1. Samuel 11:8 - O Debleskro Drom 2021 (Sinte)

⁸ Un o Saul kharas len khetne pash o foro Besek. Kol mursha dran Israel his 300.000 (triin-sheel-serja) mursha, un kolla dran Juda 30.000 (trijanda-serja).

O Debleskro Lab 2024 (Sinte-Manouche)

⁸ Oun o Saul kharas len khetne pash o foro Besek. Kol morsha dran Israel his 300.000 (triin-sheel-zerya) morsha, oun kolla dran Youda 30.000 (triyanda-zerya).

1. Samuel 11:8 ပူးပေါင်းရင်းမြစ်များ

2. Samuel 24:9

Un o Joab penas o baro rajeske, har bud mursha koi his. Un an Israel his 800.000 (ochta-sheel-serja) mursha, kai hidjran i charo un an Juda 500.000 (pantch-sheel-serja) mursha.

2. Rajengro liil 3:6

Un sik djas ko baro rai Joram dran Samaria win un las peskre tsele lurden dran Israel khetne,

Čačepangre 20:2

400.000 (star-sheel serja) mursha dran kol deesh-te-dui bare familje, kai wenn o Jakobeskre tchawendar, wan khetne un kran i tsillo o Debleskre menshendar. Kolla lauter his lurde, kai nai kurenn pen i chareha.

1. Samuel 11:9

Un job penas ap kol bitchepangre: “Penenn tumare menshenge an o foro Jabesh: Taissar mashkral o diwes han buder gar dren pandlo.” Un kol bitchepangre djan khere, un penan lauter i murshenge an Jabesh, un kolla wan pale bachteles.

1. Samuel 13:15

Un o Samuel djas dureder un mukas Gilgal pal peste. Kol wawar menshe djan pal o Sauleste, har djas job pash peskre lurdende ap o drom dran Gilgal pre an o foro Gibea an o them Benjamin. Un o Saul dikas peske kol lurden an, kai pash leste hi. Kolla his jaake shob-sheel (600) mursha.

1. Samuel 15:4

Kote das o Saul i Israelengre murshen khetne gole an o foro Telem un dikas, kitse jon hi. Kolla his 200.000 (dui-sheel-serja) mursha, kai nashenn, un 10.000 (deesh-serja) mursha dran o them Juda.