1. Samuel 11:7 - O Debleskro Drom 2021 (Sinte)

⁷ Un job las dui grumja un tchinas len an kotja, un bitchras kol bitchepangre kol kotjentsa mass an o tselo them Israel trujel un mukas te penell: “Koon djal gar win an o kurepen o Sauleha un o Samueleha, kolengre grumjenge djal jaake har kalenge!” Koi peras o baro Debleskri daar ap i tsele menshenge, un i tsele mursha djan win har te wans le jek mursh.

O Debleskro Lab 2024 (Sinte-Manouche)

⁷ Oun yob las douy groumya oun činas len an kotya, oun bičras kol bičepangre kol kotyentsa mass an o tselo them Israel trouyel oun moukas te penell: “Koon djal gar vin an o kourepen o Sauleha oun o Samueleha, kolengre groumyenge djal yaake har kalenge!” Koy peras o baro Debleskri daar ap i tsele menshenge, oun i tsele morsha djan vin har te vans le yek morsh.

1. Samuel 11:7 ပူးပေါင်းရင်းမြစ်များ

1. Mose 35:5

Un jon kran pen ap o drom. Un o Dewel tchiwas i daar ap kol menshende, kai djiwan an i forja trul lende. Un kolla lan len gar palla.

2. Familjakro liil 14:14

Ninna djan le ap i plachtene khera pre, kai kolla djiwan, kai dan garda ap pengre vieche, un lan bud bakre un khamele pentsa. Pal kowa djan le pale an o foro Jerusalem.

2. Familjakro liil 17:10

Ap i tsele themma, hoi trul o them Juda tchiddo his, mukas o baro Dewel i traash te well, jaake te djas kek an o kurepen o rajeha Josafat.

2. Familjakro liil 19:7

Un kanna rikrenn o baro Debles glan tumare jaka, rikrenn tumen ap o tchatchepen un denn hakeneste peskro tchatchepen. Ma bistrenn, pash maro baro Debleste hi kek chochepen. Un job dikell witar gar ap kowa koon glan leste tardo hi. Un job mukell pes gar te ginell.

Jesaja 8:13

O baro Debles, ko rajes pral o bolepen un i phub mukenn kokres tumaro Dewel te well! Un kolestar darenn un trashenn!

Čačepangre 19:29

Un har job an peskro kheer was, las lo i tchuri, un tchinas peskri muli djuwjat an deesh-te-dui kotja. Un bitchras kol kotja an o tselo them Israel.

Čačepangre 20:1

Un i tsele murshenge dran Israel his mishto, te wenn le khetne glan o baro Debleste an o foro Mizpa. Jon wan dran o tselo them, hake rigjendar kotar pral, kai i menshe Dan djiwenna bis tele pash o foro Beersheba, un koi pashel dran o tselo them Gilead.