1. Samuel 12:12 - O Debleskro Drom 2021 (Sinte)

¹² Har tumer dikan, te djal o rai pral i Ammonarja, o Nahash win, te kurell lo pes tumentsa, penan tumer mange: “Mer kamah i baro rajes pral mende”, har te wals o baro Dewel gar tumaro baro rai.

O Debleskro Lab 2024 (Sinte-Manouche)

¹² Har t'mer dikan, te djal o ray pral i Ammonarya, o Nahash vin, te kourell lo pes t'mentsa, penan t'mer mange: “Mer kamah i baro rayes pral mende”, har te vals o baro Devel gar t'maro baro ray.

1. Samuel 12:12 ပူးပေါင်းရင်းမြစ်များ

1. Mose 17:7

Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

Debleskri gili 74:12

Miro Dewel, fun tiknes pre hal miro baro rai. Tutar well, te wenn i menshe win lino dran i bibacht.

Jeremia 40:11

Glan ko tsiro nashan bud menshe dran Juda an i themma Moab, Ammon un Edom un an wawar themma. Har kolla shunan, kai o baro rai dran o them Babilonia i wast pherdo menshen pral mukas an o them Juda, un tchiwas o Gedalja pral lende,

Hosea 13:10

Kai hi tiro baro rai, kowa kai well ap tiri rig an tire tsele forja? Kai hi tire tchatchepangre raja? Tumare phure penan: Tchip i rai un pralstune pral mende!

4. Mose 23:21

Me dikau kek bibacht ap o Jakob un kek tchilatchepen ap o Israel. O baro Dewel hi lengro Dewel un hi pash lende. Job hi lengro baro rai, koleske giwenn le i bachtjatar.

Čačepangre 8:23

O Gideon penas ap lende: “Gar me kamau pral tumende rai te well, un ninna mire tchawe wenn gar rai pral tumende. O baro Dewel well tumaro rai.”

Čačepangre 9:18

Tumer hadan tumen kau diwes pral miro dadeskro kheer, un dan leskre tchawen temerl. Efta-deesh murshen dan ap jek baro bar temerl. Un tchiwan tumaro phrales, o Abimeleches, pral tumende, te well lo o rai pral o foro Sichem. Un leskri dai hi miro dadeskro budepaskretsa.

1. Samuel 10:19

Tumer witsran kau diwes tumaro Debles ap i rig, koles, kai las tumen win dran tumari daar un tumaro pharo djipen. Ap koleste penan: ‘Tchip i baro rajes pral mende!’ Kanna mishto! Awenn glan o baro Debleste! Haki bari familja, hoi well pal jekeste kol deesh-te-dui Jakobeskre tchawendar well tardo peske, un mank lende ninna hako dadeskro kheer.”

1. Samuel 8:3

Jon djan gar o drom har lengro dad, un rodan kowa, hoi lenge o feteder his, un lan tchorchanes lowe, un phagan o tchatchepen.