1. Samuel 12:11 - O Debleskro Drom 2021 (Sinte)

¹¹ Kote bitchras o baro Dewel o Jerub-Baal, o Bedan, o Jefta un o Samuel, un las tumen win dran i wasta kolendar, kai tumen tele rikran, jaake te nai djiwan kek darjah.

O Debleskro Lab 2024 (Sinte-Manouche)

¹¹ Kote bičras o baro Devel o Yeroub-Baal, o Bedan, o Yefta oun o Samuel, oun las t'men vin dran i vasta kolendar, kay t'men tele rikran, yaake te nay djivan kek daryah.

1. Samuel 12:11 ပူးပေါင်းရင်းမြစ်များ

2. Rajengro liil 13:5

Un o baro Dewel bitchras i Israelenge jekes, kai len win las dran i tchilatche wasta i menshendar dran o them Syria, te nai djiwenn i Israelitarja pale an pengre khera, jaake har glan ko tsiro his.

1. Familjakro liil 7:17

Un o Ulam, les his jek tchawo: o Bedan. Kalla hi i mursha, kai wan pal o Gilead; leskro dad his o Machir un leskro papo his o Manasse.

Čačepangre 4:6

Was i diwes, kai mukas li i murshes dran o kheer Naftali pash peste te kharell. Leskro lab his Barak. Koleskro dad his o Abinoam dran o foro Kedesh. Un joi penas ap leste: “O baro Dewel, kai o Dewel pral o Israel hi, job penell tuke: ‘Le tuke deesh-serja mursha dran i khera Naftali un Sebulon un dja lentsa ap i berga Tabor!

Čačepangre 6:14

Kote rissras pes o baro Dewel pash leste, un penas: “Dja koi an tiri soor! Un le o Israel dran o Midianeskro wast win! Me bitchrau tut.”

Čačepangre 6:31

O Joash penas ap lauterende, kai kote tardo his: “Kamenn tumen o debleske Baal te kurell? Kamenn tumer ap leskri rig te well? Koon pes leske kurell, kowa merell gomme an kai rat. Te hi lo i dewel, palle krell lo peske peskro tchatchepen win. Koja his leskri chatchepaskri, hoi was paash dino.”

Čačepangre 6:32

Ap ko diwes dan le o Gideones o lab Jerub-Baal. Kowa kharella: “Te kurell pes o Baal leha!” O Gideon das leskri chatchepaskri paash.

Čačepangre 7:1

Un sik taissarlakro djas o Gideon, kai kharell ninna Jerub-Baal, peskre tsele lurdentsa, hoi pash leste hi, pash o pani, hoi kharella Harod. Un kote tchiwan le pengre plachtene khera pre. Jaake his i lurde dran o them Midian serwes lendar pash koi tikni berga More an o telstuno them.

Čačepangre 8:29

Un o Gideon, kai kharas ninna Jerub-Baal, koleskro dad o Joash his, djas pale an peskro kheer un djiwas kote o tselo tsiro.

Čačepangre 8:35

Un ninna o tselo latcho koowa, hoi o Gideon i Israelenge kras, his lenge gar bud moldo, un jon his gar latches ap leskre tchawende, kai pal leste wan.

1. Samuel 3:20

Un i Israelitarja an o tselo them dran Dan bis Beersheba, haiwan, te hi o Samuel o baro Debleskro rakepaskro.

1. Samuel 7:13

Jaake peras i ladj ap i Filistarja. Un jon wan buder gar an o Israeleskro them. Un o wast o baro Deblestar his phares tchiddo ap lende, jaake rah har o Samuel djiwas.