1. Samuel 12:18 - O Debleskro Drom 2021 (Sinte)

¹⁸ Un o Samuel das ap o baro Debleste gole, un o baro Dewel bitchras brishin ko diwes, un mukas o bolepen gole te dell. Koi lan i tsele menshe bari daar glan o baro Debleste un glan o Samuel.

O Debleskro Lab 2024 (Sinte-Manouche)

¹⁸ Oun o Samuel das ap o baro Debleste gole, oun o baro Devel bičras brishin ko dives, oun moukas o bolepen gole te dell. Koy lan i tsele menshe bari daar glan o baro Debleste oun glan o Samuel.

1. Samuel 12:18 ပူးပေါင်းရင်းမြစ်များ

1. Rajengro liil 18:42

Har djas o Ahab pre, te chal lo un te pijell lo, djas o Elija pral pre ap i berga Karmel, kras pes tiknes ap i phub un tchiwas peskro shero mashkral peskre herja,

Esra 10:9

Kote wan i tsele mursha i menshendar Juda un Benjamin an o foro Jerusalem khetne. Ap o triinto diwes his le lauter koi. Kowa his o 20. (biishto) diwes an o 9. (enjato) tchon. Un i tsele menshe his beshdo ap i platsa glan o Debleskro kheer un trissan i trashatar pral kau koowa, hoi jon kran, un ninna o baro brishinestar.

Hiob 37:13

Nai well, te bitchrell lo o brishin, te dell lo o themes i phagi, ninna nai well, te bitchrell lo les, te sikrell lo peskro latchepen.

Debleskri gili 99:6

O Mose un o Aron his leskre rashaja, un o Samuel his mank kolende, kai les an-mangan. Jon dan ap o baro Debleste gole, un job shunas len.

2. Mose 14:31

Jaake dikan le, hawi bari sorjah o baro Dewel i Egiptarjen das. Un i Israelitarja daran o baro Deblestar, un patsan, hoi penas job un o Mose, koles leskro tchatcho wast his.

Josua 10:12

Ap ko diwes, kai o baro Dewel i Amorarjen an o Israeleskro wast das, rakras o Josua o baro Debleha un kharas win glan i Israelitarja: “Kham, atch tardo pral o foro Gibeon! Un tu, tchon atch tardo an i tala Ajalon!”

Josua 4:14

Un ap ko diwes kras o baro Dewel o Josua bares glan i jaka kol tsele menshendar Israel. Un an leskro tselo djipen dikan le pre ap leste, jaake har le kowa ninna o Moseha kran.