hoi hi tardo an o foro Bet-Awen. Jon rowenna har pal jekeske, kai meras. Leskre rashaja trissenna trul leskro shukapen, te well lo lestar krik lino.

Hosea 4:15

Israel, ninna te kameh tu tut trujel te lubrell, kamau gar, te krenn i menshe an o them Juda sau koowa har tu, un anenn doosh ap pende. Ma djan an i forja Gilgal un Bet-Awen, te mangenn kote i chochene deblen an! Un ma denn tumen kote sowel un penenn “Me dau man sowel pash o djido Debleste.”

Hosea 5:8

Phurdenn an i phurdepaskri an i forja Gibea un Rama! Denn i kurepaskri gole an o foro Bet-Awen! Tumer kurepangre dran o kheer Benjamin, nashenn glan, mer nashah tumenge palla!

Remarja 9:27

Pral i Israelitarja rakras o Debleskro rakepaskro, o Jesaja, kol laba: Ninna te wans i Israelitarja jaake bud har i tikne barra pash o baro pani, kol budendar atchella jek wast pherdo pral, un well dran o Debleskri choli win.

Josua 11:4

Un jon halauter djan win pengre lurdentsa, bud bud mursha, – jaake bud har i santa pash o baro pani hi, un bud, bud graja un wurdja.

Josua 18:12

Un i nordetikri rig fun o Benjamineskro them djas fun o pani Jordan dureder pre ap i berge, hoi ap i nordetikri rig o forestar Jericho hi, un dureder pre – kote kai o kham tele djal – an o pralstuno them, jaake dur bis pash o mulo them Bet-Awen.

Josua 7:2

Un o Josua bitchras murshen dran o foro Jericho, te djan le pash ko foro Ai. Kau foro hi tchiddo pash Bet-Awen un gar dur o forestar Betel, ap leskri rig, kai o kham pre djal. Un job penas ap lende: “Djan pre un dikenn tumen an o them tchorchanes trujel!” Un kol mursha kran kowa,

Čačepangre 7:12

Un i Midianarja un i Amalekarja un lauter, kai wan kotar, kai o kham pre djal, his kote tchiddo an o telstuno them un tchakran o them har i stepangre. Jaake bud his le. Un lengre khamele his jaake bud, te djinas kek, har bud jon hi. Kolla his jaake bud har i santa pash o baro pani.

1. Samuel 13:11

“Hoi kral tu?” putchas o Samuel lestar. Un o Saul penas: “Me dikom, te nashenn penge i lurde, un tu wal gar ko tsireske, hoi tu penal. Un i Filistarja wan an Michmas khetne.

1. Samuel 13:2

Un o Saul rodas peske 3.000 (triin-serja) murshen win. 2.000 (dui-serja) lendar his pash leste an o foro Michmas un ap i berge pash Betel. Un 1.000 (jek sero) mursha his peskro tchaweha, o Jonatan, pash o foro Gibea an o them Benjamin. Kol tsele wawar bitchras lo khere.

1. Samuel 14:23

Jaake las o baro Dewel ap ko diwes o Israel win dran o wast i Filistarendar. Un ko marepen tserdas pes bis pal o foro Bet-Awen.

1. Samuel 14:52

Jaake rah har o Saul djiwas, his o marepen i Filistarentsa i pharo marepen. Un te dikas o Saul i sorelo tchatcho murshes, koles las lo, te well lo i lurdo leske.

1. Samuel 17:1

Un i Filistarja lan pengre lurden khetne pash o foro Socho an o them Juda. Un kolla tchiwan pengre plachtene khera pre mank o foro Socho un o foro Aseka pash o foro Efes-Dammin.

1. Samuel 7:13

Jaake peras i ladj ap i Filistarja. Un jon wan buder gar an o Israeleskro them. Un o wast o baro Deblestar his phares tchiddo ap lende, jaake rah har o Samuel djiwas.