1. Samuel 11:15 - O Debleskro Drom 2021 (Sinte)

¹⁵ Un jon lauter djan pre an Gilgal. Un kote, pash o Debleskro kheer tchiwan le o Saules pral pende, te well lo lengro baro rai. Un kote maran le viechen o baro Debleske, un kran i baro chapen. Un o Saul un i tsele Israelitarja chan un pijan bachteles khetne.

O Debleskro Lab 2024 (Sinte-Manouche)

¹⁵ Oun yon lauter djan pre an Gilgal. Oun kote, pash o Debleskro kheer čivan le o Saules pral pende, te vell lo lengro baro ray. Oun kote maran le firhen o baro Debleske, oun kran i baro rhapen. Oun o Saul oun i tsele Israelitarya rhan oun piyan barhteles khetne.

1. Samuel 11:15 ပူးပေါင်းရင်းမြစ်များ

2. Samuel 19:15

Jaake kras o David, te was i tsele murshen dran Juda jek dji un jek djipen, te lenn le les pale. Un jon bitchran jekes pash leste, un kowa hunte penas leske: “Am pale, tu un tire tsele menshe!”

2. Mose 24:5

Un job bitchras terne murshen win, te marenn le viechen un chatchrenn len o baro Debleske. Koi pashel his ninna terne gurma. Kolen maran le, te nai chan i Israelitarja ko mass khetne glan o baro Debleste.

Jakobo 4:16

Kowa penenn tumer gar. Tumer krenn tumen bares, un sharenn tumen pral kowa, hoi tumer krenna. Tumaro sharepen hi gar mishto.

1. Samuel 10:17

Un o Samuel mukas i Israelitarjen khetne gole te dell an Mizpa, te wenn le glan o baro Debleste.

1. Samuel 10:24

Un o Samuel penas ap i tsele menshende: “Kate dikenn, kones o baro Dewel win rodas. Kek hi jaake har job mank i tsele Israelitarja.” Koi dan i tsele menshe gole i bachtjatar un penan: “O baro rai te djiwell!”

1. Samuel 10:8

Tu djah glan mande tele an Gilgal. Kote kamau pash tute tele te well, te marap kote viechen o Debleske, sawen kai wenn tseles chatchedo un sawe, hoi chah mer khetne. Efta diwessa atchess tu koi. Palle wau un penau tuke, hoi te kress.”

1. Samuel 12:1

Un o Samuel penas ap i tsele Israelitarja: “Me shunom ap lauter, hoi tumer mange penan, un tchiwom i baro rajes pral tumende.

1. Samuel 12:17

Kanna hi o tsiro, kai o djob dren anlo well. Tumer djinenn, kowa hi gar o tsiro, kai dell brishin. Un me dau kanna ap o baro Debleste gole, te bitchrell job brishin un mukell o bolepen gole te dell. Palle haiwenn tumer, te his kowa, hoi kran, i baro tchilatchepen glan o baro Debleste, har mangan mandar i baro rajes pral tumende.”

1. Samuel 8:19

I menshe kaman gar ap o Samueleste te shunell, un penan: “Na-a, mer kamah, te well i baro rai pral mende,