1. Samuel 12:5 - O Debleskro Drom 2021 (Sinte)

⁵ Job penas ap lende: “O baro Dewel un tumaro baro rai, koles job wi-rodas, kolla dui dikenn un shunenn kau diwes, te hatsan tumer tchi an miro wast.” “Awa, jaake hi kowa”, penan le.

O Debleskro Lab 2024 (Sinte-Manouche)

⁵ Yob penas ap lende: “O baro Devel oun t'maro baro ray, koles yob vi-rodas, kolla douy dikenn oun shounenn kava dives, te hatsan t'mer či an miro vast.” “Ava, yaake hi kova”, penan le.

1. Samuel 12:5 ပူးပေါင်းရင်းမြစ်များ

1. Mose 31:50

Te hal tu tchilatcho ap mire tchende un te leh tu wawar romjen, djiness, o Dewel dikell kowa, ninna te djinau me kowa gar.”

Hiob 16:19

Ninna kanna hi jek an o bolepen, kai stell mange pre un well ap miri rig. Kowa, kai mange mishto rakrell, hi an o pralstunepen.

Hiob 42:7

Un har o baro Dewel kol laba rakras o Hiobeha, penas job ap o Elifas dran Teman: “Kowa hoi o Hiob, koles miro tchatcho wast hi, pral mande rakras, hi tchatcho. Kowa, hoi tu un tire dui mala mandar rakran, hi gar tchatcho. Doleske hom chojedo ap tumende.

Debleskri gili 17:3

Tu djineh, hoi mange an o shero djal. Ninna an i rati dikal palla, har an miro dji wi-dikella, un hatsal tchi an mande, hoi gar mishto hi. Ninna kek tchilatcho lab was dran miro mui win.

2. Mose 22:4

Te dell i mursh gar jak ap peskre viechende, un mukell len ap i wawareskro them te djal un kote te chal, palle hunte dell lo kowa pale. Te chan i vieche djob, palle dell lo o latcheder djob, hoi leskro hi. Te chan i vieche drake, palle dell lo peskre latcheder drake.

Johanni 18:38

“Hoi hi o tchatchepen?” putchas o Pilato lestar. Un har job kowa penas, djas lo pale win pash i biboldende un penas ap lende: “Me hatsau kek doosh ap leste.

Bičepangre 23:9

Halauter dan bari gole, un kol tchatchepangre, kai ninna Farisarja his, stan pre un tchingran, un penan: “Mer hatsah kek tchilatchepen ap leste. Te rakras i bolepaskro ap leste, hoi krah mer palle? Te rakras i mulo ap leste, hoi krah mer palle?”

Bičepangre 24:16

Doleske krau lauter te djiwap jaake, te well man hako tsiro i djudjo dji glan o Debleste un glan i menshende.

Bičepangre 24:20

Tu putcheh nai ninna kal murshendar kate, hawi doosh jon ap mande hatsan, har me glan kol pralstune biboldende tardo homs.

1. Korintarja 4:4

Me djinau gar, te anom doosh ap mande. Ninna te djinom kowa gar, krell man kowa gar tchatcho glan o Debleste. Kowa, kai o tchatchepen pral mande wi-rakrella, hi kokres maro rai Jesus.

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

1. Samuel 12:4

Jon penan: “Tu chochral men gar, un lal tuke tchi i sorjah, un lal kekestar tchomone an, te pandess tire jaka glan leskro tchilatcho koowa.”

1. Samuel 26:9

O David penas: “Na-a, ma de les mulo! Koon hadell o wast pre ap koleste, koles o baro Dewel peske win rodas, kowa lell peskri phagi.”