1. Samuel 12:9 - O Debleskro Drom 2021 (Sinte)

⁹ Jon bistran pengro baro Debles. Un job das len an i wasta kolendar, kai kuran pen lentsa: o Sisera, ko pralstuno lurdo o forestar Hazor, i Filistarja, un o rai pral o them Moab.

O Debleskro Lab 2024 (Sinte-Manouche)

⁹ Yon bistran pengro baro Debles. Oun yob das len an i vasta kolendar, kay kouran pen lentsa: o Sisera, ko pralstouno lourdo o forestar Hazor, i Filistarya, oun o ray pral o them Moab.

1. Samuel 12:9 ပူးပေါင်းရင်းမြစ်များ

2. Samuel 7:11

kai rodom me tchatchepangre raja mire menshenge win. Me rikrau lauteren kolen tutar krik, kai kamenn te kurenn pen tuha. Me, o baro Dewel, penau tuke, tu kreh mange kek kheer. Me krau tuke i kheer.

Debleskri gili 106:21

Jon bistran ko Debles, kai lengro djipen dran o merepen win las, un baro koowa an o them Egiptia kras,

Jesaja 63:10

Ninna te his lo lenge jaake latches, kaman le gar ap leste te shunell, un dukran les an leskro dji. Kote was lo chojedo ap lende, un kuras pes lentsa.

Jeremia 2:32

Nai bistrell i terni tchai peskro sonakai, i terni djuwel, kai kamell romedinerell, peskro bijabeskro ripen? Na-a! Mire menshe bistrenn man pale te pale.

5. Mose 32:18

Ko Dewel, kolestar tumer wan, un kowa, kai rikras tumen, koles tchiwan tumer ap i rig. Ko Dewel, kai kras tumen, koles bistran tumer.

5. Mose 32:30

Har nai las jek lurdo i sero (1.000) Israelitarjen palla? Har nai tradan dui lurde deesh-serja (10.000) Israelitarjen jaake, te nashan le penge i darjatar? Kowa was, har o baro Dewel, lengro rikepaskro, len an kolengre wasta das.

Čačepangre 10:7

Kote chatchas i bari choli pre an o baro Debleste ap i Israelitarja. Un job das len an i wasta i menshendar dran i themma Filistia un Ammon.

Čačepangre 13:1

Un i Israelitarja kran pale, hoi tchilatches hi glan o baro Debleskre jaka. Un o baro Dewel das len an i wasta i Filistarendar. Un kolla his i raja pral lende star-desha bersha.

Čačepangre 2:14

Kote tapras o baro Debles i bari choli pral i Israelitarja. Un job das len an o wast kolendar, kai len wi-tchorenn. Un ninna mukas lo len an i wasta kol menshendar te perell, kai trul lende djiwenn un lenge o djipen phares kran. Jaake his i Israelitarja buder gar soreles doha, te denn le kolen pale, kai ap lende djan.

Čačepangre 3:12

Un i Israelitarja kran pale kowa, hoi tchilatches his an i jaka o baro Deblestar. Doleske kras o baro Dewel o baro rajes pral o them Moab sorelo, te djal job ap o Israel. Ko baro rai kharas Eglon.

Čačepangre 3:31

Un pal leste was o Shamgar o tchatchepaskro mursh. Koleskro dad his o Anat. Un o Shamgar das 600 (shob-sheel) Filistarjen mulo sawo kashteha, koleha jek i grumjen tradell. Un ninna job las i Israelitarjen win dran o wast kolendar, kai lenge o djipen phares kran.

Čačepangre 4:2

Un o baro Dewel das len an o wast o baro rajestar Jabin. Kowa his o baro rai pral o them Kanaan un djiwas an o foro Hazor. Un leskro pralstuno lurdo kharas Sisera. Un kowa djiwas an o foro Haroshet-Gojim.

1. Samuel 12:15

Tumer te shunenn gar ap o baro Debleste un krenn gar, hoi lo tumenge penell, palle krell o baro Dewel, te djal tumenge djungeles, jaake har ninna tumare phurenge djas.