1. Samuel 12:23 - O Debleskro Drom 2021 (Sinte)

²³ Un me ninna, kamau gar i doosh ap mande te anell glan o baro Debleste, te mangap les gar tumenge. Me kamau te sikrap tumende o latcho un tchatcho drom.

O Debleskro Lab 2024 (Sinte-Manouche)

²³ Oun me ninna, kamau gar i doosh ap mande te anell glan o baro Debleste, te mangap les gar t'menge. Me kamau te sikrap t'mende o lačo oun čačo drom.

1. Samuel 12:23 ပူးပေါင်းရင်းမြစ်များ

1. Rajengro liil 8:36

palle shun tu an o bolepen, un le ko tselo tchilatchepen krik, hoi jon un lengre raja kran. Sike lenge tiro latcho drom, te nai nashenn le ap leste! Un palle de len pale o brishin ap ko them, hoi tu lenge dal, te well lo lengro.

2. Familjakro liil 6:27

palle shun tu an o bolepen, un le ko tselo tchilatchepen krik, hoi jon un lengre raja kran. Sike lenge tiro latcho drom, te nai nashenn le ap leste! Un palle de len pale o brishin ap ko them, hoi tu lenge dal, te well lo lengro.

Debleskri gili 122:6

Mangenn o Deblestar i bacht pral o foro Jerusalem un penenn: “Kolenge, kai kamenn tut, Jerusalem, mu djal mishto!

Debleskri gili 34:11

I bare diwje margodje hatsenn gar hako diwes doha chapaske un hunte bokenna. Kol menshen, kai rodenn o baro Debles, hi lauter doha djipaske.

Debleskri gili 34:12

Awenn, tumer tchawe un shunenn, hoi me penau! Me kamau tumen te sikrell, har djiwenn tumer o baro Debleha.

2. Mose 32:30

O wawar diwes rakras o Mose ap i Israelitarja: “Tumer anan bari doosh un ladj ap tumende. Kanna kamau pale pash o baro Debleste ap i berga te djal, te mangap lestar, te bistrell lo tumari doosh.”

Gosewe laba 4:11

Me anau tut ap o drom, kai dikeh, har te djiwess gosewes. Me sikrau tut o tchatcho drom.

Sikepaskro 12:10

Job rodas, te hatsell lo kamle laba. Un job tchinas pre, har tchomone tchatchepah hi.

Jesaja 30:21

Te kamenn ap i tchatchi oder ap i serwi rig leskro dromestar tele te djal, palle shunenn tumare kanda i rakepen, hoi pal tumende rakrell: Kawa hi o drom, kowa djan!

Jeremia 15:1

Un o baro Dewel penas ap mande: Ninna te wals o Mose un o Samuel glan mande tardo, kroms me kal menshenge miro dji gar pre. Trade len krik mandar, un muk len te djal!

Jeremia 27:18

Te hi le tchatchepah Debleskre rakepangre, kolengre laba o baro Deblestar wenna, palle hunte mangenn le lestar, ko rajestar pral o bolepen un i phub, te mukell lo gar ko kutch koowa, hoi gomme kate hi, an o them Babilonia te anell – ko kutch koowa, hoi hi kanna an leskro kheer, un an o kheer o baro rajestar pral o them Juda, un an o foro Jerusalem.

Jeremia 42:4

Un o Jeremia, penas ap lende: Mishto, me shunau ap tumende, un mangau tumaro baro Deblestar, har tumer penan. Un lauter, hoi o baro Dewel penell, penau tumenge dureder. Un me rikrau tumenge tchi pale, hoi job mange penell.

Jeremia 6:16

O baro Dewel penas lenge: Atchenn tardo ap ko drom, kai tumer djan! Dikenn un putchenn pal i phure dromma! Hatsenn win, hawo drom anell tumenge latchepen! Un djan kau drom! Palle well shukapen an tumare djia. Jon penan: Kowa kamah mer gar te krell.

Bičepangre 12:5

Har o Petro an o stilepen his, mangan i tsele patsle pengro tselo djijeha o Debles leske ap i rati un ap o diwes.

Bičepangre 20:20

Man his kek daar, te penap tumenge o tselo tchatchepen, har me tumende o Debleskro drom sikrom. Un me penom o Debleskro lab an tumare khera.

Remarja 1:9

Maro Dewel, koleske budrau o tselo djijeha un penau i menshenge leskro tchawestar, job djinella, me penau o tchatchepen: Me mukau gar tele, te mangap les tumenge.

1. Korintarja 9:16

Me sikrau i menshende leskro drom gar, te wap sharedo. Na-a, me hunte rakrap lestar. Har bibachtelo woms, te kroms kowa gar!

Kolossarja 1:28

Un kau Jesuseskro drom sikrah mer i menshende, un penah hakeneske an o dji, te djal lo ap kau drom. Mer penah lenge o Debleskro lab jaake, te haiwenn le les mishto. O Dewel kamella, te well hakeno baro un sorelo an o patsepen ap o Jesus Kristeste.

Kolossarja 1:9

Un har mer kowa shunam, mangam o Debles tumenge, un mukam gar tele, te mangas lestar, te dell lo an tumende o goswepen, hoi dell o Debleskro Ducho, te haiwenn tumer, hoi o Dewel kamella.

1. Tessalonikarja 3:10

Ap o diwes un an i rati mangah o Debles o tselo djijestar, te dikas tumen pale, te nai kras tumaro patsepen gomme sorleder. Me kamoms o tselo djijestar, te anell man o Dewel, maro dad, un o Jesus, maro rai, pash tumende.

2. Timoteo 1:3

Hako diwes un haki rati mukau gar tele, te parkrap man pash o Debleste tuke, un te mangap o Debles tuke. Job hi kowa, koleske budrau me o djudjo djijeha, jaake har ninna mire phure kowa kran.

1. Samuel 12:19

Un jon penan ap o Samuel: “Mer ham tire budepangre. Mang menge o baro Debles, kai tiro Dewel hi, jaake te hunte meras mer gar. Ap mende hi bud doosh tchiddo. Un kanna kram ninna ko tchilatcho koowa, te mangam menge i baro rajes pral mende.”

1. Samuel 8:6

Kolla his djungele laba glan o Samueleste, te penan le: ‘De men i baro rai, kai o tchatchepen pral mende win rakrella.’ Un o Samuel rakras o baro Debleha koi pral.