1. Samuel 11:1 - O Debleskro Drom 2021 (Sinte)

¹ Un o rai pral i Ammonarja, o Nahash, las peskre tsele lurden, djas win un tchiwas pes lentsa trul o foro Jabesh an o them Gilead, jaake te nai was kek dren un kek win. Un i tsele mursha dran o foro Jabesh penan ap o Nahash: “Kre mentsa win, te kress menge kek tchilatchepen. Palle nai weh tu o rai pral mende!”

O Debleskro Lab 2024 (Sinte-Manouche)

¹ Oun o ray pral i Ammonarya, o Nahash, las peskre tsele lourden, djas vin oun čivas pes lentsa troul o foro Yabesh an o them Gilead, yaake te nay vas kek dren oun kek vin. Oun i tsele morsha dran o foro Yabesh penan ap o Nahash: “Kre mentsa vin, te kress menge kek čilačepen. Palle nay veh tou o ray pral mende!”

1. Samuel 11:1 ပူးပေါင်းရင်းမြစ်များ

1. Mose 26:28

Penan le: “Mer dikah un haiwah, kai o baro Dewel tuha hi. Doleske penam menge: Mer hunte kras tuha win, un das men sowel, te krah buder kek tchingepen jek o wawareha.

2. Samuel 10:1

Pal ko tsiro meras o baro rai pral kol Ammonarja. Un leskro tchawo, o Hanun, was baro rai pal leste.

2. Samuel 10:2

Koi penas o David: “Me kamau o tchaweha o Nahashestar, o Hanun, maal te well, jaake har leskro dad miro maal his.” Un o David bitchras murshen koi, un mukas leske lendar kamle laba te penell pral leskro dadeste, te well leske gar buder ropaske. Har kanna kolla, kai o David bitchras, an ko them Ammon wan,

2. Samuel 17:27

Har o David an o foro Mahanajim was, koi wan pash leste: o Shobi, koleskro dad o Nahash hi, dran o foro Rabba, kai i Ammonarja djiwan; o Machir, koleskro dad o Ammijel hi dran o foro Lo-Dabar; un o Barsillai dran o foro Roglim dran o them Gilead.

2. Samuel 2:5

koi bitchras job murshen pash lende un mukas lenge te penell: “O baro Debleskri bacht well ap tumende! Tumer kran tumaro dji pre tumaro baro rajeske, o Sauleske un paskran les.

1. Rajengro liil 20:34

Un o Ben-Hadad penas ap leste: “Kol forja, kai miro dad tiro dadestar krik las, dau me tuke pale pale. Un tu nai kreh tuke parepaskre khera an o foro Damaskus, jaake har kras miro dad an o foro Samaria.” “Mishto” penas o Ahab, “de man tiro dadeskro wast koi pre, palle mukau tut khere te djal.” Kote dan jon pen o wast pre. Un palle mukas job les te djal.

1. Familjakro liil 10:11

Har shunan halauter, kai djiwenn an o foro Jabesh an o them Gilead, hoi i Filistarja o Sauleha kran,

1. Familjakro liil 10:12

kran pen i tsele tchatche mursha ap o drom, un lan o mulo Saules un leskre mule tchawen, un anan len an o foro Jabesh, un paskran len tel ko baro ruk pash o foro Jabesh, un chan tchi efta diwessa.

Hiob 41:4

Me kamau ninna pral kowa te rakrell, hawe herja o Leviatanes hi, un har sorelo un shukar job kerdo hi.

2. Mose 23:32

Ma awenn lengre mala! Ma mangenn tchomone lengre deblendar!

Jesaja 36:16

Ma shunenn ap o Hiskija! Shunenn ap mande: O rai pral o them Assur penell tumenge: Was men khetne mala, un awenn pash mande win! Palle nai chal hakeno peskre molengre drake un faige peskre rukendar, un nai pijell peskro pani dran peskri brunna,

Jeremia 40:11

Glan ko tsiro nashan bud menshe dran Juda an i themma Moab, Ammon un Edom un an wawar themma. Har kolla shunan, kai o baro rai dran o them Babilonia i wast pherdo menshen pral mukas an o them Juda, un tchiwas o Gedalja pral lende,

Jeremia 40:14

un penan ap leste: Djineh tu ninna, kai bitchras o Baalis, ko baro rai pral o them Ammon, jekes, te dell lo tut temerl? Kowa hi o Jishmael, koleskro dad o Netanja his. Kowa kamas o Gedalja lenge gar te patsell.

Ezekiel 17:13

Un job las o rajeskre tchawendar jekes, un kras leha win, te well job o rai pral o them Juda, un mukas les i sowel te dell, te perell lo gar lestar tele. I pralstunen dran ko them las lo pandles an Babilonia,

5. Mose 23:3

Kek mursh, koleskri dai gar romedini hi, nai well kote tumentsa khetne, kai o baro Debleskre menshe khetne wenna. Ninna leskre tchawe nai wenn gar kote, jaake rah har deesh familje jek pal i wawar djiwenna.

Čačepangre 10:7

Kote chatchas i bari choli pre an o baro Debleste ap i Israelitarja. Un job das len an i wasta i menshendar dran i themma Filistia un Ammon.

Čačepangre 11:4

Un pal i tsiro djan i Ammonarja ap i Israelende pre.

Čačepangre 21:8

Doleske putchan le: “Dell kol 12 (deesh-te-dui) bare familjendar, kai wenn o Jakobeskre tchawendar, jek, kai was gar an o foro Mizpa, har mer glan o baro Debleste khetne wan?” Un jon shunan, te was kek dran o foro Jabesh, hoi an o them Gilead hi, ap i platsa, kai o tsillo his.

1. Samuel 12:12

Har tumer dikan, te djal o rai pral i Ammonarja, o Nahash win, te kurell lo pes tumentsa, penan tumer mange: “Mer kamah i baro rajes pral mende”, har te wals o baro Dewel gar tumaro baro rai.

1. Samuel 14:47

Har was o Saul o baro rai pral o Israel, djas lo an o kurepen lauterentsa, kai djiwan trul o them Israel un kaman les tele te rikrell. Kolla his i menshe dran o them Moab, Ammon un Edom, ninna i bare raja an o them Zoba, un i Filistarja. Un kai lo ninna djas, kote was lo o sorleder.