1. Samuel 12:24 - O Debleskro Drom 2021 (Sinte)

²⁴ Tumer hunte darenn o baro Debles un mangenn les kokres an tumaro tselo djijeha! Ma bistrenn, hawo baro koowa job tumenge kras.

O Debleskro Lab 2024 (Sinte-Manouche)

²⁴ T'mer hounte darenn o baro Debles oun mangenn les kokres an t'maro tselo djiyeha! Ma bistrenn, havo baro koova yob t'menge kras.

1. Samuel 12:24 ပူးပေါင်းရင်းမြစ်များ

2. Rajengro liil 17:39

Me, o baro Dewel kokres, hom tumaro Dewel. Man mangenn an! Un me lau tumen win dran i wasta lauterendar, kai kamenn tumen marell.”

Hiob 28:28

Job penas ap o mensheste: Sawo mensho hi gosewo, kai rikrell pes o Debles glan i jaka pash kowa, hoi lo krell. Sawo mensho haiwas, har te djiwell lo o gosewo djipen, kai rikrell pes pale o tchilatchepastar.

Debleskri gili 111:10

Koon djiwell o baro Debleha, kowa lell goswepen. Gosewo hi hakeno, kai ap o baro Debleskre laba shunella. Te sharas les hako tsiro!

Debleskri gili 119:80

Muk miro dji ap tiro drom te atchell, te krap, hoi mandar kameh, jaake te hunte ladjap man gar.

2. Mose 12:13

O rat ap i khera sikrell mande, kai tumer han. Un dikau me o rat, djau me dureder, te djal tumenge tchi. Un ko merepen, hoi anau ap o them Egiptia, well gar ap tumende.

Gosewe laba 1:7

Glan halauter hunte djiwess o baro Debleha, te kameh gosewo te well. Koneske o goswepen tchi moldo hi, un koon kamell tchi te djinell, hi dinelo.

Sikepaskro 12:13

Kowa lauter, hoi kate penlo was, hi khetne lino kowa: Shun ap o Debleste un rike leskre laba! Kowa molell i tsele menshenge.

Jesaja 5:12

Jon mukenn penge mishto te djal un krenn bashepen ap dorjengre bashepangre un phurdepangre un wawar bashepangre. Un mool hi ninna pashel. Ap kowa, hoi o baro Dewel krell, dikenn le gar. Kolestar kamenn le tchi te djinell.

Johanni 1:47

Har o Jesus dikas, kai o Natanael was, penas job: “Dikenn, koi well i tchatcho Israelitari. Un kek chochepen hi an leste.”

Remarja 12:1

Mire phrala, o Dewel hi kamlo ap tumende. Doleske mangau tumen o tselo djijestar: Djiwenn tumaro djipen o Debleske, un wenn leske kokres koi, jaake te well o Dewel bachtelo pral tumende. Te djiwenn tumer jaake, sharenn tumer les. Un kowa hi tumari budi.

5. Mose 10:21

Job hi kowa, koleske sharenn tumen i wawar menshe. Job hi tumaro Dewel, kai kras sawo baro un sorelo koowa pash tumende. Kowa dikan tumer tumare jakentsa.

5. Mose 29:1

Un o Mose mukas i tsele Israelitarjen gole te dell, un penas ap lende: Tumer dikan halauter, hoi o baro Dewel glan tumare jaka kras an o them Egiptia, ap o Faraeste un ap leskre bare murshende, un ap o tselo them:

5. Mose 29:2

Koi phari bibacht, hoi anas lo ap lende, hoi sikras, te hi job o Dewel, dikan tumer tumare jakentsa, sawo baro un sorelo koowa, hoi kek wawar nai krell.

Hebrearja 12:29

Ma bistrenn, maro Dewel hi jaake har i soreli jag!

Josua 24:14

Un o Josua penas dureder: “Pash halauter, hoi krenn, rikrenn tumenge o baro Debles glan i jaka! Mangenn les an i djudjo un tchatcho djijeha! Tchiwenn i chochene deblen krik, kolen tumare phure an-mangan, har his le ap i wawar rig o panjestar Eufrat un an o them Egiptia. Mangenn kokres o baro Debles an!