1. Samuel 11:11 - O Debleskro Drom 2021 (Sinte)

¹¹ Sik taissarlakro mukas o Saul peskre lurden jaake khetne tardo te well, te his hako kopo i triinto kotar khetne tardo. Jaake djan le triin rigjendar ap i platsa, kai i Ammonarja hi. Kowa his gomme glan o tsiro, kai o kham pre djas. Un jon maran i Ammonarja bis mashkral o diwes. Un kolla, kai djides atchan, nashan penge, jaake te atchan gar dui lendar khetne.

O Debleskro Lab 2024 (Sinte-Manouche)

¹¹ Sik taysarlakro moukas o Saul peskre lourden yaake khetne tardo te vell, te his hako kopo i triinto kotar khetne tardo. Yaake djan le triin rigyendar ap i platsa, kay i Ammonarya hi. Kova his gomme glan o tsiro, kay o kham pre djas. Oun yon maran i Ammonarya bis mashkral o dives. Oun kolla, kay djides ačan, nashan penge, yaake te ačan gar douy lendar khetne.

1. Samuel 11:11 ပူးပေါင်းရင်းမြစ်များ

1. Mose 22:14

O Abraham das koi platsa ko lab ‘O baro Dewel dikella’. Jaake well bis kai diwes penlo: ‘Ap koi berga, kai o baro Dewel dikella’.

2. Samuel 18:2

Pral kolla lauter tchiwas job triin lurdengre rajen, hakenes pral i triinto kotar kol lurdendar. Kolla triin his: o Joab, leskro phraal o Abishai, koleskri dai i Zeruja hi, un o Itai dran Gat. Un o baro rai penas ap i lurdende: “Me kamau tumentsa an o kurepen te djal.”

Debleskri gili 46:1

I gili jekestar, kai hi dran i familja Korach. Kai gili hi o rajeske pral i gipangre, te giwell lo lat har koi gili ‘terne tcha’.

2. Mose 14:24

Sik taissarlakro, har o kham gomme gar pre djas, dikas o baro Dewel dran koi jagakri wolka tele ap i tsele Egiptikre lurdende un tchiwas i daar ap lende.

Mateo 7:2

Te hi tumen i baro dji i wawarenge, hi o Debles ninna i baro dji tumenge. Hi tumen kek baro dji lenge, hi o Debles witar gar i baro dji tumenge.

Jakobo 2:13

Ma bistrenn! Well jek diwes, kai rakrell o Dewel o tchatchepen win pral tumende. Te hi jekes kek dji i wawareske, koleske hi o Debles witar kek dji. Kones hi i dji i wawarenge, koles hunte well kek daar ap ko diwes, kai rakrell o Dewel o tchatchepen pral i menshende win.

Čačepangre 1:7

Koi penas o Adoni-Besek: “Efta-deesh bare rajenge mukom i pesse gushte lengre wastendar tele te dell un ninna i bare gushte lengre pirendar. Un jon hunte chan, hoi miri chapaskri tele peras. Un jaake har me les lentsa krom, jaake das les man o Dewel pale.” Un jon anan les an o foro Jerusalem. Un kote meras lo.

Čačepangre 4:16

Un o Barak peskre murshentsa las kol wurdja un kol lurden palla bis pash o foro Haroshet-Gojim un das len lauteren mulo o chareha. Kek lendar atchas pral.

Čačepangre 7:16

Un dran kol triin shelendar tchiwas job triin kope sheel murshen khetne. Un hakenes das lo i phurdepaskri un i khoro. Un an ko khoro his i kasht, hoi chatchell.

Čačepangre 7:20

Kanna phurdan kol triin-sheel lurde an pengre phurdepangre, un dan pengre khore paash. Un jon rikran pengro serwo wasteha o kasht, hoi chatchell, un pengro tchatcho wasteha pengri phurdepaskri, te phurdenn le dren, un dan gole: “Kuras men o baro Debleske un o Gideoneske!”

Čačepangre 9:43

las lo peskre tsele lurde, kras lentsa triin gruppe, un tchiwas pes lentsa an i hachetikri phub khatemen. Un har dikas lo, te wenn le dran o foro, was lo peskre lurdentsa dran o khatepen, te perell lo ap lende.

1. Samuel 11:2

O Nahash penas ap lende: “Kawa hi, hoi tumentsa win krau: Me dau hakeneske tumendar o tchatcho jak win. Jaake anau ladj ap o tselo Israel!”

1. Samuel 14:47

Har was o Saul o baro rai pral o Israel, djas lo an o kurepen lauterentsa, kai djiwan trul o them Israel un kaman les tele te rikrell. Kolla his i menshe dran o them Moab, Ammon un Edom, ninna i bare raja an o them Zoba, un i Filistarja. Un kai lo ninna djas, kote was lo o sorleder.