1. Samuel 12:20 - O Debleskro Drom 2021 (Sinte)

²⁰ O Samuel penas ap lende: “Ma darenn! Hi tchatcho, te kran tumer kau tselo tchilatchepen; kanna shunenn ap o baro Debleste un djan leskro drom tumaro tselo djijeha!

O Debleskro Lab 2024 (Sinte-Manouche)

²⁰ O Samuel penas ap lende: “Ma darenn! Hi čačo, te kran t'mer kava tselo čilačepen; kanna shounenn ap o baro Debleste oun djan leskro drom t'maro tselo djiyeha!

1. Samuel 12:20 ပူးပေါင်းရင်းမြစ်များ

1. Familjakro liil 28:9

Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.

Debleskri gili 101:3

Rikrau man pale te krap chocheno koowa, un kamau gar khetne te well kolentsa, kai bango koowa krenn. Sawo koowa kamau gar glan i jaka te dikell.

Debleskri gili 125:5

Kolen, kai tiro drom mukenn un djan ap bange dromma, deh tu, baro Dewel, i phagi khetne kolentsa, kai i wawarenge tchilatchepen krenna. Bacht te well pral o Israel!

Debleskri gili 40:4

An miro mui tchiwas lo i newi gili, i gili, hoi maro Debles sharell. Bud, kai dikenn kowa, haiwenn, te hi o baro Dewel o rai, un jon patsenn ap leste.

2. Mose 23:25

Mangenn man, tumaro baro Debles, kokres an! Palle krau, te hi tumen doha maro un bud pani. Un me lau hako nasslepen, hoi mashkral tumende hi, tumendar krik.

2. Mose 32:30

O wawar diwes rakras o Mose ap i Israelitarja: “Tumer anan bari doosh un ladj ap tumende. Kanna kamau pale pash o baro Debleste ap i berga te djal, te mangap lestar, te bistrell lo tumari doosh.”

Jeremia 3:1

O baro Dewel penas: Te bitchras i mursh peskri romjat krik, un joi djal pash i wawar mursheste, nai lell job lat gar pale. Palle wals ko them pale-tchiddo. Tu dal tut trujel budentsa, un kameh pale pash mande te well?

Haggai 2:5

Me dom tumen miro lab, har tserdan win dran o them Egiptia. Me atchau pash tumende. Ma darenn!

5. Mose 10:12

Un kanna Israel, shun, hoi tiro baro Dewel kamell, te kress! Tu mangess les an, djas ap leskro drom an halauter hoi tu kreh. Tu kamess les o tselo djijestar, un wess leske koi tiri tseli sorjah.

5. Mose 11:16

Denn tumen jak, te mukenn tumen gar krik te anell o baro Debleskro dromestar, un perenn lestar tele un mangenn wawar deblen an, un witsrenn tumen glan lende tele.

5. Mose 31:29

Me djinau, pal miro merepen dukrenn tumer o baro Debles, un djan ko dromestar tele, hoi tumende sikrom. Tumer krenn, hoi tchilatcho hi glan o baro Debleskre jaka, un mangenn wawar deblen an, un choirenn les koleha. Doleske well bari bibacht pral tumende.”

Josua 23:6

Doleske rikrenn soreles ap halauter, hoi tchinlo hi an o Moseskre lila! Rikrenn leskre tsele laba! Tchiwenn kek lendar ap i rig!

1. Petro 3:16

Rakrenn lentsa latchepah, un krenn tumen gar bares pral lende! Rakrenn dran i djudjo dji, te well i ladj ap kolende, kai rakrenn djungeles pral tumaro djipen o Jesus Kristeha!

1. Samuel 12:19

Un jon penan ap o Samuel: “Mer ham tire budepangre. Mang menge o baro Debles, kai tiro Dewel hi, jaake te hunte meras mer gar. Ap mende hi bud doosh tchiddo. Un kanna kram ninna ko tchilatcho koowa, te mangam menge i baro rajes pral mende.”